[ مذاكرة جماعية ] : هل تؤيد موضوع الورش وتوزيع المهام على الاعضاء ؟ اقتراحات .. ملاحظات .. رسائل شكر ..

[B.B.A]

السلام عليكم ورحمة الله وبركاته ..

تحية طيبة وبعد ..

طبعا انا ترددت انزل هالموضوع لعدة اسباب .. ولكن اصريت اني انزله بعد اطلاعي على رد لموضوع ليس لي

خلونا نكون واقعيين وصريحين .. مانبي نجامل ونضحك على بعض من ورا ..

بالنسبة للورش اللي قايمين عليها الاخوان الله يوفقهم وجهد جبار صراحة .. وتحت قايدة المتألقة دوما اختنا مرمر زماني ..

واللي انا من ناحيتي حاب اشكرها من اعماق قلبي على هالفكرة والمجهود والملاحظة المستمرة .. سواء لموضوع الورش او الاشراف بشكل عام ..

نبي نسوي احصائية (هل تؤيد فكرة الورش اما لا )

طبعا بغض النظر عن السلبيات او الايجايبات .. نعم او لا ..

ياشباب .. فيه شيء مهم .. حنا هنا قروب واحد من بدينا الترم الماضي .. نبي نكون مع بعض يد وحدة ..

نبي نساعد بعض ونوجه بعض لين ربك يكتب ونتخرج مع بعض ان شاء الله ..

حنا اخوان بالنهاية .. واذا ماتساعدنا ولا وجهنا بعض او نصحنا بعض ، اجل وش الفايدة من وجودنا هنا مع بعض .؟

حسيت شوي وامحطكم بقصيدة

اختي مرمر زماني .. ارجو ان تتقبلي موضوعي هذا ويكون البساط احمدي للكل ..

ماهنا احد غريب كلنا عيال بيت واحد

اللي عنده فضفضة او شكر او ملاحظة مانستغني ..

دمتم بود ..

[مرمر ♥]

الله يجزآك خير أخوي b.b.a

بالأول ودي أوضح شيء : لمآ بدينا بالتقسيم و حطينا الأساسيات للورش وش كآن هدفنا من هالشيء :_

* والله ثم والله ما نبي أحد يقول لنا شكرا أو يمدحنا ..

* كل اللي كنا نبيه الأجر و الثوآب و الفايدة توصل للجميع ..

* التشتت اللي كآن بالمستوى الأول خسفنا بالدرجآت عشان كذا قلنا خلونا نتدآرك الوضع !!

ثاني شيء أخواني و أخواتي بالورشة لما ما تحصلون المناقشة أو الوآجب أصبروا شوي

ما تذكرون المستوى الأول موضوع الأخ أبو محمد الله يجزآه خير متى ينزل الحل !!

و حنا بقدر الإمكان أنه نحط لكم الوآجبات و المناقشآت في الوقت اللي تنزل فيه !!

حآولوا أنك توقفون معنا لأنه كل اللي نسويه هذا لكم و لنا رآح نستفيد منه كلنا !

و حرآم عليكم والله البعض كلآمه قاسي ولا أعطى اي أهمية للورش و الجهود المبذولةة !!

ع العموم الإستطلاع رآح يبين اذا بنكمل فيها أو لا !!

دمتم بود

و ألف شكر لك أخوي b.b.a

[خوراافيه]

وعليكم السلام ورحمة الله وبركاته
الله يعطيك العافيه على هالموضوع
بالنسبه لي بالعكس الورش مره مفيده وساعدتني كثير الله يجزاهم خير ويوفقهم على هالمجهود
واللي مايبي الورش ماحد جابره يدخلهم الله يسهل عليه

[meme_]

الله يسعدهم ي رب
طبعا تعبو ودايما بيجاوب ع الاسئله وبيشرحو اذا صعب شئ
وكويز وشغلهم مر ماشاء الله تبارك الله
ما ابغي اعدد وانسى احد بس دايما بيجاوبو وبيحلو وجابات وبيتعبو
وبيلخصو ربي يسعدهم وي رب كلهم يجيبو ممتااز
وماا يضيع تعبهم ي رب

[turki1400]

انا بحكم اني من اعضاء قروب المحاسبة 2 وكل اعضاء مجموعتي

قسما ًعظما اني مطنش المواد الثانية والسبب انني ابي اضع كل جهدي لخدمة اخواني وخواتي

وانا بصراحة استفدت من الورش الاخرى لانها ساعدتني اني اواكب الحدث بوقته ولا يفوتني شيء

تخيلوا ان المسئولية اللي وضعتوها على عاتقنا ومانتحمل الضغط والبحث ومحاولة عن الاجابة لاسئلتكم

والله العظيم اخواني واخواتي الاعضاء بالورشة دون تحديد ماقصروا بذلوا كل ما يقدروا عليه

حنا نغطي بعض لدرجة اللي مايقدر يساعد من اعضاء الورشة نقوم بمهامه تقديرا للظروف اللي حالت دون اتمام

مهامه وكان بالامكان نسحب عليكم ولا علينا منكم بس مو طبعنا ولا هذا ما عهدتموه عنا كاعضاء ورش موقرين

وما اقول الا الله يجزي اخواني واخواتي اعضاء الورش الجنة ويناولهم مرادهم وبيض الله وجوههم فانتم كنتم اهلا

للثقة وبارك الله فيكم جميعا

وتقبلوا خالص تحياتي

[B.B.A]

المشاركة الأصلية كتبت بواسطة turki1400

انا بحكم اني من اعضاء قروب المحاسبة 2 وكل اعضاء مجموعتي

قسما ًعظما اني مطنش المواد الثانية والسبب انني ابي اضع كل جهدي لخدمة اخواني وخواتي

وانا بصراحة استفدت من الورش الاخرى لانها ساعدتني اني اواكب الحدث بوقته ولا يفوتني شيء

تخيلوا ان المسئولية اللي وضعتوها على عاتقنا ومانتحمل الضغط والبحث ومحاولة عن الاجابة لاسئلتكم

والله العظيم اخواني واخواتي الاعضاء بالورشة دون تحديد ماقصروا بذلوا كل ما يقدروا عليه

حنا نغطي بعض لدرجة اللي مايقدر يساعد من اعضاء الورشة نقوم بمهامه تقديرا للظروف اللي حالت دون اتمام

مهامه وكان بالامكان نسحب عليكم ولا علينا منكم بس مو طبعنا ولا هذا ما عهدتموه عنا كاعضاء ورش موقرين

وما اقول الا الله يجزي اخواني واخواتي اعضاء الورش الجنة ويناولهم مرادهم وبيض الله وجوههم فانتم كنتم اهلا

للثقة وبارك الله فيكم جميعا

وتقبلوا خالص تحياتي

الله يعطيك العافية اخوي تركي على ردك ومرورك الاكثر من رائع ..

بس بقولك .. ترى ما نسينا موضوع جائزة افضل ورشة < لا والله النشبة

سم >

[أجـــود]

اكيد الورش مهمه جدا جدا جدا من اسئله اعوام وملخصات وشروحات خصوصا الكويزات بالنسبه لي وبحكم ان لغتي الانجليزيه رايحه بخرايطها كل مافضيت ادخل كويزات الانجليزي واحل بالاسئله لدرجه اني تمنيت ان تكثر الكويزات فيها من اجل احسن مستوى فهمي وتعلمي اكثر واكثر وللامانه استفدت واتضحت لي اشياء كثيره من كثر حلول كويزات الانجلش وانا اتكلم بكل مصداقيه ،،، الف شكر الف شكر لاكل اعضاء الورش ماقصرتوا بصراحه بلا استثناء ،،، بس كويزات الانجلش قاعده تحببني بالانجليزي من وقت لآخر

[B.B.A]

الله يستر

[B.B.A]

محد انحاش

[ZahRa.a]

بلا شك نعم

ويعطيهم الف عافيه وفالهم التوفيق وينولهم على الدرجات