 |
|
||||||
| اجتماع 8 طلاب وطالبات المستوى الثامن التعليم عن بعد علم اجتماع جامعة الملك فيصل |
 |
|
|
أدوات الموضوع |
|
#1
2016- 9- 28
|
|||
|
|||
|
خريجة سابقة لجامعة الملك فيصل .. من قلبي لكم هالكلمات
السلام عليكم ورحمة الله وبركاته
مساكم ورد وجمال وراحة بال انا اختكم وزميلتكم ساكيولوجية أو كما هو معروف لدى اغلب زميلاتي السابقين والموجودين حاليا باسمي (ريما ) نادوني مثل ماتحبون الموضوع المهم هو أنتم انا السنة اللي فاتت كنت مكانكم واحس بكل شي تحسونه الحين ,, ماتتصورون بعد ماتخرجت وشلون اشتقت لكل شي .. اشتقت لتعليق الملتقى واصوات الدكاترة بثارة البلاك بورد والافتراضي ضغط المواد حوسة الملازم كل شي كل شي ابي انبهكم على شغلات صغيرة حيل هالشغلات انا متأكدة لو تطبقت رح تعيشون حالة من الرضا الداخلي وتعيشون سعيدين اول شي كلن يحط له هدف .. مثلا انا مارضيت اتخرج بدون هدف .. النجاح كلن يقدر ينجح لكن انا كل عمري حلمت ان جنب اسمي يكون مكتوب ( ممتاز مع مرتبة الشرف الأولى ) ورفضت اتنازل عن هالحلم لذلك .. التقدير والدرجة اللي تقررون انكم تاخذونها صدقوني بتوفيق الله رح تاخذونها كنت ابي اقول طريقتي بالمذاكرة لكن كل واحد له طريقته لذلك الطريقة اللي تريحكم سووها والكابوس الأكبر عندكم اكيد مشروع التخرج .. انا اسفة على كل لحظة حرقت اعصابي فيها بهالمشروع والله ان الموضوع اسهل مما تتوقعون اذا كانت الثقة قدامكم بالله كبيرة صدقوني تبي تمشي الأمور غلطتي اني تأثرت بكلام الغير والتخويف اللي ماله داعي وهالشي عيشني برعب كبير اني ممكن احمل المادة وبالتالي انحرم من مرتبة الشرف لذلك قررت اني اكون مع الله بكل خطوة وماخاب ظني نصيحة لكم من اخت تحبكم .. تعلمو ان تستودعون الله كل شي حتى لاخلصتي حل الواجب او تحميل مناقشة استودعوها الله ووقت رفع المشروع والميداني استودعوه الله وانسوه لأنه بحفظ الله ماتوقع في أمان اكبر من كذا حتى ايام الاختبارات لاسلمتو الورق استودعوه الله وقولو يارب استودعتك درجاتي لاتضيع تعبي ودعاء السجود فادني كثير بأني لقيت كل شي تمنيته قدامي يوم رحت الجامعة وشفت وثيقتي وجنب اسمي مكتوب ( ممتاز مع مرتبة الشرف الاولى ) انهرت من البكا رجع لي شريط الاربع سنين اللي فاتت وكل دعائي وتعبي وعرفت ان اللي يتوكل على الله مافي شي صعب قدامه ولا يخاف من شي مهما كان تمنياتي لكم بفصل دراسي ممتع حيل وكلها كم يوم وتصيرون أحلى خريجين قلبي ودعواتي معكم 
|
|
2016- 9- 28
|
#2 |
|
أكـاديـمـي
|
رد: خريجة سابقة لجامعة الملك فيصل .. من قلبي لكم هالكلمات
الله يجزاك خير ويسعدك ......يارب التيسير والتوفيق من عندك
|
|
|
|
2016- 9- 28
|
#3 |
|
أكـاديـمـي ذهـبـي
|
رد: خريجة سابقة لجامعة الملك فيصل .. من قلبي لكم هالكلمات
الله يجزاك كل خير على كلامك الجميل
وألف شكر على دعواتك الطيبة وصدقتي في كل كلامك وصراحة أكثر شي بنفقده بعد ما نتخرج بإذن الله هي الرفقة الطيبة الي رافقناهم وكنا مع بعض يد بيد من أول مستوى إلى هذا المستوى . |
|
|
|
2016- 9- 28
|
#4 |
|
أكـاديـمـي نــشـط
|
رد: خريجة سابقة لجامعة الملك فيصل .. من قلبي لكم هالكلمات
يعطيك العافيه
|
|
|
|
2016- 9- 28
|
#5 |
|
أكـاديـمـي ألـمـاسـي
|
رد: خريجة سابقة لجامعة الملك فيصل .. من قلبي لكم هالكلمات
والله الدراسة سهلة والموضوع بسيط ولكن العيب عند بعض الزملاء انه يحط هدفه هو درجة النجاح فقط يجي يسأل بعد كل اختبار كم درجة النجاح ؟.... انا ما اذاكر الا ليلة الامتحان ولله الحمد والمنة 4.81 ممتاز مع مرتبة الشرف الاولى .... اتركوا الخوف والاحباط من بعض الكلام الي يحبط ويثبط الهمم ... توكلوا على الله ولن يخيب رجاكم
|
|
|
|
2016- 9- 29
|
#6 |
|
أكـاديـمـي
|
رد: خريجة سابقة لجامعة الملك فيصل .. من قلبي لكم هالكلمات
الف مليون ترليون مبروووك ....
وفالك التوفيق ... والله لا يحرمنا من فرحه مثل فرحتك أن شاء الله .. |
|
|
|
2016- 9- 29
|
#7 |
|
أكـاديـمـي فـضـي
|
رد: خريجة سابقة لجامعة الملك فيصل .. من قلبي لكم هالكلمات
الله يوفقك يارب .. والله ما تتخيلين كيف شايله هم مشروع التخرج حتى تعبت و صحتي انهارت و انا باقي ما بدأت فيه بس الكلام عن اللي يصير في الدرجات يخوف و تجربتي مع التدريب ميداني 3 كانت صدمه اول مره من دخلت الجامعه اخذ جيد و اخاف تتكرر التجربه مع مشروع التخرج ! ياليت تعطينا فكره عن تجربتك مع الماده !
|
|
|
|
2016- 9- 29
|
#8 |
|
أكـاديـمـي فـعّـال
|
رد: خريجة سابقة لجامعة الملك فيصل .. من قلبي لكم هالكلمات
الله يوفقك ويسهلك ويسهل لك باقي دربك ونجاحاتك ..
وان شاء الله ربي يسهل وييسر دربنا وحياتنا ونجاحاتنا ..يارب ياكريم .. سؤال ما هي شروط مرتبة الشرف |
|
|
|
2016- 9- 29
|
#9 |
|
أكـاديـمـي نــشـط
|
رد: خريجة سابقة لجامعة الملك فيصل .. من قلبي لكم هالكلمات
جزاك الله خير على دعمك لنا والله يوفقك
|
|
|
|
2016- 9- 30
|
#10 |
|
متميزة بعلم إجتماع - المستوى الثالث
|
رد: خريجة سابقة لجامعة الملك فيصل .. من قلبي لكم هالكلمات
الله ينور دربك ويسعدك .. الف شكر ع
الكلمات الجميلة .. ورفع المعنويات الله ييسر امرك ويحقق مُناك ..... |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ جامعة فيصل ] : متى موعد التسجيل لجامعة الملك فيصل انتساب!! | لطوفة عبدالرحمن | منتدى ماقبل الجامعه والاستفسارات الأكاديمية العامة للطلاب المنتظمين | 3 | 2016- 7- 12 02:28 AM |
