[ جامعة اخرى ] : ابسحب ملفي من البترول بعد اربع سنوات .. وين اروح ؟!!

[Mr.SoWrd]

بسم الله الرحمن الرحيم

السلام عليكم

اخواني انا مشكلتي كبيره جدا و معقده

انا تخرجت من الثانوي قبل ثلاث سنوات و نصف عام 1433 - 2012

و كانت نسبتي 99.35

و فالقدرات 88 و التحصيلي 86

كان طموحي اني انقبل في جامعة الملك فهد للبترول و المعادن و ادرس فيها هندسة ميكانيكية و انقبلت وقتها و درست التحضيري و عديت الترم الاول بمعدل 2.6 من 4 و الترم الثاني جبت 3.2 من 4 مرتبة شرف ثالثة .

بس للأسف بمجرد ما بديت الترم الاول في السنة الاولى فريشمان و يطيح مستواي و اجيب معدل فصلي 1.04 من 4 و كان معدل تراكمي و من بعدها و انا اموري من سيء الى أسوأ.

وقفتني الجامعة عن الدراسة الترم الثاني من السنة الماضية و سويت اعادة قبول و بعد الشرشحة انقبلت بشرط معدل فصلي لا يقل عن 2.5 من 4 و للأسف الترم هذا ما راح اجيب 2 اصلا و هي اخر فرصة و متأكد اني راح اتوقف الترم الجاي هذا اذا ما جاني فصل من الجامعة و قالوا لي ابحث عن جامعة اخرى.

الحين ما قدامي الا كلية الجبيل الجامعية اقدم عليها و ادرس فيها هندسة بس المشكلة راجعتهم قبل اسبوع و قالي موظف التسجيل اني اقدم طلب تحويل على الكلية الترم الجاي بس من شروط التحويل عليهم ان يكون معدلي التراكمي من الجامعة المحول منها لا يقل عن 2 من 4 و انا معدلي 1.5 من 4 غير كذا راح اتوقف الترم الجاي و لا ادري يمديني احول او لا ... الموظف قال انت حول و ما عليك اذا انقبلت تمام و اذا ما انقبلت انتظر لين يفتح التسجيل السنة الجاية و سجل .

و اذا سجلت السنة الجاية طالب مستجد .... يعادلون لي التحضيرية ؟

حرام تضيع من عمري اربع سنوات على الاقل ثلاث سنين تهون

انا ابغى ابدا عندهم ان شاء الله من بعد التحضيريه من الصفر ... حتى لو حطوني في تخصص ثاني مستعد ادرس و ابدع و اخليهم يحولوني على الهندسة

افيدوني الله يعطيكم العافية خصوصا طلاب البترول و كلية الجبيل الجامعية ... وش الوضع ؟؟؟ فيه امل انقبل؟؟

انا مو هامني كلام الناس و لا هامتني السنين .... اهم شي مستقبلي و اكون مهندس .

[ريمنقو]

وعليكم السلام

بالنسبة للمعادلة يعتمد على الكلية اللي بتدرس فيهآ
بعض الكليات ترفض المعادلة , انت تأكد من الكلية الجامعيه
وآبذل جهدك حاول ترفع معدلك وان ماقدرت سجل على السنه الجديده

[محمود أبو هادي]

وعليكم السلام

نسبتك إن شاء الله تؤهلك للقبول في كلية الجبيل الجامعية ، وكذلك في الصناعية .

و اذا سجلت السنة الجاية طالب مستجد .... يعادلون لي التحضيرية ؟

تسجل و في وقت التسجيل راجع إدارة الكلية ، لأن كلية الجبيل على ما أظن يعادلون مواد جامعة البترول ، فكثير من الطلاب المنسحبين من البترول يعادلون المواد التحضيرية وأيضا المواد العامة إذا كانت متوافقة لكن لا أدري عن النسبة المطلوبة للتحويل.

افيدوني الله يعطيكم العافية خصوصا طلاب البترول و كلية الجبيل الجامعية ... وش الوضع ؟؟؟ فيه امل انقبل؟؟

إن شاء الله تنقبل لكن أفيدك علما أن كلية الجبيل الجامعية فيها كذا تخصص ولكن تخصص الهندسة الميكانيكة عليه ضرب النعل - زي ما يقولون- بخلاف كلية الجبيل الصناعية فيها تخصصات أكثر من الجامعية ولكن الجبيل الصناعية تعطيك دبلوم عند التخرج بخلاف الجبيل الجامعية.

بالتوفيق

[نعسآنه]

حتى لو تبدأ من جديد وتعيد التحضيري يمكن يكون خيرة لك وتستفيد من هالسنة كل شي كاتبه الله خيرة والأفضل انك تسحب ملفك وتقدم من جديد في الجبيل
نفس ما سوا أخوي طلع من البترول وقدم من جديد على الجبيل والان هو سنه ثالث ماشاء الله
توكل على الله ومايضيع عند الله شي ........ والسنين تمر بسرعة مانحس فيها


ماراح شي من عمرك ناس اعمارهم بالثلاثينات وتوهم يدرسون جامعة

[saudi595]

ل الدرجة ذي صعبة البترول