ماهو شخصَ عابر في عيونيَ هو بين الضلوع و نبض المحاني ..✿, مسآحتكم الشعريه ..✿,

[أسير نجد]

يا الغـايب اللــي انطوتْ معكْ " الأنفاسْ "

تعبتْ أداري .. زفرة الشوقْ فيني ..!

[تآج القلوب]

غنمتك من اخيار الصدف في زمان الخير !
وخذتك الحياه القاسيه في ثناياها ,

تلاشت ملآمحك الجميله .. مع التفكير !
سقى الله ليآليك السعيده وذكرآهآ

[أسير نجد]

" يا برد " لا تقسى ! و قلبي .. حِنَيّن
و الشوق "غابر" .. و الحنايا " نديّه "

[Another day]

كل شي منك لفاني احترمته ..
مو قلت لك حبك ابد ما يضايق

حتى وانا مفارق غيابك حشمته ..
عساك مبسوط وعسى الحال رايق

[تآج القلوب]

اللي بكينآهم قبل لا يغيبون !
وشلون لا من غآبوا العمر كله

يا نعمة النسيان بالله و شلون ؟
ننسى الذي صعبه يسد بمحله !

[تآج القلوب]

يا ناقد الحب لا تشره على المبلي !
خل النفوس الجريحه وش تبي فيهآ ,

قال المثل والمثل مطروق من قبلي !
( مآ تحرق الجمره الا رجل وآطيهآ )

[تآج القلوب]

كل مآ جيت اعتني في نفسي الموجوعه !
سببت في صدري الاحزآن صوت وزحمه !

جعل مآ جآني على دنيآ الشقا من لوعه !
تحتسب في الاخره تخفيف ذنب ورحمه ,

[المـ ؛؛؛ ــافر]

إن غـــــــــــــــــــاب زولك هَمني في غيابه،
وإن غاب غيرك ما تغير عَلي شي،
يفداك قلبٍ مَخـــــــلب البُعد صابه،
والله ما أنسى طَلتك دامني حي،

[Another day]

خلك معي مرتاح - لا عاد تبعد -
حتى ليّا من غبت ، يكفيني الصوت !

اربع ضيوف يجون من دون موعد :
ضيق الصدر والحب والحظ والموت !

[المـ ؛؛؛ ــافر]

قرب لي الدله وقرب لـي التمـر
أمنايتي نشرب من الكيف فنجـال
برية تحمس علـى واهـج الجمـر
فنجالها يذهب هموم(ن) على البال