الوصف الممل لمدارس العبير الرياض 2 ومشوار سفر حلمي الامل

[حلمي الامل]

السلام عليكم

اول شي الحمد لله على سلامتي ابشركم وصلت بالسلامه من رحلتي القادمه من ولايه عريجونيا المتحده

الوصف الممل بالتفصيل

اول شي مرينا لبقاله واخذنا فصفص وعصير وببسي

ثاني شي

انا طلعت من البيت الواقع في طريق الملك عبدالله على امتداد طريق الملك عبدالعزيز
حوالي الساعه التاسعه والنصف بتوقيت الرياض 1
طبعاً الان اكون متجهه شمال لين تجينا اشاره الملك عبدالعزيز مع تقاطع طريق الامام محمد بن سعود (شارع الجامعه سابقاً) ونلف يسار ونمشي طوالي لييييييييييييين تجي بوجيهكم لوحه مكتوب فيها المؤسسه العامه للتقاعد بعدين نلف من عندها يمين ونمشي يجي اول مخرج مو مكتوب عليه رقم ونلف معه يمين من عند دله لقياده السيارات ونمشي لين يجي مخرج 2 تجي لوحه مكتوب عليها الدرعيه القديمه ... بعدها يجي مخرج 1 ثم يشطح المخرج ويصير 32 (مدري وشلون صار كذا ابي اعرف من الي صمم الرياض وسوى مخارجها ياهو احول) المهم بعدين يجي وادي حنيفة بعدها تجي لوحه كبيره مكتوب فيها المهديه بعده مخرج 37..... 36......35...... ضاحية لبن 34........وامش يابو رمش لين يجي مخرج 32أ ....... المدينه الصناعيه ...... مخرج 31 شارع بن حزم ......... الكبري المعلق ........ يجي هنا مخرج مو مكتوب عليه شي نلف من عنده يمين تجي اشاره نلف يمين دايركت هذ الشارع هو خديجه بنت خويلد ثم نمشي طوالي وتجي اشاره ثانيه نقطعها يجي هايبر بنده يمين على طول اول لفه يمين نلف معها بعد بنده تجي شرطه طويق يسار المدرسه يمين وهاذي هي الرياض 2

ابشركم بنات جنبنا شقق عزاب وشرطه مدري وشلون تجي ذي
يعني اي حركه منا مناك
المهم وصلت بعد جهد جهيد وحب خشوم لبيتنا حوالي الساعه 11

الله يسهل علينا بس
والله اني اقول لو استأجر لي شقه هناك اصرف لي

خلاص بس والله ماعاد اقدر اذاكر وش ذالحاله

[! مصدر أشواقي !]

والله لو ان معاي الورقة ذي مادليت المكان ابد خير شر

الله يعينكم ياأهل الرياض على هالزحمة

[منصور التميمي]

مادري اختي انتي رايحه رياض 2 ولا ينبع البحر :hahahahaha h:

[Eltag]

ياويل حالي ياحلومه
راسي وعيوني وكلي صابه ارتجااااااج

يمه يمه
وربي مشواااااااااااااااااار
الله يعيناااا ويعين الي بوصلنااااااااا

الف شكر حلومه
وها لا تنسين المفطح

واحلى تقييم حق التعب

[حلمي الامل]

المشاركة الأصلية كتبت بواسطة تبولة

ياويل حالي ياحلومه
راسي وعيوني وكلي صابه ارتجااااااج

يمه يمه
وربي مشواااااااااااااااااار
الله يعيناااا ويعين الي بوصلنااااااااا

الف شكر حلومه
وها لا تنسين المفطح

واحلى تقييم حق التعب

اطبعي الملخص السابق وامشي عليه اضمن لك الوصول باذن الله

وابشركم ماعندهم الاطريب للمأكولات الشعبيه
يعني جريش ميه ميه

[قايده القمر]

ياليل اليل


شو هل مشوار

كيف المدرسه حلو

ثانكس لك

[Ranoooosh]

الله يهديهم مالقو الا يحطونا باخر الدنيا اقل شي بالنصف او مثل الشباب المفروض يكون كذا مكان

[dindo]

لا لا لا مو معقول انا ساكنة في الشمال طريق الملك عبدالله مثلك ياحلمي ...ليش كذا رامينا والله الاكاديميه اصرف لو نختبر بالساحة ليه تشتكون وتغيرون المكان
على كذا لازم اصلي الضهر وامشي ..ومين يوديني زوجي بيجي تعبان من الدوام والاخلاق صفر ..السواق مايدل هالمشوار ..وش السواة ؟؟؟
والله قهر ..

[dindo]

كم اخذ منك المشوار ياحلمي من بيتك للمدرسه .؟؟؟بحسب واشوف والله مقهورة

[Lilac]

اتوقع يا بنات مقسمينا على حسب الاقسام

صديقتي في تربية خاصة مودينها مدارس الرواد مخرج 9 ..

[ الله يكون بعونك أمل .. لاني عانيت من دبل هالمشوار الترم اللي راح ساعه ونص بس في الطريق وكانت الاجواء ما تساعد وقتها والزحمة تكمل الناقص]

كلها كم يوم وتعدي هونوها بتهون ..

موفقين يآرب [ ]