[ جميع التخصصات ] : سجلت 9 مواد ومحتاره !!

[apple Lady]

صباح الخير

الحمدلله ضبط معي التسجيل بعد معاناااااااااه

وسجلت ٩ مواد . ٧ مواد من المستوى السابع وماده من المستوى الأول وماده من المستوى الخامس


المشكله الحين اخاف يصير علي ضغط

انا العاده اسجل ٨ مواد بالكثير

وش رايكم احذف ماده ولا ادرس كل هالمواد

ودي اسمع آراء اكثر

[صمت مجروح]

لا أختي ماعليك توكلي على الله وشدي حيلك وان شاء الله تنجحين فيها كلها وترتاحين
مجربه

[أم عمر!]

إن كان في قلبك ثقة بالله سبحانه, و عندك عزم بالنجاح .
و شديتي حيلك لأجل الوصول له, صدقيني ما راح تشوفي إلا الخير .

أنا السنة قبل العام, اضفت 9 مواد, و حسيتني مضغوطة مرة .
بس أملي بالنجاح, و قبلها ثقتي بالله, وفقتني و لله الحمد ..

كنت أحس بتعب, لكن أقول بنفسي, كلها أيام بس و بعدين برتاح .
و فعلاً, الحمد لله إني أضفت موادي, و شديتي حيلي و نجحت .

و تذكري : لكل مجتهدٍ نصيب .

إنتِ نظمي وقتك, و احرصي تذاكري أول بأول .

ولا تخافين, بإذن الله ما راح يكون فيه ضغط عليك ..
أهم شي يكون عندك نيَّة و عزم بالنجاح , مهما كانت ظروفك .

الله يوفقك يارب

[أحساس مشاعر]

أنااا نفسك مسجله تسع مواد واربع منها من مستوئ خامس بَـßÊـسّ ان شاء الله ربك يسهلها علينا وكلمة انضغط شيليها مٍْْـٍْْن بالك بالجد وتنظيم الوقت بأذن الله تعدينها وتسع مو كثير في بنات ياخذون اكثررر

[Ďσα'α♔]

apple Lady


للحين محتآرةة ظنتي نسيتي السآلفةة
مثل ماقلتي انتِ ادرسيهم واذا ماقدرتي سحبي مآدةة ولا بيضر معدلك ولا شي

[Meme als]

لاااااع والله تبين رايي خففي على نفسك

ماتدرين ضغط ايام الاختبارات يطلع الرووح

و بعدين ليه تهلكين نفسك على ايش مستعجلين على التخرج انتواا !!!

مرره الوضيفه تستناك يعني

يعني اذا تبين رايي لاتزيد عن ٧ تدرسين و انتي مرتاحه و مروقه و تجيبين معدل كويس ولا تحملين شي

[جد جنيت]

أنا برايي تدرسينهم ..
لأن يمكن يكون لهم متطلب ,, أو يسببون لك مشكله بالتسجيل وبعدين ماتسوى تجلسين ترم زياده على مادتين ..
لأنو بعد ما صديقاتك يتخرجون وأنتي بتكوني تعبتي خلاص بتملين وبتقولين ياليتني درستهم وخلصت منهم .. وما تدرين يمكن الله يوفقك وتتوضفين ..

[تـ غ ـريد]

اذا في مواد حاملتها كويس لان عندك خلفية عنها ، يعني شدي حيلك

والله يوفقك الجميع وتتيسر امورنا

[بقاياعطاء]

يابنت شلون سجلتي من مستوى خامس انا موراضي يطلع لي مواد مستوى خامس وغير كده مايتسجل بسبب لم يتم استيفاء طلبات التسجيل افهم ماجتني موافقة المرشده للعلم تسجلت مواد مستوى سابع ,


يالله ياليت القى من يرد ويساعدني او حتى صاحبة الموضوع والسموحه اني كتبت في موضوعك