[ استفسار ] مهم لكل اللي مثلي ..

[كفايه الم]

مابسوي مقدمات :

1- مكتوب في نموذج الاخ الجارح في الصفحة الثانيه تقرير الزيارة رقم ( 1 )
وهو يقول لا تقلون لهم انه تقرير لان احتمال مايرضون طيب انا غيرته وحطيت إستبيان وعبتة الاخصائيه لو رجعته لها
وهو مكتوب تقرير وش الحل . وش السواة اخليه استبيان وأرفعه للدكتور ..


2- في المجال التعليمي ما هي الاجراءت التي اتبعها لعمل التقرير , انا سمعت انه لازم اخذ موافقه من
مكتب الاشراف والتوجيه التابع لوزارة التربيه . كذا صح ؟


ارجو افادتنا من ذوي الاختصاص أو من لديه خبره ..

[طالب جامعي.]

لا عادي جداً خليه مكتوب تقرير ماحد راح يلاحظ هالشيء لان ماهم فاضين اصلاً انا سويت التقرير قبل اروح لهم جاهز وبس خليت بعض الحاجات اللي تخص المؤسسة مثل تاريخ الافتتاح والاقسام الموجودة وعبيتها عندهم وختمو لي على طول.

خصوصاً انك لما يختمون لك الورقة الاولى والاخيرة ماتقدرين تعدلينها لانك بترفعينها على السكنر زي ماهي

في التعليمي ان شاء الله يفيدونك البقية لان تقريري اجتماعي وواحد طبي .

[اخصائي اجتماعي1]

عادي قولي لهم تقرير
انا اساسا لما رحت للمستشفى قلت لهم عندي استبان قالولي لاتقرير زياره خذ النموذج الجاهز هاذا وعبه زيه وجيبه نختمه يقولون مر عليهم كثير حتى حاطين موظف خاص لهذا الشي يصرف له بدل تدريب
الصراحه مطلوبه

[ســــلآف]

اخصائي اجتماعي اي مستشفى هذا ؟؟؟

[آحلام المطيري]

لازم تروحين مكتب الاشراف والتوجيه تاخذين خطاب منهم ع المدرسة الي بتسوين فيها التقرير

يسون لك الخطاب وانتي واقفه ماياخذ عشر دقايق وبعدين روحي للمدرسه وخلاص يختمون لك الورق وكل شي

انا المرشده الطلابيه الله يجزاها خير اخذت الورق مني وعبته كامل وبعدين قالت روحي مديرة المدرسه تختمه لك وبس مااخذ مني وقت

[Aula]

اخصائي اي مستشفئ رحت

[Aula]

التقرير التعليمي

قالو لي اخدي اذن من التوجيه ورحت ما افادوني بشئ .. قالو جيبي اذن من الجامعه ...
من رايكم اروح وزارة التربيه والتعليم الى بالدمام ؟؟؟

[أقحـوان]

Aula

اطبعي خطاب الجامعة وعطيهم

[اخصائي اجتماعي1]

المشاركة الأصلية كتبت بواسطة ســــلآف

اخصائي اجتماعي اي مستشفى هذا ؟؟؟

مدينة الامير سلطان الطبية العسكرية (المستشفى العسكري بالرياض)
الشؤون الاجتماعية الدور الخامس
هم عارفين الوضع ومتفاهمين وخلال ربع ساعه وتقريرك جاهز ومختم
ملاحظه- لحد يكتب التقرير ويروح لان مشرف التدريب هناك راح يعطيكم تقرير جاهز ويقولكم اكتبوا زيه عاد أنا ما اعجبتني صيغة التقرير اللي عنده وعدلت فيها شوي وممكن تطبع تقرير طباعه اذا تعرف معلومات عن المستشفى ولكن بلغ مشرف التدريب بذلك
اسألوا عن مشرف التدريب هناك ما راح اذكر اسمه راح تعرفون اسمه
جداً جداً متعاونيين وحبوبين ومتفاهمين
ويوجد قسم نسائي

وبالتوفيق لنا جميعاً

[اخصائي اجتماعي1]

المشاركة الأصلية كتبت بواسطة aula

التقرير التعليمي

قالو لي اخدي اذن من التوجيه ورحت ما افادوني بشئ .. قالو جيبي اذن من الجامعه ...
من رايكم اروح وزارة التربيه والتعليم الى بالدمام ؟؟؟

يااااا ساااااااااتر وش توجيه وما توجيه والله لو انك تسوين تقرير عن مفاعل نووي
انا بالنسبه للتعليمي طمرت للمدرسه اللي جنب بيتنا مايمديني طقيتلي خمس فناجيل قهوه الا وتقريري جاهز ومختم حتى المرشد الطلابي جزاه الله خير هو اللي عباه وختمه جداً متعاونيين ومتفاهمين حتى المدير وصلني لين باب المدرسه

اما بالنسبه للطبي شوفي ردي على سلاف


الحمدلله مالقيت اي صعوبه بالنسبه للتقارير