حلمت بان ياسر القحطاني يسولف لي عن امورة الخاصة

[عيون الشوق]

السلام عليكم ورحمة الله وبركاته

اول شي انا ساكنه في مدينة الخبر وانا بنت عزباء عمري 19 سنة ...
و الحلم هو ان... كان الحي الي انا ساكنه ( الحزام الذهبي ) فيه مسوي زي معرض او مهرجان او ملتقى لأهل الحي ..اول زي مانقول حفل دوري بس لأهل الحي نفسه ما يجي احد غيرهم منهم مطوقين الحي نفسه بس لنا

وكان الوقت الليل وكان الناس اختلاط الحريم ورجال وكان عادي مو انه حرام و ما كان فيه مكان نجتمع فيه بس نتمشى من بين البيوت وكان كل بيت شارعه في ناس تسولف تتمشى ...اما انا كان يسولف معي هو اللاعب ياسر القحطاني لاعب نادي الهلال..وكان في الحلم يسولف معي عن اموره الخاصة وكان يتكلم يتكلم وكان شكله يحب يعلمني عن وجهة نظرره في جميع امور الحياه وكان متحمس وهو يتكلم ولما كنا نتمشى كانوا الناس الي في الحي يطالعون من هي الي مع ياسر شوفوها
وكنت اقول في نفسي ليش هو جاي من العقربية الى حي بيتنا ....ليش طيب يسولف معي..وليش لازم يعلمني وجهات نظره... وش معنى انا بس من كل البنات.................انتهى

--------------------------------------------------------------------------------

[الشيخ ابو عبدالرحمن]

هذا حديث نفس
ويبدو بانك هلاليه جداا
ولكن يوجد به شي بانك قد تكونين تبدعين في موهبه
اما رسم او شعر او حاجه انتي موهوبه بها