|
ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
|
أدوات الموضوع |
#1
|
||||
|
||||
مشاكل السداد والرسوم دبــــــــل والحل ؟؟؟
السلام عليكم ورحمة الله وبركاته
باختصار السداد مثل ماانتم عارفين يطلع رقم حساب المشترك خطأ حسبنا الله عليهم كل ترم ومصايبهم ومشاكلهم ماتخلص والبلوى اللي مهببينها ان علي 15 ساعة وكاتبين لي رسوم التسجيل 5000 ومدري كم فوقه والحل طيب من مثلي جاه رسوم التسجيل خطأ عندي ساعة من العام سجلتها متأخرة وقالوا لاتدفعينها هالترم قصدهم الترم اللي راح بنرحلها للترم ذا والترم ذا نكبوني فوق 5000 حق 15ساعة يعني حشفا وسوء كيلة التسديد مايسدد والمبلغ دبل والحل يالربع ؟؟؟؟؟؟؟ |
2014- 10- 16 | #2 |
مشرفة عامة سابقاً
|
رد: مشاكل السداد والرسوم دبــــــــل والحل ؟؟؟
وعليكم السلام ورحمة الله وبركاته عزيزتي ظهور المشكله التسجيل خطأ يعني أنه حتى الآن فاتورتك ما تم رفعها حتى تتمكنين من السداد .. وصرّح الفريدان بأنه فيه أعطال بالسداد راح يتم تعديلها وتحديثها للطلاب وبناءا عليه تم تمديد فترة السداد .. بالتوفيق |
2014- 10- 16 | #3 |
أكـاديـمـي ألـمـاسـي
|
رد: مشاكل السداد والرسوم دبــــــــل والحل ؟؟؟
الله يجزاك خير قريت خبر التأجيل
طيب وهالمبلغ العظيم هذا وش ذنبي ادفعه لجيوبهم على حساب 15 سااااااعه خافوا الله فينا ياجامعة المشاكل |
2014- 10- 16 | #4 |
أكـاديـمـي ألـمـاسـي
|
رد: مشاكل السداد والرسوم دبــــــــل والحل ؟؟؟
خسارة اسم الملك فيصل عليهم
المفروض يسمونها جامعة المشاكل وضعهم جداااا مزري ومخجل الاعطال من 5سنوات لاعبة بالموقع والسيرفر لو يدخلونه 10 طلاب وقت الذروة علق والاخطاء بالهبل كل ترم ومعه بلاويه والاهمال واللامبالات العامل المشترك كل ترم والمحاضرات كوكتيل نص من سنة جدي ونصها قبل يومين والواجب تلقاه بالافتراضي شكل وبالبلاك شكل والحالة كسيفة واحباط وتذبذب وارتباك للطالب واحساس بافتقاد الامان وفوق هذا يدفع لهم فلوس على كل هالبلاوي الزرقا اللي يسوونها يارب نفارقها على خير ونفتك من غثاها واهمال مسؤلينها اللي ماخافوا الله فينا |
التعديل الأخير تم بواسطة ღ الليدي ساره ღ ; 2014- 10- 16 الساعة 06:48 AM |
|
2014- 10- 16 | #5 |
أكـاديـمـي فـضـي
|
رد: مشاكل السداد والرسوم دبــــــــل والحل ؟؟؟
عادي ليه تكبير المواضيع
كل جهة حكومية فيها سلبيات وايجابيات بالعكس جامعة فيصل اكثر جامعة متعاونة اصبري شوي ليه مستعجله على السداد قدامك الين نوفمبر انتظري ما أحد يجبرك تدفعين دبل اذا مكتوب دبل يعني فيه خلل انتظري يصلح الخلل وسددي ركزي على دروسك |
2014- 10- 16 | #6 |
أكـاديـمـي ألـمـاسـي
|
رد: مشاكل السداد والرسوم دبــــــــل والحل ؟؟؟
^
والله واجد مغترة بالبورد البريطاني اللي تدرسينه خاله .. اطلعي من راسي لا افصل عليك . |
2014- 10- 16 | #7 |
أكـاديـمـي ألـمـاسـي
|
رد: مشاكل السداد والرسوم دبــــــــل والحل ؟؟؟
اللي مرت عليه اخطاء في الرسوم يفيدنا اذا الوضع اخطاء كالعادة وراي مليون شغلة وماني فاضية اراجع بالجامعة واطارد وراهم
واللي مو شايف نعمة ويحسب انه وصل للقمر والبروفيسوراه ويجي يتملق ويهايط يحشم نفسه ويهايط برا موضوعي مو ناقصته كلنا عيال قرية ولاهو غريب علينا وضع الجامعة |
التعديل الأخير تم بواسطة ღ الليدي ساره ღ ; 2014- 10- 16 الساعة 07:51 AM |
|
2014- 10- 16 | #8 |
أكـاديـمـي
|
رد: مشاكل السداد والرسوم دبــــــــل والحل ؟؟؟
المشكلة اللي عندي اني دخلت على حسابي ببنك الراجحي عن طريق سداد ومعطيني تم دفع الرسوم وانا مادفعت شي مادري فيه احد سدد عني والاشلون
|
2014- 10- 16 | #9 |
أكـاديـمـي ألـمـاسـي
|
رد: مشاكل السداد والرسوم دبــــــــل والحل ؟؟؟
اها استلموا الواحد مايدري هو دفع والا لا
وربي مهازل مستمرة وبلف فلوس ولايعدلون شي ولايصلحون شي والعالم اللي سددوا يقولون للحين النظام ميت عالافتراضي والبلاك امس طلع زوجي من دوامه بيراجعهم وصدموا سيارته بالجامعه وهذا اللي حصلنا من ورى بلااوي هالجامعة الحمدلله اللي الصدمة بسيطة الله يفجعهم مثل افجعونا هم واللي فرحانين فيهم ياحي ياقيوم والنظام مقفل عاللي ماسددوا للحين مايفتح مدري وش نذاكر منه الطعوس اللي يتفلسفون مسوين عندهم سالفة وهم ماعندهم ماعند جدتي حصة حسبي الله ونعم الوكيل عليكم وتراكم علينا المناقشات والواجبات والتحميلات وتالي يطل الفريدان يغرد اللي حلوا في يوم واحد ومتأخرين ماتنحسب لهم المشاركة هنود حنا نسكت على كل هالبلاوي والاهمال واللامبالاة عام ورى عام ولاجا الدفع مايعرفون الا فلوسهم وقفلوا عليك النظام خوش صرح تعليمي والله الله لااااااااايوفق كل من تسبب باللي احنا فيه من لخبطة ولااااااايوفق من يدافع عنهم دنيا وآخرة حسبي الله عليهم كلهم |
التعديل الأخير تم بواسطة ღ الليدي ساره ღ ; 2014- 10- 16 الساعة 11:34 AM |
|
2014- 10- 16 | #10 |
أكـاديـمـي ذهـبـي
|
رد: مشاكل السداد والرسوم دبــــــــل والحل ؟؟؟
إذا أنتي 5000 أنا 7000 وعذرهم بعد ماراسلتهم أن عندي مواد سابقه نســو يحسبونها لي وأنا مثلك سجلت 15 ساعة ويوم قريب أتخرج حطـو علي ذا المبلغ لكن حسبي الله ونعم الوكيل ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|