|
إدارة أعمال 2 ملتقى طلاب وطالبات المستوى الثاني ادارة اعمال التعليم عن بعد جامعة الملك فيصل |
![]() |
|
أدوات الموضوع |
#1
|
||||
|
||||
مقابلة مدير جامعة الملك فيصل
السلام علكم ورحمة الله وبركاته اللي خلاني اتخر في تنزيل الموضوع سستم الموقع لازم يمر 24 ساعه على اخر موضوع في البداية صراحه اجتهدت لين قدرت اصل الجامعة لأن سيارتي دخلت الحجز البارح وأستأجر سياره كله عشان اصل للجامعة ووصل صوتكم طبعا نبدأ بالموضوع رحت بدون ما ادق على السكرتير زي ما قال لي ولقيت 3 يبون يدخلون على المدير و أستنيت لين دخلونا كلنا وانا كنت الرابع وبدأ الحديث بيننا يوم جاء دوري انا: السلام عليكم الدكتور: وعليكم السلام انا: تفضل هذا الخطاب طبعاً قراه كامل وقال لي الدكتور: هات اللي عندك انا: في البدايه حاب اقولك ان جاي اتكلم عني وعن طلاب وطالبات إداره الاعمال المستوى الثاني الدكتور: طيب قبل لا تبدا بالكلام معك شي يثبت انهم مقدمين الشكوا معك انا: نعم ارقامهم مرفقه مع الخطاب وانت عارف اننا طلاب تعليم عن بعد يعني كل واحد من ديره فـ صعب اخذ توقيعاتهم فـ بدل التوقيع الرقم الجامعي كل من عطاني رقمه فهو معترض على الاختبار الدكتور: طيب عددكم 207 وهذا ليس عدد كافي مقارنه بعددكم الكبير انا: لا هذا عدد وكبير جدا وخلني اقنعك لأن احنا طلاب عن بعد يعني زي ما ذكرت لك كل واحد من ديره وما عندنا موقع رسمي يجمعنا يكون انتم معتمدينه وراسلينه للطلاب للمناقه بالمواد واحنا مجتمعين بموقع خارجي وهناك الكثير يجهل هذا الموقع ولو تسوون تصويت انا اتزهل لك 100% ان بيجيك دبل وثري هذا العدد يعترض على الأختبار الدكتور: طيب وش شكواكم انا: زي ما قريت طال عمرك الاختبار كان في وادي والشرح في وادي واحنا اجتهدنا وذاكرنا من الكتاب اللذي ذكره الدكتور + محتوا الشرح + الواجبات + المناقشات ومع ذالك خرجت الأسأله عن المحتوا والدكتور حط جل جهده في افحامنا للأختبار وتبي الصحيح ( الأسأله لحالها أختبار غض النظر جاوبنا ولا لأ ) هل هذا يرضي الله الدكتور: طيب قدمتو شكوا بالموقع انا :نعم قدمنا بالموقع ولاكن طال عمرك إيش الفايده مدام احنا مقدمين العام اللي فات اعتراض على ماده القانون وما سار شي الدكتور: من مدرس القانون العام انا : والله ما يذكرني اسمه الدكتور: طيب كلمتو الفريدي انا : نعم راسلناه بكل انواع التواصل تويتر + الموقع + إيميله الشخصي ولا جاء أي رد كأننا نخاطب انفسنا الدكتور: طيب ابني فارس ابي افهمك شي واحد انا : امر وشو الدكتور: تعرف لو طلع كلامك غير صحيح وطلع خلاف ما ذكرته انا بتخذ الأجراء اللازم معك انا : انا اتزهل اني اتحمل كامل المسؤليه الدكتور: لا مو انت لحالك انت ومن شاركوك اللي ارقامهم معي انا : احنا طال عمرك ما وصلنا لك عشان نتبلا الهجهوج ولاكن شي يقهر اللي سار الدكتور: ابني فارس ابيك تفهم شي واحد ترا كل الشكاوي اللي تاصلني ترا انا اخذها بعين الأعتبار ولا اهملها انا : بيض الله وجهك الدكتور: وشكواكم هذي راح اخذها بعين الأعتبار وراح ارسلها للمختصين وراح اطلبهم يردون علي بأسرع وقت ولو طلع عكس ما قلتو راح يكون فيه اجراء اخر انا : وانا واخوياي نتحمل جل المسؤليه طال عمر الدكتور: اوك حنا بنتواصل معكم وراح نرد عليكم انا : طيب قبل لا امشي كيف راح تتواصلون معنا الدكتور: ارقامكم الجامعيه معي وراح اراسلكم كلكم على الارقام المسجله عندنا بالموقع بناء على ارقامكم الجامعيه انا : بيض الله وجهك والله العظيم هذي هقوتي فيك واني ما جيتك إلى وانا عارف انه بيكون الحل بي يديك واعتبرنا اعيالك الصغار الدكتور: والله العظيم ان امر الطالب يهمني وهذا ما دار بيني وبينه بالحرف الواحد وأعذروني على القصور لو نسيت شي ولا شي المهم الرجال كان صريح معي وقال باخذها بعين الأعتبار ونرتجي خير يارب وفيه موقفين جميلات سارت قدام عيني لاكن ما ابي اطول عليكم |
![]() |
#2 |
متميز بمستوى ثالث إدارة أعمال
![]() |
رد: مقابلة مدير جامعة الملك فيصل
بيض الله وجهك ورحم الله والديك
بس اسلوب مدير الجامعة كأنه تهديد |
![]() |
#3 |
أكـاديـمـي فـضـي
![]() |
رد: مقابلة مدير جامعة الملك فيصل
صح نسيت شغله
وقلت له : انت عارف ان بالصفه العاميه البنات اشطر من الطلاب قال : صحيح قلت له : راح تلاحض ان فيه بنات كثير مرفق ارقامهن ومشتكيات هذا يدل على ان الكل متفق على صعوبة الماده |
التعديل الأخير تم بواسطة فارس العطوي ; 2014- 5- 19 الساعة 02:52 PM |
|
![]() |
#4 |
أكـاديـمـي ذهـبـي
![]() |
رد: مقابلة مدير جامعة الملك فيصل
الله يوفقك ماقصرت
وان شاء الله ربي يعوضنا خير ويأخذون الموضوع بعين الاعتبار |
![]() |
#5 |
أكـاديـمـي فـضـي
![]() |
رد: مقابلة مدير جامعة الملك فيصل
|
![]() |
#6 |
أكـاديـمـي
![]() |
رد: مقابلة مدير جامعة الملك فيصل
الله يبيض وجهك ي الكفوووووو
|
![]() |
#7 |
أكـاديـمـي فـضـي
![]() |
رد: مقابلة مدير جامعة الملك فيصل
|
![]() |
#8 |
أكـاديـمـي فـضـي
![]() |
رد: مقابلة مدير جامعة الملك فيصل
|
![]() |
#9 |
أكـاديـمـي
![]() |
رد: مقابلة مدير جامعة الملك فيصل
انا ما ادري عن الكتاب بس فيه ناس تقول ما طلع منه ؟ ليتك ما جبت طاريه << الله يستر
عموماً الله يجزاك عننا الف خير وبكتب لنا النجاح جميع |
![]() |
#10 |
أكـاديـمـي فـعّـال
![]() |
رد: مقابلة مدير جامعة الملك فيصل
بيض الله وجهك
وجزاك الله خير |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
كلمه تهديها لمن ساعدك واستفدت منه بالاختبارات جامعة الملك فيصل عن بعد | أبوجنا | ملتقى طلاب التعليم عن بعد جامعة الملك فيصل | 2 | 2014- 5- 21 06:56 PM |
شهادة جامعة الملك فيصل الى اين ؟؟ | فوز البليدة | ملتقى طلاب التعليم عن بعد جامعة الملك فيصل | 30 | 2014- 5- 20 09:06 AM |