[ اسئلة اختبارات ] : انطباعكم عن اختبار نظم المعلومات الاداريه

[مشعل آل ناجي]

سلام ...

اولا : الله يسعدك يا ام جهاد وام حنان وكمان احمد العبدالله وجميع من ساهم في تلخيص وتبويب هالمادة المعقدة..


ثانيا : الاختبار ورب البيت مو سهل لو لا رحمة الله ثم تبويب ام جهاد الله يسعدها والا الحين الدكتور من عداد المفقودين من كثر الدعاوي..

ثالثا: انا جاي الاختبار ومتفاؤل وقامط ام العافيه ماذاكرت الا قراءة فقط وربي من الله مالي خاطر اذاكرها قريت تبويب ام جهاد بس .. دخلت القاعة من بدري مافيه احد رحت اخر واحد في الصف قلت بازبن الجوال وعمري بمكان استراتيجي..

الوكاد خش المرراقب النحس وعطاني نظرة خير قاعد هنا ما وريت اني مهتم له بديت اعبي معلوماتي لان ورقة الاجابة موجوده .. فماعاد يمديه يقول غير مكانك.. لكن هنا المفاجئة سبحان الله اللي خاش ونيته فساد يطيح بشر عمله طلع المكان اللي جنبي فاضي وجا يجلس فيه والله وكيلكم اني احوص افحط اقحص ع الكرسي ما قام وان قام عينيه ما تفارقني ..


حليت وربي يستر ويجملنا وفالكم التوفيق..


تحياتي .. والعوض مع الصعيدي في اساسيات المحاسبة..

[ابوريتان]

اختبار صعب جداً وكثير من الاجوبه متشابهه بقدر كبير جداً ، مما يشتت الطالب عن الاجابه الصحيحه

[عايش وحيد]

المشاركة الأصلية كتبت بواسطة smoooy_

اهلًاااااااا أهلا بالعيد ؛
انا دائماً متفائل بنموذج c لكن الله يحرق المراقب اللي غير مكاني قال إِيش قال علشان يكتمل الصف صفك جني ياضروس ؛
الزبدة حسبي الله وكفى ؛
لازلت عند قراري ابشتكيه للجنة الانضباط

يغير مكانك أوك .. لكن النموذج ماله علاقة على حسب علمي

أنا قبل أختبر ألاقي أسمي معلق في الحيطة .. ومسجل النموذج اللي راح أستلمه A أو B أو C

[ابو مشعل 99]

ماقصر الاسئلة سهلة

[ألفا]

الاسئله واااااااحده يااا ناس افهمووووو

النموذج يتغير ترتيب الاسئله فقط

علشان ما تغش من احد وتلقط اجابات

[ميمآ العريني]

من لايشكر الناس لايشكر الله
بعد الله تبويب ام جهاد وام حنان له الفضل الكبير في تسهيل المذاكره
ومراجعتكم هنا ايضا لها فائدة وللاسف ماكنت معكم دائما المراجعة مع المجموعة تثبيت للمعلومات عموماً الاسئلة جميله ما اعتقد في احد بيحمل الماده الا اللي مافتح ولا ذاكر الماده الا قبلها بيوم او يومين مبرووك النجاح بالمواد السابقه وعقبال الجايات يااااارب .. بالتوفيق للجميييع

[السنيوره 2015]

المشاركة الأصلية كتبت بواسطة nawaf.a.m

الاختبار جدا جميل وسهل

الله يعطيه العافيه ويجزاه خير

ويعطيها العافيه ام جاهد وام حصة على الملخص الجميل لأسئلة الاعوام


بالتوفيق للجميع

مين ام جاهد وام حصه ؟ مامر علي ملخص كدا اسمه تأكد أخوي لايكون جايب العيد بالاختبار

[هلا 11]

الله يستر يخربط

[مشعل آل ناجي]

المشاركة الأصلية كتبت بواسطة السنيوره 2015

مين ام جاهد وام حصه ؟ مامر علي ملخص كدا اسمه تأكد أخوي لايكون جايب العيد بالاختبار

ههههههههههههههههههههههه

قد حصلت .. ولا يتاكد ولا هم يحزنون الله يجبر بخاطره بس لو كان فيه ملخص ام حصه

[smoooy_]

المشاركة الأصلية كتبت بواسطة عايش وحيد

يغير مكانك أوك .. لكن النموذج ماله علاقة على حسب علمي

أنا قبل أختبر ألاقي أسمي معلق في الحيطة .. ومسجل النموذج اللي راح أستلمه A أو B أو C

والله هذا اللي صار ياخوك؛
لي سنه ونصف وانا مااختبر الا بنموذج c ؛
لكن لي رب [emoji17]

من جهازي SM-G925I بواسطة تطبيق ملتقى فيصل