ساعدوني انا في ورطه ارجوكم

[وهج2011]

ارجوكم ساعدوني الله يخليكم انا مافهمت شي من البلاك بورد والله اني حايسه المشكله اني لما انزل المحاضرات تفتح لي صفحه كلها انقلش بعدين ايش يعني محاضره تمهيديه يعني هي معانا ولى ايش وكيف اعرف ان عندنا بكره محاضره مباشره وكما سوال لما ادخل على الماده موجود كذا محاضره يعني المحاضرات الموجوده نزلت خلاص ونحملها
اسفه على كثرة الاسئله لاني كنت منقطعه عن النت فتره ولما دخلت تفاجات بمحاضرات كثيرة كان في خاطري ان المحاضرات تنزل مكتوبه واحنا نحملها ونطبعها تفاجئت لما دخلت ان المحاضرات مسجله وعلينا نكتبها ولا كيف

ارجوكم ساعدوني

[دوَدي]

-

شوفي ي حلوه ..
اقري هالموضوع [ http://www.ckfu.org/vb/t286477.html ] فيه اشياء كثيره تفيدك
وترى فيه محاضرات مكتوبه مايحتاج تكتبين .. ادخلي هنآ [ http://del2.kfu.edu.sa/vls/Login.aspx ]
تلقينه ب اسم [ ملف مرفق ] تحت كل محاضره .

اي استفسار انا حاضره لاتخافين ي حلوه

[آي فون]

بسم الله الرحمن الرحيم

أفا .. كيف تحوسي وهالمنتدى وأخوانك وأخواتك موجودين بعد الله سبحانه وتعالى ..

لا ابشري ولا يصير خاطرك الا طيب

راح احاول اجمع لك كل اللي اقدر عليه هنا في اجابتي هذي .. واذا فيه شي ما فهمتيه لا تترددي في سؤالي مرة أخرى .. فأنا في الخدمة

بالنسبة قبل لا انا أشرح .. فيه أيقونة موجودة في بوابة التعليم عن بعد .. يمكن أكثر الطلاب والطالبات ما انتبهوا لها .. وهي فيها شرح كامل لكل العمليات اللي مفروض الطالب يكون يعرفها علشان يتعامل مع كل برامج الجامعة ..

والرابط حق بوابة التعليم عن بعد هو هذا طبعاً

http://www.kfu.edu.sa/ar/deans/elear...ages/main.aspx

طبعا بعد ما تدخلي لبوابة التعليم عن بعد ..

راح تلقي في الاخير هذي الصورة .. وموجود فيها أيقونة التعليمات



..

ولو تلاحظي كل شي موجود في هالايقونة .. طبعا بعض الاشياء تطورت الآن بس القواعد هي نفسها .. شوفي التعليمات الموجودة ..



..

طيب نرجع للمحاضرات الحين .. وتراها سهل جدا التعامل معها .. خليك كول وراح تمشي أمورك باذن الواحد الأحد

طبعاً مثل منتي عارفة .. تدخلي على البلاك بورد الافتراضي VLS اذا كنتي تبي المحاضرات المسجلة والمحتوى والواجبات ومنتديات المناقشة ..

طبعاً تدخلي على أيقونة البلاك بورد الافتراضي VLS ..



..

طبعاً بعد ادخالك لرقمك الجامعي وكلمة السر .. راح تفتح معاك مقرراتك الدراسية ..



..

اختاري أي مقرر من المقررات واضغطي عليه ..





وراح تفتح معاك صفحة المقرر المحتوية على المحاضرات المسجلة للمقرر واللي تنزل بشكل اسبوعي ويجب عليك تحميلها باستمرار وعددها اربع طعش محاضرة .. هذي تسمى المحاضرات المسجلة .. لكي تحسب لك درجة حضورها يجب تحميلها .. وأيضأ تحتوي على الواجبات .. وكل سيمستر يحتوي على ثلاث واجبات يجب عليك حلها في وقتها قدر المستطاع .. وحل الواجبات ووقت نزولها راح تجديه هنا في المنتدى واخواني واخواتي ما شاء الله عليهم ما يقصروا .. ويحتوي أيضاً على المناقشات .. وهو عبارة عن أسئلة ينزلها الدكتور ويريد من المشاركة في الاجابة على هالاسئلة باللي فهمتيه من الشرح .. وعددها اربع طعش مناقشة ..

لكي تحسب لك درجة المشاركة كاملة .. يجب عليك تنزيل المحاضرات المسجلة الاربع طعش .. حل الواجبات الثلاثة .. المشاركة في المناقشات الاربع طعش .. تحميل أو حضور المحاضرات المباشرة ..

طبعا بالنسبة لسؤالك عن المحاضرة التمهيدية .. من اسمها تمهيدية .. وهي أول محاضرة يقابل فيها الدكتور طلابه وطالباته .. يمهد لهم الدخول للمقرر .. ويشرح فيها طريقة المقرر وما يحتويه هذا الترم من معلومات وكيفية توزيع المقرر لمدة السيمستر مفصلا الدرجات وكل شي عن المادة ..



..

طبعاً بعد ما تدخلي على أي محاضرة راح تلقي هالقائمة .. والشرح موجود في الصورة ..




..

طبعاً بالنسبة للمحاضرات المباشرة .. راح تجدي هنا شرح طريقة حضورها ..

http://www.ckfu.org/vb/t300119.html

..

أتمنى أن أكون أجبت على اسئلتك .. وأتمنى بأن شرحي يكون واضح يا رب ..

أمانة اذا فيه شي مو فاهمته .. لا تترددي في سؤالي .. فأنا يسعدني أن أكون في خدمتك وخدمة أخواني وأخواتي .. والله يوفقك وينجحك بأعلى مستوى .. وكذلك أخواني واخواتي اللي هنا كلهم

[دوَدي]

-

آيفون ..
ماشاء الله تبارك الرحمن على هالابداع والشرح الاكثر من رائع
سجلني احد المعجبين ب ابداعاتككَ ..
تقييم + اعجاب لشخصك ..

[آي فون]

دودي ..

مهما فعلت .. فأنا أبقى أحد تلاميذك ..

مهما فعلت .. فأنا ما زلت أبعد آلاف الأميال عن مقدار عطائك وابداعك هنا ..

كل هذا نقطة في بحر كرمك وعطائك ..

شرفني كثيراً تقييمك واعجابك ..

وتشرفني أيضاً خدمة أخواني وأخواتي ..

[حلـ....ـم]

واه الواه ...وش بقيت ماشاء الله ..كنت حطيته موضوع كامل اخوي اي فون..

يعطيك الف عافيه على هالشرح ويارب تكون بميزان حسناتك

[وهج2011]

شكرا لكل الي ساعدوني والله العظيم بعد ها الشرح الكامل دخلت وحملت كل المحاضرات صدق ينشد فيكم الظهر وما قصرتو للحضه كنت راح استسلم وانسحب من الجامعه لكن مساعدتكم لي خلتني مافقد الامل شكرا والله يقدرني على رد الجميل

[TheDream]

ماشاء الله تبارك الله يا آي فون


مبدع والله قليلة بحقك

روووووووووح يا شيخ ربنا يوفقك بالدراين

[جفنشي]

[وطني الجبيل]

شكراً آيفون ولي رجاء .. اذا ممكن تكون مشاركتك في موضوع مستقل .. ولو فيه اضافات عندك اكثر

عشان يكون الموضوع متكامل من جميع النواحي .. لاننا بحاجة لشرح مفصل من مبدعين امثالك ..

بارك الله فيك وجزاك الله عنا كل خير ..