استفتاء بشأن الخدمات المقدمة في الكلية // دعوة للمشاركة ..

[الشبابي]

بسم الله الرحمن الرحيم
السلام عليكم ورحمة الله وبركاته

أخواني / أخواتي ..
أسعد الله أوقاتــكم بكـــل خيـــر ..

لا يخفى على الجميع أن التميز والتفوق في التعليم يعود إلى عوامل عديده منها المواظبة على حضور المحاضرات، والمذاكرة والمراجعة للمحاضرات باستمرار، بالإضافة إلى عوامل أخرى منها الأجواء المريحة والمهيئة للدراسة، وتشهد الجامعة في الفترة الأخيرة حراك كبير وملحوظ في سبيل تهيئة هذه الأجواء المناسبة للتفوق والتحصيل العلمي، منها بناء مدينة جامعية تضم كليات الجامعة، بالإضافة إلى بناء كليات جديده في مختلف المناطق، وهذه الحركة جاءت بعد فصل فرع الأحساء عن الدمام ..


لذا يتطلب من الجميع الصبر، فالجامعة تسير قدماً لتهيئة هذه الأجواء المناسبة للتحصيل والتفوق العلمي ..

وفي هذا الموضوع والذي سيكون مساحة مفتوحة للجميع لإبداء الرأي حول الخدمات المقدمة في الكلية، وما الذي تحتاجه لتكون موقعاً مناسباً للتعليم، على سبيل المثال : القاعات الدراسية والمعامل والمكتبات والكافتيريا . . . ألخ

أنتظر مشاركتكم لتدوين كل ما تحتاجه من وجهة نظر الطلاب والطالبات في تقرير يصل صوته للإدارة إن شاء الله ..

ملاحظة : اتمنى من إدارة المنتدى الابقاء على الموضوع في كل قسم، حتى يتم تسجيل الملاحظات لكل كلية بشكل خاص ..

[Sara Ali]

عليكم السلام ورحمة الله وبركاته ..

فكرة ممتازه ..

1- مبنى الكلية مُستأجر ذو مسآحة صغيرة ..
2- أجهزة المعآمل غالبيتهآ تآالفة وَ البآقي محتوية على فايروسات ..
3- كافتيريا الكُلية أسعارها مُبالغ فيهآ وَ طَعآم بايت ..
4- النظآفة في الكلية معدومة , نجد آثار مُخلفات الجو متُرآكمة دون تنظيف ..
5- عدم وجود المسآحة الكافية لجلوس الطآلبات فالممرات تجمعنا ..
أو ساحة صغيرة في الاعلى وساحة صغيرة في الاسفل تُتفتح على الهواء مباشرة ..

[جملية الروح]

تاخر توزيع الكتب الى قرب الاختبارات

[الشبابي]

المشاركة الأصلية كتبت بواسطة جملية الروح

تاخر توزيع الكتب الى قرب الاختبارات:cry111:

أي الكتب التي تقصدينها ؟؟

[Sweaty girl]

انا اقولك اي كتب تقصدهاا
كليتنا ياطويل العمر احرمتنا من ابسط حقوقنا
الا وهي الكتب ...كليتنا ماتصرف لنا مكافئات ولذلك هم يعطوننا كتب
ولكن هاذي المره تااخرت كتبنا فلما سالناهم ربطوها باحداث سوريا لان كتبنا
تجي من لبنان ايعقل هاذا ..
فقالولنا صورو كتب من الاستاذات ومابقى على اختباراتنا
الا ايام قليله ......
فمن ياخذ حقنا منهم ؟؟!!!!

[وردة البستان]

ايه صحيح كلامكم
وأنا وحده أطالب بكتبي حتى لو بعد مااتخرج

بالاضافه الى ذالك
نجد معاملات سيئه من الموظفات وغير الا ستهتار في الشرح وغيره
الاخلاق والمعامله فوق كل شي

[n'1992]

-
كله هالكلام صحيح

[albt00l_]

مانبغى شي غير الكتب لان الاختبارات بعد الاجازه بأسبوع مايمدي نذاكر واذا سألنا الاستاذات نذاكر من الاسلايدات تقول لا مااعتمد عليها اللي موجود بالاسلايد مايهمني هذا كلمه من الكتاب طيب وين الكتب ؟ وقالوا الكتب بتاخذونها قبل الاجازه باسبوع لمى سألناهم قالوا ماجت ولمى رحنا للعميده قالت صوروا كتب مشاء الكتب كثيره والكم كبير اللي درسناه يبغى لنا ميزانيه وحنا مالنا مكافأت والحل ؟

[Bubbles Hug]

وربي صادقين ااااخ بس .. انا احمد ربي اني بتخرج خلاص ولا يمكن تنفقع مرارتي ، امي خريجه من كلية الآداب طبعا زمان ايام عز العلم وايام المعيدات والدكاتره الي يفتحون النفس لما اوصفلها هالامور تقول ايش الكليه هاذي ؟ اشتكو قولو شي ،،
ااخ يا امي وين نشتكي ؟ لا حياة لمن تناااااادي

لا والمصييييييبه والداهيه مافي شي عدل وايش؟ لا تلبسون كذا البسو كذا لا تسوون كذا سوو كذا

ابغا افهم شي دام مافي مكافئات - كتب - اكل ياكله بشر - كلاسات مريحه - معيدات بنفسيات حلوه - معيدات يعرفون يشرحون {لا تعميم في هذه النقطه ليس الجميع} -
اجهزه ممكن نستخدمها بدون ما نخاف ع فلاشاتنا {مع التذكير ان الكليه بكبرها مافيها الا تخصص الحاسب} - مافي نظافه - اهتمام - امان -
مبنـــى يناااااسب طالبـاااات جامعياااات من جااامعة الدمااااام {وربي استحي اورى احد من عيلتي الصور الي في المنتدى اشوف صور كلية الآداب و العلوم و جامعات ثانيه استحييي اوريهم كليتي
تفشل يا جماعه حتى الصور الي بالمنتدى مصوره من اول ما انفتحت مو الحين} نكمل .. -
ما في عياده تناسب جميع الحالات الي ممكن تحصل - نظام التكييف فااااشل بقدر فشل ناحية النظافه {مكيف الله يكرمكم يطلع ريحه وش معناته ؟
اكيد ما اتنظف من سنة جدي .. ولا التكييف بهالكلاس بارد لدرجة الصقيع والكلاس الي جمبي من قوة الحر ودك تنفجر} هاه اكمل؟ .. من عيوني -
بـُـعد موقع الكليه لكثير من الطالبات و عدم توفير باصات لهن - خلينا ندخل في الاكل وربي انو مره اشتريت وحده من فطايرهم ولقيت قطعت خشب صغيره مره والله اني رميت النعمه ولاعت كبدي
وش تفسير هالقطعه ؟
ترا انا ما اشتكيت لان ادري محد بيسوي شي انا ما كلمتهم لان اخر همهم طالبه وادري وش بيقولون هاذا يمكن لما شالوها من الفرن علق فيه هالخشبه .. طيب ؟ وبعدين ؟ وانتو عاد فكرو بالباقي - اكل بايت زي ما قالت الاخت (sara ali)
بالله وين اصرفها هاذي ؟ كيييف اصرفها اساساً ؟ ان كنتو مو مهتمين ترا الي دعو عليكم كثيييييير كثييير و دعاوي البنات و الامهات بتوصل عليكم ،، و الوحده و هي في سجودها تقول ياااارب وتدعي عليكم من قلب ..
ما همنا ،، نرجع للموضوع وللاستفسار من البدايه ابغا افهم بوجود كل هالامور وكل هالمصاااايب ليه تتشطرون وتشترطون امور اللبس واننا نجيب اكل وغيرو ؟ ترا مااااالكم حق ابدا لا صار في مقابل اتكلمو

ادخل كليه ما كنت ابغاها اساسا و فوق هاذا اخرج وانا تحصيلي العللللمي ولا شي ؟
انا الحمد لله ما قد حملت مواد لكن كل الي نجحت فيه نجحت بشي يسمونه ( قص لصق)
يعني اذاكر اسوي قص للي بدماغي والصقه في الاختبار لاحظو ققص مو نسخ يعني كلو يروح

و ختاما اخي الاداري الكريم اتمنى تعطونا الكتب و بس انا عن نفسي خريجه حتى لو عدلتو الكليه ما بقالي شي فعدلوها للسنين الجايه لكن ابي كتبي الله يجزاك الخير ..

والسلام عليكم ورحمة الله وبركاته

[n.h.a]

من جد متى يعطون الكتب للطالبات لان قربت الاختبارات باقي اسبوع وش يذاكرون وش يلحقووون هذا غير الطالبات اللي ظروفهم ماتسمحلهم يصورون