[ اسئلة اختبارات ] : صيغة تظلم لمادة الادارة المالية2

[washwshni]

يا عالمممم كيف ايقونه التظلمات مفتوحه عندكم !!!


انا ماقدر ارفع تظلم ايش الحل !!!!!!!

[عنان السماء]

التظلم تفتح بعد النتائج اذا كنت شاك انك ناجح ونتيجتك غلط مثلا درجات الخارطه وهكذا

الان احنا نحط ملاحظاتنا حول الاختبار انه صعب انه طويل انه معقد وهذا مو غلط

ما اقول الا حسبي الله وكفى

[Nogeta]

رفعت تظلم لو زادو لكل طالب 5 درجات تفيد المفروض نكون يد وحدا

[Fahad Alshehri]

تم رفع التظلم

[ابوباسل الحربي]

المشاركة الأصلية كتبت بواسطة walking moon

الاختبار ابدا لم يخرج عن المحتوى .. فلم التظلم؟
اذا كانت مشكلة الوقت فيجب التواصل مع الادارة برأيي

موفقين يا رب

هذا الكلام صحيح لكن لن يعجب الكثير
لايجي احد ويقول دافور ومدري وش انا شكلي جايب العيد فيها او ناجح على الحافه

لكن خلونا منطقيين اللي ذاكر من بدري هو اللي يحل بالراحه اما اللي يراجع قبلها بيوم
ويزعل من الاسئلة صعبه اكيد بتكون صعبه ماده دسمة وكلها قوانيين وش تبونها سهله
بتقولون عندنا اشغال ومسؤوليات بس كل هالاعذار ماتمشي عند الجامعه انت داخل **جامعه** مو ثانوي ليلي يراعونكم ويسهلون الاختبار

بالتظلم لاتقولوا الاسئلة صعبه قولوا الدكتور مايدري وين الله حاطه بالشرح ضعيف جدآ ولايوصل معلومه
وبشرحه صعب تفهم الماده والوقت قليل جدآ بالنسبة لعدد الاسئلة العلمية الحسابية
وانا معكم

بالتوفيق للجميع

[turki.1]

اللي يسال عن التظلم المقصود وكيف طريقته او ان الايقونه مقفله عنده ,,
اللي نقصده هي الايقونة الخاصه بتلقي ملاحظات الطلبه حول الاختبار
تدخل الخدمات الطلابيه > بعده تضغط > خدمات شؤون الاختبار > تفتح لك الصفحه وفيها ايقونات خاصه بالاختبار
اخر الصفحه عندك ايقونه اسمها > تلقي ملاحظات الطلبه حول الاختبار ))جنب ايقونة تقييم مراكز الاختبار
تدخل وتختار الماده وتكتب ملاحظاتك وترسلها ..

[talal753]

ابي ارفع بس ايقونة التظلمات مقفل

[turki.1]

هذي الصيغه حقتي اللي يبيها ينسخها ويرسلها ..

سعادة عميد التعليم الالكتروني والتعليم عن بعد
السلام عليكم ورحمة الله وبركاته..
افيدكم ان الدكتور وطريقة شرحه واسلوب طرحه للمعلومه سواء فالمحاضرات المسجله او المباشره كان ضعيف جدا واما مستوى اسئلة الاختبار فقد كان اعلى مما يقدم لنا فالشرح والطرح من الدكتور الفاضل.. بالاضافه ان الاسئلة المتعلقه بالمسائل الحساببه تحتاج في خطوات الحل والوصول للاجابه الى وقت اطول من الوقت المحدد للاختبار اضافه الى انه تم تحديد نوع (fx82)الاله الحاسبه المستخدمه فالاختبار مما يعني صعوبة ايجاد الحل بشكل سريع من الحاسبه ولابد من حل كامل الخطوات فكيف نستطيع الاجابه على الاسئلة في وقت محدد مسبقا من الجامعه ؟؟ ولكن مضمون اسئلة الاختبار يحتاج الى وقت اطول .. والاسئلة النظريه وضعت بطريقة نحويه اكثر من احتواءها على مضمون المقرر نفسه وتعمد المراوغه وتبطين الاجابه.. واخيرا ياسعادة العميد نرجو من الله ثم منكم النظر فيما ذكرنا من ملاحظات وعدم اغفالها ولكم جزيل الشكر على ماتقدمونه لابنائكم واخوانكم في التعليم الالكتروني والتعليم عن بعد سائلين المولى عز وجل ان يسدد خطاكم..

[fofo89]

تتتتتتتتتتتتتتتتتتتتتتتتتتتتتتتتتتتم الرررررررررررررررررررررررفع
الله يرفع عنه قندوووووز ويفارقنا



عمادة التعلم الالكتروني والتعليم عن بعد

السلام عليكم ورحمه الله وبركاته
يعلم الله اننا ذاكرنا هذه المادة لكن كانت الاسئلة في غاية الصعوبة وتشابه الاجوبة وضيق الوقت 50 سؤال منها 25 سؤال عمليات حسابية وكل سؤال يبغى له 4 إلى 5 دقايق على الأقل يعني 125 دقيقة أكثر من ساعتين بس على المسائل الحسابية فضلاً عن 25 سؤال نظري
ومن المعروف عنكم دائماً انصاف الحق فنرجوا من الله ثم منكم مساعدتنا نحن ابنائكم الطلاب

مع الشكر لكم عمادة التعلم الالكتروني والتعليم عن بعد
كذلك مع الشكر للدكتور/عبدالله الفريدان

[تاهت عناويني]

تم رفع التظلم