دراسات إسلامية مستوى ثالث تحويل إجباري !!!

[ريحااانه]

السلام عليكم ورحمة الله وبركاته

دراسات إسلامية مستوى ثالث كم عددنا ؟؟؟؟؟
نتجاوز المئة ونعدي منطقة الخطر المقالية
والانحول تخصصات ثانية
مرور إجباري إنقلش والا إدارة أعمال ونفحّط فيها

[أطلق فتاة]

اللله يعينكم

انا انقلش~

[المعالي غالية]

وعليكم السلام ورحمة الله وبركاته
ريحانه انثبري مكانك ههههههههههه أمزح براحتك أستخيري بس لا تتسرعي انا شكلي بدخل أيقونة التظلمات وأعلمهم وش يصير لقسمنا وبقول ريحانه بتحول وش تقولون وتجمع ربعها ولا انا المعالي مايمديني بكمل مشواري وبأذن الله ربي بيسهلها والأمور طيبه

شوفي ان رحتي ادارة أعمال اعتبري نفسك مادرستي لامستوى اول ولا ثاني لان يعيدون من جديد اتوقع مالهم تحضيري بس تاخذين المواد المشتركه

وان رحتي انقلش بتتقلقصين ههههههههه الا اذا كانك دافوره
في واحد في قسم الدراسات يقول انه جاب درجات عاليه في الأنقلش بس الدراسه لك عليها وحول دراسات واتوقع بيتخرج الله يوفقه او تخرج

[المعالي غالية]

ريحانه وينك للحين تصيحين أذكري الله يابنت الحلال
الله كريم

[ريحااانه]

اللله يعينكم

انا انقلش~






حظكم ماحولكم خطررر

[العضيد1]

ليه ما تحولين عربي؟ المفروض كل طلبة الدراسات والتاريخ والجغرافيا الترم 2 يحولون عربي.
نعمل تكتل في تخصص واحد. وأكيد العربي أفضل

[أم نونه]

جد وضعنا في خطر

عموما انا افكر احول انجلش

والله ييسر لي الخير يارب

[ريحااانه]

المعالي وربي إني أحب تخصصي وما القى نفسي في غيره
بس ماابي المقالي وهذي هي الطريقة الوحيدة اللي نتحاشى فيها المقالي
ولو حولت انقلش لابطي ماتخرجت او ادارة بس ربعنا وينهم

[ريحااانه]

العضيد كلام حلو
وش رايك نسوي حملة تجميع طلابة بين العربي والدراسات والنص بالنص

[العضيد1]

سبق سويت تجمع للعربي طلاب ترم 2. العدد ليس كثيراً. وليس مقياساً. لأن أكيد فيه طلاب آخرين.
الأفضل تحولون عربي أنتم. ولو استمرت مقالية نجربها قبل. ما يصير ننسحب قبل ما نجرب.