أقــدر اسحــب ملفــي !!

[حور العيون]

السلام عليكم ورحمة الله

بما ان مرض انفلونزا الخنازير منتشر السنه هذي وفي خطر على الطلاب والطالبات وسمعنا ان اللقاح مضر ويسبب مشاكل اكثر من وقايته فكرت اني ما ادرس السنه هذي

وبما اني مستجده بالكليه ولسه مابعد اداوم فهل يا ترى اقدر اسحب ملفي واقدم من جديد السنه الجايه ؟؟

او هل اقدر اوقف قيد السمستر هذا وادرس السمستر الجاي ؟؟

واذا سحبت ملفي وقدمت السنه الجايه في مجال اني انقبل ولا خلاص تروح علي ؟؟


اتمنى الاقي اجوبه لاستفساراتي في اقرب وقت لان الدراسه بكره وابي اقرر بسرعه ايش اسوي

ويعطيكم العافيه جميعا

[غلا الدنيا]

ترا المرض ماخذ اكبر من حجمه اكثر من دكتور يطلع ع التلفزيون ويقول انو المرض هذا غير قاتل ..
وانو الناس خايفين منه بشده ..
ممكن يأثر عليك لو عندك امراض مزمنه او مناعتك مره مره ضعيفه ..

شوفي حرام تضعين عليك سنه عشان شي تقدرين تقين نفسك منه ..
باستخدام الجل المعقم و عم ملامسة الانف والعين الا متأكده من نظافتها وكل شوي غسلي يدك ..
وابعدي عن اي بنت تشكين انها مريضه متر واحد ..
يعني اشياء سهله وانتي كبيره وتعرفين تتصرفين ..

بس لو مره مره خايفه وكذا ..
تقدرين توقفين قديك وتكلمين بعدين ..
بس ابدا ابدا لا تفكرين تسحبين ملفك لانك لو سحبتيه مستحيل ترجعين تدرسين في الفيصل مره ثانيه ..
لانو يصير لك سجل سابق والبانر مايقبلك ..

[حور العيون]

مشكوره اختي غلا الدنيا

بس انسحابي مو بس عشان المرض يعني سبب من الاسباب

اللحين افكر اني اوقف قيد السمستر هدا يصير وانا لسه جديده ؟؟

[القلب النابض]

تقدرين تووقفين قيدك
راجعي الشوون الاكادييميه بالكليه وربي يسهلك
بس لا تفكرين بالانسحاب
لانك ما تقدرين تقدمين السنه اللي بعدها
مووفقه

[حور العيون]

يعطيك الف عافيه عالمساعده حبيبتي

مشكوره