[ استفسار ] رايكم ونصيحتكم لاخوكم مابعد التخرج .....؟

[عبدالله العـتيبي]

السلام عليكم صباح الخير

الحمدالله تخرجة من جامعتنا قبل سنة تخصص علم اجتماع وللحين مااستفدت من الشهادة !! ابي اقولكم معلومات وظيفتي الحاليه موظف بالبلدية على بند أجور من خمس سنوات ويوم تخرجت من الجامعة اعطيت شئون الموظفين الشهادة قلت ودي

ترسموني يعني مرتبة مثل رابعه وخامسة وهاكذا قالو انتظر لما يصدر أمر ملكي بترسيم الموظفين !!! والمشكلة انا بند أجور فئة ( أ ) كلمتهم قلت طيب على الأقل حطوني فئة ب علشان يزود راتبي شوي قالو إذا توفرة ارقام شاغرة ... وبصراحه نفسيتي تعبانه خريج جامعي وإلا الآن بند أجور والحين افكر ودي اصير مدرس بأذن لله او على الأقل موظف رسمي ابي نصيحتكم لي وهل اقدر اكون مدرس وانا خريج تعليم عن بعد ؟ دعواتكم لي بتوفيق

[HRoOoSs]

مدرس لا مايقبلون


لاكن يقبلون على الوظائف الرسمية بالانتساب

[الفكر المميز]

حاول تقدم على وظائف اخرى في شركات او وزارات اخرى

[مــجــازفــــ]

اخوي لا تحط في بالك انهم راح يرسمنك على طول او راح تجيك ترقية على طول انت ابحث بكل مكان وان حصل لك شركات او قطاع خاص راح له ولا تفكر اما تجلس على بند اجور ويروح عمرك وانت على 3000 ريال ماهو معقولة اما حكاية انك جامعي ترى غيرك معه ماستر ومن خارج السعودية وعاطل فلا تحبط بنفسك انت افضل من غيرك ولكن ابحث عن الافضل من ناحية الراتب ومن ناحية الخبرة لا تنظر للراحة وقل ساعات العمل

[عبدالله العـتيبي]

المشاركة الأصلية كتبت بواسطة مــجــازفــــ

اخوي لا تحط في بالك انهم راح يرسمنك على طول او راح تجيك ترقية على طول انت ابحث بكل مكان وان حصل لك شركات او قطاع خاص راح له ولا تفكر اما تجلس على بند اجور ويروح عمرك وانت على 3000 ريال ماهو معقولة اما حكاية انك جامعي ترى غيرك معه ماستر ومن خارج السعودية وعاطل فلا تحبط بنفسك انت افضل من غيرك ولكن ابحث عن الافضل من ناحية الراتب ومن ناحية الخبرة لا تنظر للراحة وقل ساعات العمل

مالي رغبة بالقطاع الخاص حتى لو يعطوني 10 ألاف .... وبعدين مااعتقد فيه وظايف لتخصص علم اجتماع بالقطاع الخاص

[عبدالله العـتيبي]

ياخوان سمعت ان تقدر تكمل دبلوم تربوي وتصير مدرس ... أو بطاقة التصنيف وتكون اخصائي اجتماعي .... ممكن احد يشرح لي كم مدة دراسته وايش الأفضل وإلخ

[فتى العمران]

نبي نعرف شلون نصير مرشد طلابي

[سلمــان]

المشاركة الأصلية كتبت بواسطة عبدالله العـتيبي

ياخوان سمعت ان تقدر تكمل دبلوم تربوي وتصير مدرس ... أو بطاقة التصنيف وتكون اخصائي اجتماعي .... ممكن احد يشرح لي كم مدة دراسته وايش الأفضل وإلخ

حياك الله أخوي انا موظف في التعليم وموضوع انك تصير معلم للاسف انساه بتاتاً لان شهادة الانتساب غير مطابقة للشروط (انتظام) فقط وحتى لو اخذت دبلوم تربوي ماتنطبق عليك شروط الوظائف التعليمية وقبل فترة الوزارة فتحت الطلب للتحويل من الوظائف الادارية للتعليمية بما معناه اللي انظلموا وتعينوا على وظيفة اداري وهو تربوي وكانت بشروط ان الشهادة تكون انتظام ويكون من المرتبة الخامسة فما دون !!

وبالنسبة للحصول على بطاقة اخصائي اجتماعي انا سجلت ودفعت لجمعية القلب السعودية مبلغ 50 ريال عشان اخذ الدورة بقيمة 350 من قبل المستشفيات المعتمدة واتوجه بعدها لهيئة التخصصات الطبية عشان اكمل الاجراءات وهالكلام على نهاية رمضان وكلمت الهيئة عشان استفسر وانصدمت من موظف الهيئة انه يقولي انتساب مانقبل وحتى انتظام علم اجتماع وما نقبل الا تخصصات طبية بأمانة صعقني قلت خير ويوم الاحد ان شاء الله بروح بنفسي للهيئة اتأكد اذا نفس كلامه معناته الشهادة ماراح تفيدني الا للترقية لا اكثر .....

[عبدالله العـتيبي]

المشاركة الأصلية كتبت بواسطة سلمــان

حياك الله أخوي انا موظف في التعليم وموضوع انك تصير معلم للاسف انساه بتاتاً لان شهادة الانتساب غير مطابقة للشروط (انتظام) فقط وحتى لو اخذت دبلوم تربوي ماتنطبق عليك شروط الوظائف التعليمية وقبل فترة الوزارة فتحت الطلب للتحويل من الوظائف الادارية للتعليمية بما معناه اللي انظلموا وتعينوا على وظيفة اداري وهو تربوي وكانت بشروط ان الشهادة تكون انتظام ويكون من المرتبة الخامسة فما دون !!

وبالنسبة للحصول على بطاقة اخصائي اجتماعي انا سجلت ودفعت لجمعية القلب السعودية مبلغ 50 ريال عشان اخذ الدورة بقيمة 350 من قبل المستشفيات المعتمدة واتوجه بعدها لهيئة التخصصات الطبية عشان اكمل الاجراءات وهالكلام على نهاية رمضان وكلمت الهيئة عشان استفسر وانصدمت من موظف الهيئة انه يقولي انتساب مانقبل وحتى انتظام علم اجتماع وما نقبل الا تخصصات طبية بأمانة صعقني قلت خير ويوم الاحد ان شاء الله بروح بنفسي للهيئة اتأكد اذا نفس كلامه معناته الشهادة ماراح تفيدني الا للترقية لا اكثر .....

تكفى اخوي سلمان تأكد وردلي خبر هنا .... اي والله ترا انا ماعندي اي استعداد اني ادرس او اخذ التصنيف واخر شي يطلع ماله فايده لنا لاانا ابي شي مضمون

[عبدالله العـتيبي]

للرفع .................. وكل عام وانتم بخير