|
منتدى الأكاديمية الدولية للعلوم الصحية منتدى الأكاديمية الدولية للعلوم الصحية ; مساحة للتعاون طلاب و طالبات الأكاديمية الدولية للعلوم الصحية و نقل آخر الأخبار الاكاديمية وتسجيل المنح الدراسية. |
![]() |
|
أدوات الموضوع | إبحث في الموضوع |
#1
|
||||
|
||||
ادخل وصنف نفسك..
بسم الله الرحمن الرحيم
عجبني الموضوع مره اتمنى انتو بعد يعجبكم.. السلام عليكم ورحمة الله وبركاته ~'~ أستغفر الله ~'~ - أهلاً هنَو .. كيفك ؟ ايش اخبارك ؟ .. * هلا فيك .. مااشي الحال . - كأن فيك شي ؟ * لاا .. ابدا .. - علي انا ! * .. هو شي بينرفزك .. ماودي اتكلم . - ماني متنرفزة .. يللا عااد قولي * مها امس دقت - يااالله .. ذا البنت ترا مايجي منها الا المصاايب . * مو كذاا هي كلمتني تقولي ... - اقوول لو انا منك كان من اول تاركتها .. اعوذ بالله منها * بس هي ماسوتلي شي هالمره . دقت تسلم وتسأل عن اخباري .. مادري حسيت من صوتها انها متغيره عن اول قلبي متطمن من ناحيتها - ادري عارفة وش تحسين فيه . قد صارلي انا وعنود نفس الشي * اقولك حتى طريقتها في الكـ ... - احسن حل تطنشينها ولا تعطينها وجه مسويه تضحك عليك * اففف .. طيب - صدقيني ابي اساعدك يانورة .. تدرين ذا البنت وش كثر تكرهنا وتحقد علينا وانتي الوحيده اللي .......... الخ أعمق احتياجاتنا .. انه احد يسمعنا ويفهمنا .. يحس فينا لما نتكلم .. يحتوينا .. ويريحنا من همومنا .. أياً كان هالشخص .. صاحبه , اخت , ام , اب , زوج , أخ ... بمجرد انه يسمعلك ويهتم باللي تقوليه .. ويأشرلك براسه انه فاهمك .. ويسكت للنهاية من بعدها .. بتكوني ممتنة كل الامتنان لهالانسان .. أنا وانتي ماراح نتجرأ ونفتح قلبنا لأي أحد .. الا اذا حسينا بحب وتفهم حقيقي من الطرف الثاني .. ولما نلقى الامان عند شخص بنتكلم أكثر وأكثر من اللي متوقع يسمعه . هدفي ., نقتدي برسولنا محمد – صلى الله عليه وسلم – ونتعلم آداب الحوار والإنصات . روى الطبراني بإسناد صحيح عن عمر بن العاص رضي الله عنه قال: " كان رسول الله صلى الله عليه وسلم يقبل بوجهه وحديثه على شر القوم ، يتألفه بذلك، وكان يقبل بوجهه وحديثه عليّ حتى ظننت أني خير القوم." محتوى الموضوع ., من الحين أقولك .. مش حتقدري تغمضي عينيكي ايش اكثر شي يرفع ضغطك وانتي تسولفي ؟؟ انزلي تحت وشوفي بنفسك ! خلينا صريحين مع بعض لما أحد يكلمك .. يا إما تكوني سرحانة بعيـد , ولا تتابعي المسلسل وموفاضيتله , ولا جالسه عالنت , ولا متنحة في وجهه وتفكري في شي ثاني .. عشان مانظلمك أكيد أوقات كثيرة تعطيه كامل انتباهك و تركزي معاه .. بس هنا بموضوعنا بنركز عالجانب السلبي ونشوف أسوأ أنواع الإنصات عشان نتجنبها . : 1- التحليـق بعيداً - مااقلتلك رحت البازاار يوم الخميس .. يالله مرره مرره يجنن .. جايبين بروشات اوول مرره اشوفها فخممه .. وتقدرين تطلبين منها تسوي أي تصميم لو ودك .. * يااسرياااااتي وين الشاااهي ؟ اقول هند روحي شوفي هذي وينها وجيبيلي جوالي في الطريق .. - خييير اكلم نفسي انا ! * هاه ! .. تكلميني .؟ - اااااااااااااه وانا من الصبح اكلم مييين ؟ انقلعي اللي تقولك سالفه مرره ثانية . * مانتبهتلك والله ( هذا النوع أكثر شي يكرهك في النااااااس .. اللي قدامك تكون سرحااانه وانتي من كل قلبك تحكين السالفة آخرتها تقولك مانتبهت ! .. حلوها انتوا ! ) : 2- التظاهر بالإنصات - شفتي وش سويينا اليوم في أبله صبحية ؟ انااا و هيااا هبللنا فيييييييهاا . * صدق - ايييه , رغدة جاابت سلحفاة وصمغتهاا على كرسيهاا .. المهم كااانت تهااوش تهااااوش ومعصصصبه جلست عليهاااا وفغصتهااا . وكلللناا فقعناا ضحك * امممم - هيييه . مانتي معااي . * الا اسمع <<< انا واختي >_< وش اسويلها مااتسولف الا اذا شافتني عالنت . ( التظاهر بالانصات يعني تسوين نفسك تسمعين وانتي مانتي يمها على قولتهم ) : 3- الإنصات الإنتقائي . - اليوم قعدت افكر في العيال . يختي هالمدارس الاهلية مااش . موب زي الحكومية أبد . * ذكرتيني على طاري العيال .. يختي احترت وش البسهم في عزيمة أم ابتهال .. يوم اقول بلبسهم عاادي ويوم اقول لاا . لازم لبس كشخة بس ياخوفي يعدمونه باللعب . ( الانصات الانتقائي . هو اللي تاخذين من اللي تسمعينه الكلمة اللي تهمك وتطنشين الباقي .. مرره حركة تقهر ) : 4- الإنصات للكلمات . الإنصات للكلمات يعني تسمعي الكلمات بس بدون ماتشعري بمضمونها . مثلاً : تقولك صاحبتك ونبرتها شوي حزينة : " ايش رايك في منى ؟ " . وانتي تجاوبي : " ياحبيــلها تهبل " بس لو حسيتي بنبرتها وشعورها بتعرفي انه في شي مو تمام . وبكذا تجاوبي : " ماعليها .. ليه ضايقتك بشي ؟ " ( اذا ركزتي على الكلمات .. ماراح تفهمي المشاعر . لازم كلمات ومشاعر سوا ) : 5- الإنصات المرتكز على الذات . * يالله جايني اكتئااب , أحس اني ضاايعه من بعد ماخلصت جامعه . - انتي جايك اكتئاب ؟ بس عشان خلصتي جامعه ! أجل لو اقولك وش صارلي عشان تعرفين الاكتئاب مزبوط أنا ياحبيبتي لي شهرين وانا … الخ الانصات المرتكز على الذات يعني اللي قدامك لما تحكيه عن موقف صارلك ..علطول بيقولك.. أنا و أنا.. ويحكيك عن مواقف له ولايهتم فيك .. يركز على نفسه وبس ويبدأ عاد يقولك قصة حياته . وإذا عارضتي كلامه .. ياسااتر هذا الحوار يكون فيه منافسة كل واحد بيهزم الثاني بكلامه .. : 6- إصدار الأحكام . واحنا نسمع لأشخاص ممكن جوا عقلنا نصدر أحكام عليهم وعلى اللي يقولونه . اذا كنتي تنشغلي بالأحكام .. يعني انتي أصلاً ماتسمعي شي ! .. تابعي هالحوار -الأحكام بين قوسين - . - قاعدة أفكر أتخصص إدارة مالية . * والله! ( قبل أمس كنتي تسبين في هالمالية ) - ايه . سمعت في برنامج يقول إن مجالها الوظيفي أوسع من إدارة الأعمال . * أماا ( وانتي كل ماسمعتي أحد صدقتيه ) * عاد انتي من أول ودَك في إدارة أعمال . ( والله انك خبلة لو غيرتي رأيك ) - كلمت تهاني اللي في البنك مرره مدحته لي وتقول فرصة ماتتعوض للبنات . * اللي يعجبك ادخليه (غثيتيني بهالساالفه ) . : 7- تقديم النصائح - الدكتورات في القسم حقي مرررة يسدون النفس . تعاملهم زي الزفت . * يوم كنت قدك وانا ادرس في الكلية كانوا يحقرون دفعتنا كنا صغار ومانعرف شي في الجامعه وهم دايما يحطمونا. بس تحديت نفسي وسرت أشارك في المحاضرة وخليتهم يحفظون اسمي من كثر ما أسألهم . - يا يمه أحسهم شايفين نفسهم . يعني مايعطونا وجه حتى لو رحنالهم . هذاك اليوم سألتها عن الـ .. * ياابنتي , الجامعه عالم ثاني لازم تنطلين وجهك في كل مكان مااعلييه خلها تهاوشك و تسفل فيك أهم شي انها تعرفك .. (تقديم النصائح .. يكون من أهلنا أو اللي أكبر مننا , هم يبغوا يفيدونا من خبرتهم . لكن أحنا كل اللي نبيه أنهم يسمعونا وبس . ) : 8- الإستجواب - أهلاً حبيبي كيفك ؟ * الحمدلله . - كيف الدوام اليوم إن شاء الله ماتعبت ؟ * لا ماتعبت . - المدير قالك شي عن المشروع ؟ * لا - غريبة !! ... هو طلبه منك أمس ؟ * ايه . - انت قلتله انك تشتغل عليه ؟ * ايه - لااازم تقوله لايحط احد بدالك , ماقابلته اليوم ؟ * نورة خلااااص تراني تعباان مالي خلق اتكلم - ليش تهاوشني هذا وانا شايلة همك (الاستجواب يصير لما واحد يسألك في وقت انت ماتبغى تتكلم فيه ويسألك سؤال ورا سؤال . اذا يوم حسيتي أنك تسألي زوجك أو شخص ثاني .. وكان الجواب مختصر أو مارد عليك اعرفي انك تسوين استجواب . الناس أوقات تحس انها مو مستعده للكلام.. اتركيه فترة بعدين اسمعيله وقت مايرتاح . ) ما أظن تبغي تكوني زي الناس اللي فوق ! تعالي نسير أحسن منهم .. تابعي الموضوع بعد ماشفتوا معاناتنا في الكلام وممكن معاناة الناس في الكلام معانا .. محد فينا يبغى يكون Bad listener ( مستمع سئ ) لأنه الإنسان حساس من ناحية كلامه يبغى احد يسمعه ويتواصل معاه .. يعني افرضي انه واحد يقاطعك طول الوقت ولايعطيك مجال للكلام بس يبغى يتكلم عن نفسه , مايراعي نفسيتك وانتي مضغوطة , لما تفضفضيله يلومك ويعاتبك على الغلط بدال مايسمعلك .. المسألة مو سهلة .. لو نلاحظ أغلب المشاكل ومشاكل المتزوجين بشكل خاص سببها سوء التواصل والحوار .. بنتعلم طرق للإستماع والتحاور تفيدك في إنك تكسبي زوجك , امك , صاحباتك .. وتكوني القلب الكبير لهم . : بدايةً اعرفي انه الكلام ينقسم لـ 3 لأنواع .. سواليف ( كلامنا كل يوم ) نقاش ( موضوع او مشكلة وآراء مختلفة ) , أسرار ( مشاكلك الخاصة , مشاعرك و أسرارك وماتطلع إلا لشخص قريب ) . : الانطباع الأول عن أي شخص راح تاخذيه من أسلوب كلامه .. كان همجي , كان محترم وهادي ,كان ملسون يعني من أول 5 دقائق بتكوني لمحة عنه وعن شخصيته .بتعرفي اذا انتي مرتاحتله أو مو مرتاحتله . فـ من الأفضل انك تحرصي على سواليفك لأنها جزء من تقديمك لنفسك في أي مكان . مره كنا طالعين انا وبنات عمي .. ووحده منهم واعدت صاحبتها ومررة متحمسه تورينا اياها وتعرفنا عليها .. جت صاحبتها وسلمنا عليها .. قعدنا مع بعض .. شوية أسمعها تقولها انتي هيــه F***u وين جوالك احنا افجعنا .. .. مشيناها اوكي غلط مطبعي نسيت انها معانا .. شوية تنادي بنت عمي نوف .. ياحماارة تعاالي احناا هنااا .. نوف جت مقهورة.. هذي من متى تعرفني ؟ علطول ياحمارة مامداني اجلس معاها كم دقيقة ! بعد هالموقفين .. وهي طايحة من عيننا .. كل مرة بنت عمي تحاول فيني .. كلميها تراها تسلم عليك والله انها طيبه انتي ماتعرفينها زين .. إنطباعي اللي اخذته عنها عــدم ! بعد فترة طويلة .. كانت بنت عمي نايمة عندي وكلمتها صاحبتها وحطت عالسبيكر قالت ألووووو هونيييي يالشييينه يالمخييسة وش ذا الخياس اللي انتي عايشة فييه ؟ ( الكلام اقوى من كذاا ماقدر اكتبه ) انا : .. ألووووووو وييينك .. أنا : عيــــب يااابنت هاهاهاهاها من زماان عنك وش اخباارك .. أنا : الحمدلله طيبه . أسمعي لاعاااد &^$%#%! مره ثانية ايه ان شاء الله ( قال حبوبه قال ! ) الخلاصة اذا ناس بتقابليهم اول مرة لازم تبعدي عن السب والحش . والمواضيع الخادشة للحياء ( عاد هذي تخصص الحريـم >_< ) .. الناس ماراح تقول اوووه ايش البنت الكوول الفلله هذي .. علطول بياخذو انطباع عنك ومهما سويتي مستحيـل يتعدل .. إكسبي اللي يتكلم .. أعطي المتحدث إهتمام بكلامه .. إسأليه عشان يحس انك معاه .. حتى هو بتحسيه ارتاحلك اكثر وبيتكلم زيادة . لاتقاطعيه لو بتضيفي شي انتظري الين مايخلص كلامه . اذا السالفة أو هو مو عاجبك جااملي للأخير وبعدين غيري مكانك عشان تتجنبي هالشخص . اعطيه انتبااهك .. لااااتسرررحي بعيـد لما احد يكلمك .. تراه شعووور يقهررر .. أحياناً اشك إني Invisible اذا سووها فيني !-_- اذا قاطعتي كلامه وانشغلتي بشي ارجعيله خليه يكمل .. : في النقاشات تكثر المشاكل .. كل واحد بيقنع الثاني بوجهة نظره , كل واحد يبغى يطلَع نفسه الفاهم , وكله بالغصب .. طيب ليه ؟ لما تدخلي مناقشة فيه أشياء مهمه حطيها في بالك عشان ماتسوي مشكلة وعشان كمان ماتخربي مظهرك. 1- لاتتكلمي عن موضوع ماتعرفيه . اذا كانوا يتكلموا عن موضوع ماعندك خلفية عنه , وماتبغي تسكتي عشان محد يحس انك مو في الدنيا ..الأحسن انك تقعدي زي ما إنتي ( ساااكته ) . 2- أعطي مجال للآراء . اتبعي المقوله ( رأيي صواب يحتمل الخطأ . ورأيك خطأ يحتمل الصواب ) . لاتكوني متعصبه لرأي واحد تقبلي الآراء واحترميها .. ممكن تكون صح .. ولا تفكري بإنه لما تقتنعي برأي غير رأيك معناته ( ماعندك شخصية ومالك كلمة ) بالعكس هذا دليل على وعيك وثقافتك . 3- ابعدي عن الغلط ! عوَدي نفسك ماتغلطي على أحد بكلامك سواءً كان شخص , قبيلة , أو جنسية ثانية . مثلاً : (يااكرهي لهالمصاريه يختي) ( يااربي ياشييينهم أهل الجنوب ) (أعوذ بالله أبو يمن في كل مكان )بعدين تكتشفي انه في وحده جالسة معاكم مصريه ولا جنوبية .... الخ وتسير كاااارثه . وكمان ابعدي عن الدق بالكلام وحركات الحريم .. اذا في نفسك شي قوليه بصراحة مو قدام الناس ( إياك أعني واسمعي ياجارة ) مرره تنزل من قدرك هالأشياء . 4- إنهي المناقشة على خير . اذا حسيتي انه اشتد الكلام بين الأطراف وبتسير مضاربة . حاولي تنهي الحوار بأي جملة .. ( اختلاف الرأي لايفسد للود قضية ) .. ( خلاااص ياهوه صلوا عالنبي ترا السالفة ماتسوى ) بالذات اذا كانت عزيمتك .. حاولي تديري الحوار , وتحافظي على الجو من التكهرب . : ليش مو أي أحد نقدر نقوله أسرارنا وهمومنا ؟ لأنه مو أي أحد يحسسنا بأمان وإحنا نشكيله . و راحتك في الكلام والتعبير عن اللي بخاطرك تعتبر من الأمان . وهنا سر الطبخة .. تبغي تتقربي من أمك , صاحبتك أو زوجك أو أي شخص وتحتويه ؟ .. و بدووون مايحس انك متطفلة و مزعجة ! .. تابعي هالخطوات .. 1- استغلي الشكوى . لما تحسيه متضاايق من شي وجاي يقولك ..( شفتي فلانة وش سوت .. أبوي هاوشني .. تضاربت انا وفلان )... الشكاوي الصغيرة هذي ابدأي فيها اسمعيها كلها .. وزي ماقلنا اسألي أسئلة عشان يحس باهتمام . ( طيب ليش سوا كذا ؟ .. انتي متأكدة من اللي صاير ؟ .. ليه ؟؟ انت ماسويت شي .. ) ولاااا تتأففي أبداً أبداً من الشكوى .. ( يووووه رجعنا ثااني للسااالفة ... خلاااااص مالي شغل انتي وياها سوو اللي تبونه ..) . لو تأففتي بيبطل يشكيلك وبعدين إذا بطل يشكيلك بتقولي ليييه ماعدت تقوولي شييي ؟ - انا هنا اتكلم بصيغة المذكر وأقصد بصفة عامة - 2- في المشاااكل لاتعطي حلــووول أبداً . هذا حوار مررره بسيط بينك انتي * وبنت خالتك – - يالله أحس اني سمنت عن أول بكثيــر * أيـه مرره بااين عليك .. طيب ليه ماتسجلين معاي في النادي ؟ - ودي بس مافي أحد يوديـني =( * طيب خلي أخوك يوديك ؟ ماعنده شي - ههههههه تنكتين انتي .. اففف والله صدق زهقت من هالشحوووم وزني بيوصل للستين .. * اشربي زنجبيـل مرره يمدحونه يذوب الشحوم . - لااا مااااحبه حاااااار . * أجل سوي رياضة ولاتاكلين . - ماااينفع في البيت رياضة أكسل و مالي خلق وبعدين اموووت عالأكل ماا أقدر أقاااااومه . * وش تبيني أسويلك يعني ؟ نادي محد يوديك .. الزنجبيل حاار .. سوي رياضة .. مالي خلق.. ترا حيرتيني معك ! - ( تفاجئت من رد الفعل وحز بخاطرها ) هذا النمط من الحوارات دايما نواجهه .. لما الوحدة تسوي نفسها فوزية الدريع وهاتك نصايح وحلول .. مع انه مثال بسيط ويومي بس لو قستي عليه مشاكلك بتعرفي انه أثره على كبير على نفسك . يعني .. انتي هدفك من لما تشتكي لشخص ..إنك تفضفضي وتطلعي اللي بقلبك .. ماتبغيه يقولك سوي ولاتسوي ( ماتبغي حل ) بس تبغيه يسمعك ويتعاطف معاكي . حتى انتي لاحظيها في نفسك لما أحد بيعطيك حل لمشكلتك ( واللي هي بالأصح فضفضتك ) .. تقاومي الحلول .. ( لااا مااينفع انا سويت كذا وكذاا ولاا نفع شي .. انا جربت كل شي أقووولك .. لاتحااولين مافي فايدة ) جوا نفسك تصرررخي ( اسمعييييني وبسسسس ) وبتعصبي زيادة وتحسي ان اللي قدامك مو فاااهمك ولا معطيك حرية في الكلام . الخلاصة : لما أحد يشكيلك خلي في بالك انه ماجاك عشان يبغى منك الحل ! افتحيله قلبك واذآنك .. اسمعيله للنهاية وطالعي في عيونه .. اسأليه لو خلص (كل) اللي في قلبه .. بعدين أعطيه رأيك بالموضوع . انتبهي تنطي عليه من البداية وتعطيه حل . 3- تعلمي الإنعكاس . هذي مهارة مرره تفيدك في الحوارات .. لأنها تبين للي قدامك انك فاهمته ومهتمه فيه .. المراية تعكس صورتك .. مو ؟ طيب وانتي خليكي زي المراية .. لاتعطي نصايح ولاتعطي حلول .. اعكسي الكلام . الإنعكاس : كرري بأسلوبك وكلماتك اللي يقوله الطرف الثاني ويحس فيه . الإنعكاس ماهو تقليد أبداً .. لأن التقليد يعني : نكرر كلام الطرف الثاني بالضبــط . خلينا نشوف فايدة الإنعكاس في حواراتنا .. ( 1 ) أمك : اليوم مافي روحة لصديقاتك . انتي : ليييييش ؟ أمك : قلتلك مافيه يعني مافيه . انتي : امي عاااد لاتفشليني قداامهم خلاااص واعدتهم . أمك : قوليلهم امي موراضية . انتي : اصلاً انتو داايما كذاا .. كل ماجيت انبسط تنكدون علي .. الله ياخذني وافتك منكم :sm1 : (2 ) أمك : اليوم مافي روحه لصديقاتك . انتي : ليـه ! أمك : قلتلك مافيه يعني مافيه . انتي : انتي كنتي موافقه الاسبوع اللي فات . انا سويت شي يزعلك ؟ أمك : دروسك ولاعمرك فتحتيها .. وتلفزيون 24 ساعة .. وتطولين لسانك علينا .. مو كل شي على كيفك . انتي : عشان كذا انتي معصبة علي طول الوقت ؟ أمك : ايه انتي : والله لوقلتيلي من أول كان انتبهت لنفسي , لو انتي ماقلتيلي كيف أدري ؟ أمك : انتي ما تسمعين لأحد . وكل ماقلنالك كلمه رديتي علينا بعشره انتي : يا امي ايش اسوي ؟ والله اني مضغووطه مع الاختبارات والمذاكره والله موقصدي أطول لساني , اذا نمتو كلكم افتح الكتب اذاكر . الله يخليـك انا ابغى اغير جو بطلع من البيت وراي اختبار السبت . أمك :خلاص انقلعي .. بفكر في الموضوع . انتي : هييييييييييييييييييييييييه شكرااااااااااااا . في المشهد ( 1 ) .. الحوار كان معدووم بينك وبين امك .. هي بتفرض رأيها وانتي بتفرضي رأيك . شي طبيعي انه ينتهي بخسارة . في المشهد ( 2 ) .. استخدمتي مهارة الإنعكاس .. حاولتي تعرفي ليش امك منعتك من صديقاتك ؟ ( قلتلك مافيه يعني مافيه ) << هنا لاحظتي انها شايلة عليك عشان كذا تقولي .. ( انا زعلتك بشي ؟ ) (دروسك ولاعمرك فتحتيها .. وتلفزيون 24 ساعة .. وتطولين لسانك علينا .. مو كل شي على كيفك ) << هنا كانت تخاصمك ومعصصبه .. فـ تقولي ( عشان كذا انتي معصبه ؟ ) يعني تعكسي بكلامك اللي تحس فيه . وبعدين قدرتي تتفاهمي معاها و بينتيلها وجهة نظرك بدون زعل ! وكلكم كسبانين في النهاية. ايش رايكم بالانعكاس بالله مو خطيـر ؟ : متى تستخدمي الإنعكاس ؟ مو كل وقت نقدر نستخدم الإنعكاس , يعني تخيلي انتي في الجامعه تتكلمي مع وصاحبااتك .. تقولك وحدة : من وين شريتي جاكيتك ؟ تردي عليها : ( يعني انتي تفكرين انا من وين اشتريت جاكيتي ! ) >_< لاااااا مرره مايجي . الإنعكاس نستخدمه في المواضيع المهمه , الحساسة , لما صاحبتك عندها مشكله وتحتاج مساعدة .. زي كذا , لكن أبداً مانستخدمه في الكلام العادي والسواليف الطفل ماتعلَم المشي إلا بخطوات .. وإحنا بنتعلم الإنصات والحوار بخطوات نطبقها كل يوم .. - هل تستخدمي الإنصات السيء مع الناس ولا هم اللي يستخدموه معاك ؟ اذا كانوا الناس .. حاولي تنبهيهم .. " ياقلبي لاتقاطعيني ابغى اكمل كلامي " .. " عفواً جالسة أتكلم " . - اذا كنتي من النوع اللي يتكلم كثـير .. خذي إجازة من الكلام ليوم كامل وإسمعي بس . - في كلامك لاتحشي ولاتسبي .. الناس لما تشوفك كذا بتاخذ فكرة عنك .. وتذكري انك تكسبي ذنوب حتى لو كان قصدك مزح . - افتحي قلبك لأمك وأبوك , جدك و جدتك اسمعي وشوفي مشاكلهم .. بتلاقي عندهم كثير ماتعرفي عنه. - خففي حدة لهجتك مع الخدم .. وابتسمي لهم وامدحي شغلهم . واسأليهم عن أولادهم .. " كان رسول الله صلى الله عليه وسلم يقبل بوجهه وحديثه على شر القوم ، يتألفه بذلك " - جربي مهارة الإنعكاس لما أحد يشكيلك . وقاومي رغبتك في انك تعطي حل .. واسمعيله من قلبك . : محاور للنقاش : - صنفي نفسك من 1- 10 .. هل انتي مستمعة سيئة ؟ - بعد ما شفتي أنواع الإنصات السيء الـ 8 . لقيتي نفسك في وحدة منهم ؟ ولاانتي شطورة ؟ - هل تاخذي انطباع عن اللي كلامها فيه سب ولعن وحش . أو مايهمك ؟ - مين أقرب أحد ليك يفهمك ؟ ايش الأشياء اللي يسويها وخلتك تحسي انه فاهمك ؟ - بعد ماتعلمتي مهارة الإنعكاس . آخر موقف صارلك وتمنيتي إنك ترجعي الوقت و تستخدمي الانعكاس ؟ منقول تحياتي شكرا على كل شي ![]() |
![]() |
#2 |
أكـاديـمـي مـشـارك
![]() |
رد: ادخل وصنف نفسك..
أدري بتقولي مافيه غيرك إنت أحد يرد
لاكن بصرااحه مااشالله عليك موووضووووع جدا مفييييد وبنفس الوقت فيه من التسليه يسلموا على هالطرح الجميييل والرااائع وأسئل الله إنه يوفقك قوووولي آآآآآميييين |
![]() |
![]() |
#3 |
أكـاديـمـي نــشـط
![]() |
رد: ادخل وصنف نفسك..
اميييين الجميع يارب
بالعكس اساسا ردوردك هي الي تخليني اتحمس واجيب مواضيع وادور ولا انا ماعمري كتبت مواضيع او اني اشتركت في منتديات يسلموو وماتقصر بس ماصنفت نفسك انت من اي صنف...؟ واي صنف يزعجك؟ ![]() |
![]() |
![]() |
#4 |
أكـاديـمـي مـشـارك
![]() |
رد: ادخل وصنف نفسك..
أنا ماقدر أصنف نفسي
لاكن بقووول إني مستمع جيد هل تاخذي انطباع عن اللي كلامها فيه سب ولعن وحش . أو مايهمك ؟ أكيد يهمني وبااخذ إنطباااع مش كويس تجاااهها وأكثر شي يرفع ضغطي إذا تكلمت مع أحد ولقيته بواااادي وانا بوااااااااااادي وسلاااااااااااااااااااامتك |
![]() |
![]() |
#5 |
أكـاديـمـي نــشـط
![]() |
رد: ادخل وصنف نفسك..
الله يسلمك
اي والله شي يقهر انا اتكلم مع احد وصافطني يمى ودي اذبحه ......... ثانكس عالمرور خيووو:066: |
![]() |
![]() |
#6 |
أكـاديـمـي
![]() |
رد: ادخل وصنف نفسك..
اتمنى نقل الموضوع
|
![]() |
![]() |
#7 |
أكـاديـمـي مـشـارك
![]() |
رد: ادخل وصنف نفسك..
- صنفي نفسك من 1- 10 .. هل انتي مستمعة سيئة ؟
:no2: - بعد ما شفتي أنواع الإنصات السيء الـ 8 . لقيتي نفسك في وحدة منهم ؟ ولاانتي شطورة ؟ مدري بس ولا طبع الحمداللهـ اسويهـ<<<<<يعني شطوره ![]() - هل تاخذي انطباع عن اللي كلامها فيه سب ولعن وحش . أو مايهمك ؟ اخذ انطباع اتجنبها واخلي العلاقهـ اقل من سطحيهـ - مين أقرب أحد ليك يفهمك ؟ ايش الأشياء اللي يسويها وخلتك تحسي انه فاهمك ؟ صديقتي وتؤم روحي ربي يخليها لي ولا يحرمني منها كافي الشي الوحيد لما اكون متضايقه تخفف عني واحس انها اكثر مني متضايقه لضيقي ولما اكون فرااااحنه تكون لو بعز ضيقها تفرح معي يووووه ربي يخليها لي الكلام يضيع بوصفها بصرااااااااااااااااااااااحه مووووضووووع رووووووووووووووووووووعهــ من روعتكــ يالغلا سلمتــ اناملكــ يالغلا حفظكـ ربي |
![]() |
![]() |
#8 |
أكـاديـمـي مـشـارك
![]() |
رد: ادخل وصنف نفسك..
شرقاوية والله تنحسدين على هالصديقة لأن بهالزمن
قليل تلقين مثل كذا صدااااقة عسى الله يوفقكن ولا يفرق بينكن قوووولي ’’""" آميــــــــــــــــ يارب ـــــــن """"" |
![]() |
![]() |
#9 |
أكـاديـمـي مـشـارك
![]() |
رد: ادخل وصنف نفسك..
امين يارب
ويسلموووو خيوووو ![]() |
![]() |
![]() |
#10 |
أكـاديـمـي نــشـط
![]() |
رد: ادخل وصنف نفسك..
يسلموو ياقلبي على مشاركتك وربي يخليها لك ولايحرمكم من بعض على طول يارب
ونورتي موضوعي.... هلا وغلاheart_1409يسلموو عالمرور ![]() |
![]() |
![]() |
مواقع النشر (المفضلة) |
الكلمات الدلالية (Tags) |
ادخل, وشوف, نفسك |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | إبحث في الموضوع |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ادخل اسمك وسوف تظهر وجبتك المفضلة | مليكة | ملتقى المواضيع العامة | 24 | 2009- 7- 1 05:39 AM |
ادخل واكتشف شيئا لم تعرفه عن نفسك | حزين07 | ملتقى المواضيع العامة | 24 | 2009- 6- 10 03:38 AM |
ادخل وشوف وش سوت معلمة الصف الخامس | تلميذة | ملتقى المواضيع العامة | 16 | 2009- 3- 9 01:15 PM |