غصبٍ على خشـم الموآجـِع سـهالات!

[مازن اليامي]

تقارب الارواح قلب وصوت
ترى عليه اثبات علميا

لاضاق صدر اللي تحبه موت
يضيق صدرك لا ..اراديا

[مازن اليامي]

انا اللي بقربك سعيد وتهنى
اربك تحس بشعوري اربك

مع مطلع العام الجديد اتمنى
اني اول من يقول احبك

[مازن اليامي]

ان كنت تبحث عن الراحه ومستنفر
حافظ على النقطتين التاليه ذولا

الاوله استعن بالله واستغفر
والثانيه تناسى النقطه الاولى

[مازن اليامي]

بحتك فنجال بالبن المهيل
ووجهك البدري ملى قلبي وكوني

تدري ليه اغمض ان جيت اتخيل
خايف العالم تشوفك في عيوني

[مازن اليامي]

جاك البراد وراح صوتك وزكمت
سلامة اوجاعك ولو كان كحه

صوتك حلو لاتذبح الشوق بالصمت
احب صوتك لاغدا فيه بحه

[مازن اليامي]

عيني على الجوال تبقى تحتريك
وكل المشاعر لاتصالك نادتك

دخيل من جابوك طمني عليك
طولت بغيابك ولا هي بعادتك

[مازن اليامي]

اشوف زولهم بينهم وانت ماجيت
ماظن به مخلوق قد حس مثلي

من كثر ماهمت بغلاك وتمنيت
منت ابتسم لك كل ماتبتسم لي

[مازن اليامي]

اتخيل وجهك الزين وامسي عليه
كل وجه غير وجهك مايغري ناظري

انت من حبه خذاني العالم اليه
وانت من شوفة محياه سلوة خاطري

[مازن اليامي]

احب اشوفك كثر ماشتاق لك واسمعك
واحاول اواصلك دامني استطيع

تسعة وتسعين بالميه شعوري معك
والواحد اللي بقى لاهلي وربعي جميع

[مازن اليامي]

ترا عيونش سحررها يلفت الانظار
مع كل سلهامه ومع كل طله

اقرى على النواعس السود الاذكار
ترا اكثر العالم مهو يذكر الله