[ استفسار ] يلا علموني الصدق

[طالب الله يعيني]

المشاركة الأصلية كتبت بواسطة رنا سعود

صباحكم / مساءكم مغفره ..


في الوقت اللي بدت فيه تسجيل المقررات

طلعت لنا سالفة تسجيل الساعات ع حسب المعدل

و انك ماتقدر تاخذ ساعات كثيره لو صار معدلك نازل ووووووو حكي وش كثره

انا من الناس اللي معدلها 2.4 قولوا ماشاءالله والله مافيني للعين لاينزل زود يالله جمعته

المهم اني سجلت 18 ساعة ع حسب الخطة مع ان الموضوع اللي طلع لنا كانوا يقولون فيه

انه ماينفع اسجل إلا 15 ساعة ومع هذا ضبطت معي الـ 18 ساعه كامله

<< طيب وش تبين ؟؟

اللي ابيه ابي اعرف مدى مصداقية هالسالفة !!

و كل شخص او شخصة منكم

كم معدلة وكم سجل ساعة وهل الجامعة حذفت لأحد منكم مواد ؟؟

ولا نزلت موادكم كامله مثل ماسجلتوها

حتى انا قالولي ما تقدر الا 15 ساعه لان معدلي ماشاء الله تبارك الله اللهم لا حسد حول ال5

وقبل النظام نزلت الخطه كامله وهالمستوى عاقد العزم على رفع المعدل ليين يطق السقف

بس بصراحه بصراحه موضوعك مدري وش يبي << بينطق
يعني تقولين السالفه كلها ومشكله ونظام بعدين فجأة كل شي ضبط طيب يعني

ارتعت انا جيت ركض بحل المشكله شوفي وجهي شلون صار

[هناآي العتيبي]

أنا معدلي ضعيف ونزلت المواد كلها ونزلت لي

[سوزي~]

والله مثل حالتي ماخذيت الا 6مواد لان على قول الي في المنتدى معدلي مايسمح اخذ 18 ساعه خليت الاقتصاد الكلي والمحاسبه لترم الجاي عشان ابي ارفع المعدل ياخي الي مومتاكد من شي لايقعد يتفلسف

[reman.]

انا على بالي الساعات على المعدل بس مآقدر اغير الجدول مره انقهرت

[عبدالله الشّلاحي]

انا معدلي يقبل 18 ساعه وحطيتها كلها مع اني تمنيت احذف الإنجليزي ماراح اعديه ادري << بنتظر لين اسافر أي دوله هرجهم انقلش


المشكلة من كثر ماسمعت كنت بوهق زميل لي اوصاني اسجل له المواد

معدله تحت الــ 2

سجلت له 12 ساعه وبعد تمحيص وتدقيق قلت بجرب احط كل الساعات الـ 18

وقبل معي التسجيل، اتصلت عليه وخبرته ماصدق راح لواحد مصري وقاله عطني 50 ريال اعيدلك التسجيل

واعاد له نفس تسجيلي

يعني وكالة يقولون شغاله زي الحلاوه بالمنتدى *-*

[abozozo]

بعد السلام والتحية الطيبة


قاعدة مهمة ارجوا ان لا يغفل عنها الجميع (( التنظيم + الترتيب = المعرفة والاتقان ))

الشرح / ليس المهم في عدد الساعات وليس المهم مادة من الاخير او الاول المهم تنظيم عدد الساعات وعدم تكديس المواد بعدم الترتيب لها ومعرفة الوقت والجدوى في المذاكرة من عدمة ؟؟؟ لان كثرة عدد الساعات يعطيك ناتج ادفع زيادة يعني من جيبك والمهم هل بتعدي ام كل اشوي حامل مواد وتعيد نفس الكرة مواد ساعات فلوس في النهاية تجد نفسك امام كم هائل من المواد والساعات ويا فرحتي عن بعد (( راجع نفسك )) نزل لك خمس مواد وافلح فيها والبقية خلها ترم صيفي ودفدف نفسك الين تضبط معك صح ثم استمر وستثمر معك . :)