تجميع لكل المواضيع العامه

[سحورة]

اومآ شههههههههههر

الله يصبرنآ

[شوك الورد]

وين مواقفكم

[شوك الورد]

انا كل مرة ابوي يوديني ويجيبني بسيارة الكشخة بس ما يوقف عند الباب من الزحمة
في يوم خذاني اخوي بسيارة الي ما ادري كيف شكلها تفشل ولا كان بجنب الباب http://forum.mn66.com/imgcache/2/461597women.gif صرت اطالع احد شافني

[Alshehri2011]

انا والله صار معي هالموقف

انتهيت من اجابة اسئلة التحرير العربي قلت للمراقب لو سمحت ابيك جاني قلت له لو سمحت ابي اصور الاسئله بالايفون عشان اراجعها ي البيت ممكن ! هو انا قلتها ولا ما قلتها سحب الورقه مني وقال لي اغرب طلب في حياتي قلت له سلامات ترى ما غشيت يوم تسحب الورقه لا ويقول بسوي محضر الاخ هههههههههههههه من جد نفسيه ذا المراقب المهم بالصدفه جانا واحد شكله مراقب ثاني بيعطيه اوراق قام يشكي له ذا النفسيه ويقول هذا يطلب يصور وو و و و
حسيت اني قتلت واحد في القاعه وانا ما ادري
المهم ضحك خويه وقال له خلاص قول له ممنوع تصورها ورجع له ورقتها اذا يبي يراجع ما صار شيء وبعدها جلس عند راسي مسنتر ومن ثقالة دمه قلت ابريحك خذ الورقه انا خلصت وابي اطلع
والله اني خايف يسوي لي قضيه هالنفسيه

[Alshehri2011]

المشاركة الأصلية كتبت بواسطة شوك الورد

انا كل مرة ابوي يوديني ويجيبني بسيارة الكشخة بس ما يوقف عند الباب من الزحمة
في يوم خذاني اخوي بسيارة الي ما ادري كيف شكلها تفشل ولا كان بجنب الباب صرت اطالع احد شافني

هههههههههههههههههههه

شكلها ددسن غمارتين موديل 80

[راقي بن عميره]

مساء الخير / بجد في اشياء تستفزني من بعض الطلبه في

القاعه فيه واحد جاء واحنا ماسكين ورقه الاجابه نلون

المعلومات قاله المراقب تفضل اجلس قال شوي ويتعذر

بأعذار شبهه حطه المراقب في راسه وهو الاصلاً ينتظر

شخص يغششه بالله هذا وجه طالب جامعي ... صدف مره

قالي انت دافور قلت له لا فرن لاني بجد شفته شخص

استغلالي ومع الاسف حركاته اثناء الاختبار تحسه

حركات مراهقين رغم ان الاجابه قدام عينه..

بجد انت ليش تاخذ تعب شخص ذاكر وضيع وقته بالمذاكره وانت مهمل وياليته يبي اجابه سؤال واحد

او سؤالين او ثلاثه بالعكس يبي ( اجابه 70 سؤال )

لو صادفك شخص زي كذا ايش راح تسوي وياه ؟

بالنسبه لي والله اكرشه

[Alshehri2011]

نسيت اقولكم موقف من جد غريب

المهم اختبار الانجليزي اقسم بالله كان جنبي واحد المهم اطالع فيه الا وعينه في ورقة اجابتي وجالس ينسخها صورة طبق الاصل . اطالع في النموذج حقه D وانا C المهم بعد ما طلعنا قلت له وشفيك تنقل مني قال نسخت الاجابات من ورقتك عادي .. قلت ياخي انا نموذجي يختلف عن نموذجك .. استغرب الرجال
المهم انه ممكن يحمل الانجليزي بكل احترام

[ماكينتوش]

المشاركة الأصلية كتبت بواسطة أم عمر w

جزاااااااااك الله خييييييييييير...
لكن أنا لما فتحت الموضوع قلت فيه هذي الجملة واتأكد منها((أسأل الناس إلي يتهجمون على الدكاتره))
وذكرت في الموضوع أني لا أعمم ، لكن وجدت أن مثل هذي المشاركات تجر وراءها مشاركات على نفس الشاكلة ...
وأنا مافتحت الموضوع إلا من باب الأمر بالمعروف والنهي عن المنكر ..لكن الموضوع فهم غلط....

جزاك الله الف خير يا ام عمر وانا لا اشكك بصدق نواياك لكن احيانا الشخص لا يوفق في بعض اطروحاته او يخونه التعبير .. وقد تم طرح اكثر من موضوع في هذا الجانب وهذا ما دعاني للكتابه ..

وانا للا مانه من اشد المعجبين في مواضيعك الرائده والتي كان لها اثر كبير في نفوس الطلاب ..

لكن اختلاف الرأي لا يفسد في الود قضية

[أسير نجد]

يعطيك العافيه يااختى /

انا اصعب موقف لى انى بعت سيارتى في الاختبارات وعطيت النيه للرجال الشارى بعد مااحرجنى كثير عندها ولا انا مالى نيه ابيع نهائيا بس وش اسوى خفت يصكنى عين واروح فيها وقفتها في البيت من باب الامانه وهو توه مانقلها ورحت لمواقع حراج حق السيارات اللى بالنت وصرت ادور على سياره اضافه الى الاختبارات لان المعارض مايمدينى اروح لها وانا عندى اختبارات وابتلشت واخذت سيارة اخوى منه وخليته على رجله هههههه .

لكن اسعد خبر في حياتى يوم دق على وانا اذاكر اختبار الثانى حق الصحه وقالى خلاص هونت وماعاد ابيها
قلت ابرك والله انك فعلت خير فيه وبالذات في هالظروف الصعبه وموفق يالغالى !

[ماكينتوش]

المشاركة الأصلية كتبت بواسطة loler

خلاص فكونا من هذه المواضيع ترا اعطيتوه اكبر من حجمه كل من خش نبي نستفيد شي علمي
نجد فلان قال وفلان حط الواحد مره يمشي والحسنات تقطر منه علي باله كل واحد يخاف الله ويلزم لسانه وعقله
ويعرف انه في حساب يوم الموقف العظيم والي يتمادي بكيفه الجنة تبغا والنار تبغا
لكن ايش ذنبي وذنب غيري ستين الف موضوع مفتوح كله يتكلم عن هذا الموضوع
وتاركين مواضيع اخري لتكلم عنه مثل الجداول عدد الساعات كيفية اضافة الجدول الاشياء الي تتعلق بلدراسه
ماهو مواضيع نقاش الفايده منها كلام في كلام
الي يبي يتكلم يروح يسولف مع اسرته هم احق بذلك

لكم تحياتي

شكرا على تعليقك وكلامك سليم جدا

وانا سامضي قدما لكي افيد واستفيد في هذا المنتدى الرائع .. انتهى