في حيره من امري اتمنى من الكل يساعدني ويقدم لي نصيحه ..

[نان سعود]

السلام عليكم ..

انا طالبه في جامعة الملك فيصل تعليم عن بعد باقي لي تقريبا سمستر وتطبيق واتخرج

لكن عندي مشكله هي ان معدلي نازل , معدلي حاليا 2,61

افكر اغير تخصصي اذا سمح لي من التربيه الخاصه الى اداره الاعمال ..

او سحب ملفي لان اذا تخرجت مابقدر اخذ شهاده بكالوريس ثانيه

ايش رايكم اكمل واتخرج او اغير التخصص اذا سمح لي او اسحب ملفي ؟

[المـ ؛؛؛ ــافر]

انصحك أختي الكريمة بأن تكملي بتخصصك ..
لانة ما باقي علـ تخرجك شي ..
واذا راح تغيرين التخصص راح ترجعين من الاول ..
وإدارة الاعمال ليست بالسهولة .
حاولي ترفعين من معدلك . وراح تقدرين على ذالك أن شاء الله

والله يوفقك ..

[المحترمه]

وعليكم السلام ورحمة الله وبركاته

حياك الله عزيزتي ..
طالما أنه لم يتبقى سوى سمستر عليك المواصله
وإن أردتِ دراسة إداره عليك بطلب التسجيل مره
أخرى في الجامعه والدراسه في تخصص الإداره
بالتوفيق

[Silent Light]

والله يا أختي لدي تعليق بسيط ..

( هل أنتي متاكده أنك لا تستطيعين أخذ 2 بكالوريوس .. ؟ )

حسب معلوماتي تستطيعين ( وأنا أعرف كثير عندهم 2 بكالوريوس ... )

وبإستطاعتك التأكد عن طريق مراسلة الفريدان أو الرقم المجاني ..

بالنسبه إلى إنك تسحبين ( أنا ضد هالشي يا أختي ) ..

حتى لو معدلك 2.61 .. بقى لك ترم واحد إرفعي ولو بالقليل .. لأن حرام دفعتي دم قلبك على الدراسه ..

خلصي وكملي وخوذي الشهاده ( وسجلي من جديد ) على إدارة أعمال ..

لأن مثلك عارفه ( في حال ) الإنسحاب .. لا تستطيعين الرجوع إلى الجامعه إلا بعد فتره زمنيه .. اعتقد إن ما خاب ضني ( سنه ) .. أو سنتين .

نصيحه حاميه .

أكملي .. ( وتأكدي إنك تأخذين بكالوريوس ثاني ) .. وأتوقع تاخذين بنسبة 70% .. فقط تأكدي ..

ولا تضيعين شي عليك .. ( وترى إدارة الأعمال صعبه أيضا )

إستخيري ( والله يوفقك ) وهذا ما عندي

[W A R D]

حررررررررررررام قطعتي مشوار طويل ما شاء الله
ماباقي على تخرجك شي
أرفعي معدلك قد ماتقدرين شاركي ف المنتدى
الطلاب متعاونين ما شاء الله
بعد التخرج أدعمي شهادتك خذي دورات
الله يوفقك

[نان سعود]

اشكر جميع من نصحني الله يفتحها عليكم ..

بس اخاف مايرتفع معدلي ؟

وياليت اكيد ان اقدر اخذ شهادتين بكالوريس مو متاكده من هذا الموضوع بس احسها غلط

[Emoo-20]

انا يوم كنت في مستوى اول وحده في المنتدى معانا عندها بكالوريوس لغه عربيه اظن
ودرست عن بعد مره ثانيه يعني عادي هذا الشي

لكن برضوا تأكدي
ومسألة انك تسحبين ف بتندمين قد شعر راسك يعني حرام الي دفعتيه يروح خساره

[ابو ريتـال]

جدا عادي

تقدي تاخذي شهادتين عادي

ولد عمي حاصل على باكالريوس لغة انجليزية
و الان مستوى رابع ادارة اعمال
و فوق هذا كله حاصل على دبلوم تربوي

و كان معدلة 2.01

لا تغيري التخصص ولا شي

اذا تبين رفع المعدل ما عندك غير طريقة و احدة خفض عدد الساعات علشان تقدري ترفعي المعدل

[الجــــ@ـارح]

اختي ماقصرو الاخوان والاخوات افادوك

لكن راح اضيف لك انه معدلك 2.61

ممكن ترفعيه ويكون فوق 2.75 جيد

لكن لازم موادك على الاقل 86 درجه لكل ماده

[ابوفيصل 2012]

اولا يا اختي تخصصك مرغوب فيه وعلشان كذا قفلت الجامعه التسجيل فيه على حسب علمي يبون الخريجين من طلبة الانتظام يا اختي تقدرين ترفعين المعدل الى ثلاثه وبكذا جبتي معدل طيب المهم لا تحاولين تحويل تخصصك وادارة الاعمال صعب واغلبها مسائل واتوقع ان الجامعه تسمح انك تدرسين اكثر من بكالوريوس هدفهم مادي وليس علمي واذارفضوا كملي من جامعه اخرى واذا رفضوا كملي دراسات عليا المهم التخصص هذا لا تخلينه

بالتوفيق يا رب