طالبات و طلاب الطب..الله يجزاكم خير انصحوني"

[أميرة حالمة..]

السلام عليكم ورحمة الله وبركاته
،،

عندي سؤال و محتاجة مشورتكم!

أنا طالبة هالسنة رايحة لثالث و الحمد الله طلعت من ثاني بنسبة حلوة،كل من شاف شهادتي قال بتدخلين طب؟ هذا من جهة،الوالد والوالدة يقولون لي ادخلي المجال الي تحبينه بس ودنا نشوفك دكتورة!

أزمتي اني انسانه ماحب ولا شي و لا أميل لشي بالمرة كل التخصصات بالنسبة لي مو حلوة ولا تنطاق !معلماتي دايما يقولون لي انتي عندك طاقات كبيرة و تقدرين تبدعين!

عارفة اني ما اقدر أضمن حالي،بس خايفة يجي اليوم الي يحصل لي فيه طب وادخله من غير قناعة!
بحثت كثير عن دراسة الطب لأني أحسه واحد من الخيارات الي اذا حصلت لي بترضي طموحي ..تكلمت مع بنات يدرسون طب بس ما عطوني الجواب الشافي!وحدة منهم بنت كانت متفوقة بدراستها و حلمها تكون دكتورة من طفولتها بس قالت لي أنا دخلت طب و ما أنصح أحد يدخله لأنه مرة متعب ،اذا مرة ودك فيه دخلي طب اسنان!و بنت ثانية قالت لي بالعكس الدراسة حلوة و تحلى كل سنة أكثر!

*الأسئلة الي ودي ألاقي لها جواب:

دراسة الطب فيها نوع من القرابة لدراسة الأحياء في الثانوية؟
لأني بصراحة ما أطيق الأحياء بسبب ظروف تعرضت لها في اول ثانوي ونص ثاني مسكتنا معلمة الله بالخير البنات لاعبين فيها لعب حصتها مسخرة!صار الأحياء عندنا مادة هامشية وفوق هذا تجي لها أيام تشرح غلط و تحل معانا غلط!بعدها غيروها وجابوا لنا المعلمة الي كرهتني في حياتي بقدها!هالمعلمة كانت خانقتنا خنق كل شي في الكتاب تطالبنا فيه وتعطينا زيادة عليه بعد و كل شي أخذناه عطتنا رسمة عليه و طول الحصة ترسم وتكتب لدرجة الدرس الواحد ياخذ منا 3صفحات (و على فكرة دفتري كبير) وشرحها سرد للكتاب وزيادة معلومات عليه!لا و بعد كانت تطالبنا في الرسم بمصطلحات انجليزيةعجيبة(بريسايكل،اندوديرم،الميتازايلم..الخ) وفي الأخير تقول : أنا ما اتحداكم في الامتحان بس أقيم قدراتكم! المهم لا أظلمها بقول أوكيه كانت تبي مصلحتنا بس صراحة صار الأحياء عندي حفظ حفظ حفظ أطقع من التاريخ!بعدين على نهاية السنة مسكتنا معلمة ثالثة خلت فصل الهرمونات الي يقولون عنه أصعب شي زي العسل على قلبي لدرجة أنها كانت تقول لنا ذاكروا من الدفتر بس أنا أذاكر الكتاب من كثر ما حبيت المعلومات الي فيه ،ومدري هذا بسبب انهم جابوا لنا المعلمة الزينة أو لأن الفصل نفسه كان ممتع أو الاثنين مع بعض!

السؤال الثاني و الأهم: قط مر عليكم أحد دخل الطب وهو مش حابه أو ماعندوا مشاعر تجاه التخصص بعدين حبو؟ تتوقعوا هالشي يصير؟


سوري اذا طولت عليكم بقصة حياتي بس ودي أحد يتفهمني !!


كلي أمل بعد الله بكم بأن أجد الاجابات الشافية ..

بالانتظار..:s9:

[د\ملاك]

خيتووو انا لسه بروح الجامعه وبدرس طب....:)
يعني سابقتك بدفعه.... وصدقيني الطب حلوو ويكفي بس انه خدمه نبيله تساعدين فيها كل الناس المحتاجين لك خيتووو

ولازم كل تخصص له صعوباته ..والشاطر اللي يتحدى الكل ويوقف ويكون بالتوب ع طووول

الخيار الاول والاخير لك لكن انا كنت مثلك ... الكل يقول لي راح تبدعين راح تكونين لاني كنت متميزه بكل شي ....موقصدي امدح حالي لا والله بس احب اقولك....لما يكون الانسان متميز بيقدر يبدع مهما كان المجال وتحدياته...:):)

اتمنى افدتك وغيري بيفيدك اكثر

تحياتي لك خيتو

[أميرة حالمة..]

أختي العزيزة..

د/ملاك..

شكراآ لكلماتك المشجعة،،

يسر الله دربك ..و وفقك لكل خير"

[القلب النابض]

ينقل موضوعك لقسم الطب
حتى تلقين الافاده بشكل اكبر

[أميرة حالمة..]

شكراآ ع النقل..وعذرا لوضع الموضوع في القسم الغير ملائم,’ ""

[AmD92]

[align=center]والله ياغلاتي بقولك ،، اكبر غلط ممكن ترتكبينه انك تاخذي رأي الناس وتمشين عليه ! لان كل شخص له ميوله وقدراته ،، مستحيل كل واحد دخل الطب يحبه ، ومستحيل كل الناس تكره الطب !! الطب تخصص حاله حال اي تخصص ثاني فيه ناس بدعوا فيه :049: وفيه ناس انسحبوا منه وفيه ناس مازالوا يكافحون في دراسته :150:

اول يوم وصلتني رساله تم قبولك بالطب ، رحت زي الاهبل اسأل الاول واستشير الثاني واخذ واعطي مع الثالث ،، وكل واحد عطاني كلمه راسي صار يدوور ،، لأن كل واحد يقولي وجهة نظره ومستحيل الكل يتفق برأي واحد ،، لكن يعلم ربي اي واحد ابدأ اسأله وش رايك بالطب ،، على طول اول كلمه اسمعها منه ماشاء الله

كفايه اسمه ،، طب ،، له هيبته ومكانته وربي

والطب يميل للأحياء اكثر من غيره على حد علمي ، بس مو استاذ الثانوي يحدد هل انتي تحبين الاحياء او لا

اذكر اولى ثانوي كان مدرسنا فاشل ،، درجتي نزلة بالأحياء ، ثاني ثانوي جانا مدرس الله يذكره بالخير عبدالرحيم واحد من افضل مدرسين مادة الاحياء بالمنطقه الشرقيه ، وابدعت في الاحياء ذاك الوقت ، فـإذا انتي كرهتي الاحياء بكون بسبب اسلوب الشخص اللي اعطاك الماده مو الماده نفسها

رأيي الشخصي : ادخلي طب وتوكلي على ربك ، زي ماقالت ملوكه مهنه شريفه ، ترفع الراس ،، يضربون لك الناس الف حساب الدكتوره جات الدكتوره راحت ،، توكلي على ربك ومافيه تخصص يقارن بالطب ،،

معليه طولتها بس تحمست افضفض شوي ،، ويارب لك التوفيق

بيس


[/align]

[د\ملاك]

المشاركة الأصلية كتبت بواسطة AmD92

[align=center]

رأيي الشخصي : ادخلي طب وتوكلي على ربك ، زي ماقالت ملوكه مهنه شريفه ، ترفع الراس ،، يضربون لك الناس الف حساب الدكتوره جات الدكتوره راحت ،، توكلي على ربك ومافيه تخصص يقارن بالطب ،،

[/align]

يب يب كلامك اخوي احمد 100% صحيح

وانا عشت هاللحظات الحلوه كل ماجانا حد زارنا هلا بدكتورتنا الجديده<<<في 2 قبلي بالعايله يدرسون طب :d

والله شعور ولا اروع .....والشاطر اللي يتحدى الكل مثل ماقلت لك

عذرا على اللقافه ...:)

[m00na]

آميـره حآلمه
هلآ بــج غلآي
حبيت اقووولج اذا انتي تحسسين بانج ماتميلين لشئ فكـري ششوي
ورآح تلقيين على الاقل مآده وانتي تذآكرينهآ تستلطفينهآ او ترتآحين لمآ تذآكرينهآ
والله يوفقج يآالغلآ
طبعآ الطب شئ حلوو >>هالكلآم مو لآني بدرسسه
بس هو مجآل من ارقى المجآلآت الموجوده
طبعــآ بالنسسبه للبنت اللي قالت لج الطب صعب
بقووولج انو كل شئ بدون مذآكره صعــــــــــــــــــب
بس بالمذآكره والاجتهآد كل شئ يكون سسهل
ماآفيه اي كلييه او تخصص بتطنششينها ومآبتذآكرين بتكون سسهله
لآزم جد اول بآول يعني الكل كان يقول لي لمآ كنت بدخل علمي<<<انا الوحيده بالبيت دآخله علمي
مآرآح تفلحين وعلمي صعبه بس اثبت جدآرتي وتخرجت ولله الحمدالله
ادري طولت بهذرتي بس مغزى كلآمي الله الله بالجد والآجتهآد
وان ششآء بتكونين نجمه لآمعه تضيئين سسمآء التخصص اللي بتختآرينه
واذا قررتي الطب تعآلي ترآنآ ننتظرج تنورينآ بالغلآ
حيـــــــــــــــآج
تحيآتي

[ta5ayal ansak]

وانا بعد مثل راي اخوي احمد ادخلي المجال الي يعجبك انتي مو الي يعجب الناس او اهلك لان المجال الي انتي تحبينه او الي بتختارينه بدون راي الناس رايح تبدعين فيه وتخلينه افضل مجال بالدنيا

[**ليــــــــان*]

انا طالبة طب رايحة عالسنة الثالثة باذن الله

بالنسبة لي ماكان حلم طفولة نهائيا.. يمكن ما فكرت بالطب الا وانا بثانى او ثالث ثانوي

عموما انا كنت افضل مادة الاحياء على غيرها .. والحين لما درست سنتين من الطب بصراحة حبيته وتعلقت فيه اكثر وماتخيل نفسي بمجال ثاني غير الطب >> وبقولك سر .. تراني اخاف من الدم ويغمى علي احيانا منه .. بس رح اكافح ان شاء الله واتغلب على هالعقبة في سبيل تخصصي الي حبيته بعد ما جربته

الله يوفقك و تنورين كليتنا بعد سنة ان شاء الله :)