طلب طريقة معادله المواد

[خالد الصانع]

السلام عليكم ورحمة الله وبركاته

كل عام وانتم بخير و الله يتقبل منى و منكم صالح الاعمال ..

و مبروك لعودتكم للدراسه

اخواني الكرام انا درست في كلية تقنية تخصص ادارة مكتبية

هل أقدر اعادل مواد موجوده في الجامعه من اللي درستها في الكليه ؟

المواد اللي درستها في الكلية وهي :
- مقدمة تطبيقات الحاسب - تطبيقات حاسب 1
- مهارات في الطباعة عربي + انجليزي .
- ثقافه اسلامية 1 - 2 .
- لغة انجليزية عامة - تخصصية 1 - 2 .
- رياضيات تخصصية .
- مبادئ إدارة الاعمال .
- سكرتارية 1 - 2 .
- السلوك الوظيفي و مهارات الاتصال .
- مقدمة في الإحصاء .
- تقنية مكاتب .
- لغة عربية .
- مقدمة في الاتقصاد .
- تنظيم و أدارة المكاتب .
- إدارة الموادر البشرية .
- مهارات التعامل مع الغير .
- نظم المعلومات الإدارية .
- إدارة الوقت .


هذي المواد اللي درستها خلال دراستي في الكلية .. و حاب أعملها معادله للمواد
ايش المواد اللي اقدر اعادلها و اللي ما أقدر اعادلها
مع العلم فيه بعض المواد اخذت فيها [ c - D ]

تقربيا ً 3 مواد و هل فيه شروط للمعادلة للمواد او لا

وعلى فكرة انا الان انتقلت الى مستوى 2 - و حملت للأسف مادتين

و هل لما أعادل المواد كيف يحسبونها الدرجه .. يحطون الدرجه اللي اخذتها بالكامل او ينقص منها شيء ؟؟

بنتظار مساعدتكم و اعذروني على الاطاله .


وشكرا ً

[ǺĽ ẕeeห]

هلا وغلا فيك خيوو منورنا والله "

حياك معنا هنا بالقسم وان شاء الله اني اقدر اعينك وافيدك واساعدك "

اول شي / انت طالب مستجد ماتقدر تعادل

اذا رحت مستوى ثاني اقولك - تقدر -

بس حاليا لا "

المواد الي تقدر تعادلها بعدين على المستويات القادمه ابتداء من المستوى الثاني هي ""
يمكن في مواد اضافيه تقدر تعادلها بس هذا الي اعرفه لين المستوى الثالث "

اذا في شي اضافي بقولك عنه "

- ثقافه اسلامية 1 - 2 .
- لغة انجليزية عامة - تخصصية 1 - 2 .
- رياضيات تخصصية .
- السلوك الوظيفي و مهارات الاتصال .
- مقدمة في الإحصاء .
- إدارة الموادر البشرية .
- نظم المعلومات الإدارية .

هذا هم ""

وبعطيك شويه معلومات عن المعادله وهالكلام كم عميد الجامعه دكتور احمد النجار "

في حالة دراسة الطالب لبعض المقررات في جامعة أخرى يجوز له أو لها أن يتقدم بطلب معادلة ذلك المقرر في الجامعه .. وعليه أن يقوم بالتالي:



أولا: الحصول من جامعته السابقة على سجل أكاديمي (دراسي) أصلي ومختوم بختم الجامعه
ثانيا: الحصول على وصف للمقرر الذي يرغب في معادلته من جامعتة السابقة أيضا
3- تحديد المواد المطلوب معادلتها ويذكرها في خطاب خطي يوجة لوكيل الجامعه للدراسات والتطوير وخدمة المجتمع
4- ترسل هذه الأوراق جميعا على العنوان التالي:



عمادة تطوير التعليم الجامعي
جامعة الملك فيصل
الهفوف - ص.ب 400 الرمز 31982



وستقوم العمادة بارسال هذه الأوراق الى القسم العلمي والذي سينظر في القبول من عدمه وسيبلغ الطالب بالنتيجة بعد ورود قرار القسم بالمعادلة من عدمه .





ارشادات عامه لمعادلة المقررات:



1- لايمكن قبول معادلة أي مقرر تقديره أقل من ج أو c
2- لايمكن قبول أكثر من 15 ساعه للطالب كساعات معادلة
3- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.
4- لايمكن معادلة أية مادة درست في درجة علمية أو شهادة أخرى تم الحصول عليها ..
يعني أن الطالب أو الطالبه إذا درست بكالوريوس أو دبلوم وتخرجت فلايمكن قبول معادلة أية مقرر من المقررات التي درستها في تلك الدرجة لكي تعادل في درجة علمية ثانية اللي هي الانتساب لأن هذي درجة علمية تختلف عن تلك ولايمكن أن يقبل أي مقرر لكي يستخدم مرتين في شهادتين مختلفتين. المعادلة فقط ستتم لمن درس مقررات دراسية لم يحصل من خلالها على درجة علمية .


حصل تعديل بسيط من قبل عميد الأنتساب المطور لمعادلة المواد
د/عبدالله النجار
اقتباس:
الاخوة الطلبة
السلام عليكم
لا يتم معادلة أي مقرر لأي طالب مستجد
الدراسة في الفصل الأول إلزامية لجميع المقررات دون استثناء

يتم معادلة 15 ساعة فقط لأي طالب تقدم بمعادلة مقررات حتى لو كان قد حصل على درجة علمية من خلال دراسة دبلوم في كلية حكومية معترف بها (4 سنوات) أو جامعة معترف بها من داخل السعودية أو خارجها



هنا http://kfuforums.kfu.edu.sa/showpost...04&postcount=3

اوك ""

يعني لو كنت جديد ما تقدر تعادل " الا اذا صرت مستوى ثاني "

والمعادله الحين صارت عن طريق موقع الخدمات الطلابيه ما ترسلها لهم ع صندوق بريد ولا هم يحزنون

اي خدمه ثانيه انا تحت امرك "

[dunkin]

المشاركة الأصلية كتبت بواسطة دٍفٌئ المٍشٌّاعٍر

- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.

يعني افهم من الكلام انه لو عادلت عشر ساعات ما راح تدخل في المعدل ..؟؟؟

ما تدخل في المعدل لا من قريب ولا بعيد ....!!!!

على بالي انهم راح يحسبون نفس الدرجه المسجله من الجامعه ( السابقه ) قلت ما ابي اعادل الدرجات وهي (C) بعدين بينزل المعدل

ولا انا فاهم الكلام غلط ؟؟؟؟

افتوا لي يا جماااعه

[خالد الصانع]

اول شي / انت طالب مستجد ماتقدر تعادل

اذا رحت مستوى ثاني اقولك - تقدر -

بس حاليا لا "

وش هالتحطيم هذا ههههههه اقولك رحت مستوى ثاني

- ثقافه اسلامية 1 - 2 .
- لغة انجليزية عامة - تخصصية 1 - 2 .
- رياضيات تخصصية .
- السلوك الوظيفي و مهارات الاتصال .
- مقدمة في الإحصاء .
- إدارة الموادر البشرية .
- نظم المعلومات الإدارية .

هذي المواد اللي أقدر اعمل لها معادله في المستوى الثاني او تقصدين في كل المستويات اقدر اعمل لها معادله اذا جيت ادرسها ؟

أولا: الحصول من جامعته السابقة على سجل أكاديمي (دراسي) أصلي ومختوم بختم الجامعه

سجل الدرجات موجود عندي و مختوم على الورق ..

ثانيا: الحصول على وصف للمقرر الذي يرغب في معادلته من جامعتة السابقة أيضا

كيف هالطلب ما فهمت عليه .. ايش يقصد [ وصف للمقرر ] ؟
يقصد عن ايش يتكلم و ايش اللي ذكر بالماده ؟

2- لايمكن قبول أكثر من 15 ساعه للطالب كساعات معادلة

يعني أقل شيء 4 مواد بشرط انها ما تكون اكثر من 15 ساعه مجموعها هذا اللي فهمته صح ؟

3- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.

يعني اذا عادلت ماده خلاص تنحذف ولا يحتسب درجتها لي .. يعني على كذا بتنزل من نسبة !!!
هذا اللي فهمت صح او غلط ؟

4- لايمكن معادلة أية مادة درست في درجة علمية أو شهادة أخرى تم الحصول عليها ..
يعني أن الطالب أو الطالبه إذا درست بكالوريوس أو دبلوم وتخرجت فلايمكن قبول معادلة أية مقرر من المقررات التي درستها في تلك الدرجة لكي تعادل في درجة علمية ثانية اللي هي الانتساب لأن هذي درجة علمية تختلف عن تلك ولايمكن أن يقبل أي مقرر لكي يستخدم مرتين في شهادتين مختلفتين. المعادلة فقط ستتم لمن درس مقررات دراسية لم يحصل من خلالها على درجة علمية .

ممكن توضيح اكثر لان الصراحه احس أني فهمت عليه غلط ومدري يمكن يكون صح اللي فهمته

[ǺĽ ẕeeห]

طيب " مستوى ثاني ما انتبهت والله السموحه ""

الوصف تاخذه من الجامعه الي كنت فيها بس قولهم ابي وقف للماده الفلانيه وبيعطونك اياه "

والمواد الي حطيتها لك في شي حق المستوى الثاني وفي شي حق المستوى الثالث "

ودامك مستوى ثاني عادل حقات المستوى الثالث احسن لأنك لو طلبت معادله الحين بيحسبونها لك ع الترم الجاي يعني اذا صرت مستوى ثالث "

احصاء ونظم معلومات ومهارات اتصال اطلب لهم معادله من الحين لأنهم مواد المستوى الـ 3

اذا عادلت الماده الي تبيها خلاص ما تدرسها مره ثانيه يعني بالعربي ما تنزل لك بالشهاده
ولا كأنك درستها "

فهمت علي ؟؟

واخر شي مافهمته معناته

اذا درست بجامعه او كليه وتخرجت منها واخذت الشهاده وبعدين دخلت لجامعه فيصل وتبي تعادل هالشي ممنوع

ماراح يقبلونها لك

لانك تخرجت خلاص من مكان ثاني

اما لو انك درست بمكان وطلعت منه وجيت هنا وقتها تقدر تعادل المواد المشابهه لمواد جامعه الملك فيصل اذا كانت توافق نفس عدد الساعات ""

و سؤالك عن 4 مواد عشان تكمل 15 ساعه ايوه الي فهمته هو الصح "

اي خدمه انا تحت امرك ""

[ǺĽ ẕeeห]

المشاركة الأصلية كتبت بواسطة dunkin

يعني افهم من الكلام انه لو عادلت عشر ساعات ما راح تدخل في المعدل ..؟؟؟


ما تدخل في المعدل لا من قريب ولا بعيد ....!!!!

على بالي انهم راح يحسبون نفس الدرجه المسجله من الجامعه ( السابقه ) قلت ما ابي اعادل الدرجات وهي (c) بعدين بينزل المعدل

ولا انا فاهم الكلام غلط ؟؟؟؟


افتوا لي يا جماااعه

يعني نقول مثال

نزلت لك 5 مواد طيب "

وانت عادلت 3

تنزل لك بالشهاده مادتين بس ""

الباقي ماينزل لك لأنك درسته بمكان ثاني وعادلته هنا يعني ماتدرسه من جديد فـ ماينزل لك بالشهاده من اساسه ""

فهمت علي خيو ؟؟

[خالد الصانع]

اذا درست بجامعه او كليه وتخرجت منها واخذت الشهاده وبعدين دخلت لجامعه فيصل وتبي تعادل هالشي ممنوع
ماراح يقبلونها لك
لانك تخرجت خلاص من مكان ثاني
اما لو انك درست بمكان وطلعت منه وجيت هنا وقتها تقدر تعادل المواد المشابهه لمواد جامعه الملك فيصل اذا كانت توافق نفس عدد الساعات ""
و سؤالك عن 4 مواد عشان تكمل 15 ساعه ايوه الي فهمته هو الصح "

اجل اللي انا فهمته من الاول صح .. اني مقدر اعادل اي ماده خلاص لاني تخرجت مثل ما قلت في البداية
من كلية التقنية تخصص ادارة مكاتب واستلمت الشهادة التخرج .

لو اني طلعت من الكليه اخر ترم كان قدرت اعادل أي ماده قبل التخرج

على كذا تعبتك معاي .. و أمري الله ادرس الدروس كلها من جديد

ولا اقدر اعادل شيء ..

مشكورة و يعطيك الف عافيه

تعبتك معاي

[فارس740]

دٍفٌئ المٍشٌّاعٍر

[dunkin]

المشاركة الأصلية كتبت بواسطة دٍفٌئ المٍشٌّاعٍر

يعني نقول مثال

نزلت لك 5 مواد طيب "

وانت عادلت 3

تنزل لك بالشهاده مادتين بس ""

الباقي ماينزل لك لأنك درسته بمكان ثاني وعادلته هنا يعني ماتدرسه من جديد فـ ماينزل لك بالشهاده من اساسه ""

فهمت علي خيو ؟؟

الله يعطيك العافيه

طيب ابي رايكم

اعادل الانجليزي والرياضيات .... مع اني اشوف نفسي راح ابدع في الاثنين وراح اجيب درجات حلوه راح ترفع معدلي

وش رايكم يا اهل الخبره من ناحيه المعدل هل الافضل ادرسهم ولا اعادلهم وافتك ؟؟؟؟

[أبــو الـولـيـد]

المشاركة الأصلية كتبت بواسطة خالد الصانع

اجل اللي انا فهمته من الاول صح .. اني مقدر اعادل اي ماده خلاص لاني تخرجت مثل ما قلت في البداية
من كلية التقنية تخصص ادارة مكاتب واستلمت الشهادة التخرج .

لو اني طلعت من الكليه اخر ترم كان قدرت اعادل أي ماده قبل التخرج

على كذا تعبتك معاي .. و أمري الله ادرس الدروس كلها من جديد

ولا اقدر اعادل شيء ..

مشكورة و يعطيك الف عافيه

تعبتك معاي

اخووووي يمدك تعادل لو ماخذ الشهادة بناءاعلى كلام العميد النجار
يتم معادلة 15 ساعة فقط لأي طالب تقدم بمعادلة مقررات حتى لو كان قد حصل على درجة علمية من خلال دراسة دبلوم في كلية حكومية معترف بها (4 سنوات) أو جامعة معترف بها من داخل السعودية أو خارجها

__________