[ تجمع ] : بعد اختبار العقيدة الليله أنا لاأثق بالجامعة ودكاترة الفريدان حسبي الله عليهم نصيحتي لكم ياطلاب الانتساب خذوها مني

[shosha9]

المشاركة الأصلية كتبت بواسطة فيصل14

اتمنى من ادارة المنتدى موقف ضدك بعد كل اختبار تأجيج الطلاب ودعاوي واسلوب للاسف غير حضاري ... انا للامانه ماذاكرت الماده بس كوزات وقراءه قبل الاختبار وكان سهل علي كيف تقول صعب معناتها ماذاكرت ابد ولا فتحت شي عموما بطل اسلوب الصياح ذا

من جد غثنا واخر شي بيطلع ناجح بكل المواد
بس هوايه عنده السب بالدكاتره هو

[AL KAID]

الدفعه هذي فشلتنا اي شيء تظلم!!
دايم اذاكر المحتوى ولا اعتمد على الملخصات بس المره هذي ذاكرت الأسئله فقط إلي في المحاضرات المباشره واسئلة الاعوام السابقه وبنسبة 90℅ كانت الأسئله منها.
الاختبار كان سهل جداً لي وانا ما ذاكرت
ليش كل يوم ادخل المنتدى القى نفس الكلام تظلم والاسئله صعبه والخلل منكم
شدوا حيلكم وذاكروا شوي بس وبتحلون بكل سهوله.

[صالح أبو عايض]

المشاركة الأصلية كتبت بواسطة نورا ..

يالله انا اشك انكم اصلا فتحتوا اسئله الاعوام
والله لو مو محدد الدكتور كان اكلنا هوا ماده دسممممه وكلام في كلام
لكن اسئله الاعوام وخلاص والاغلب جا منها سؤالين ثلاث يمكككن بعد من برا
ولكن مع احترامي للجميع تبونها بارده مبرده - احترموا كونكم طلبه جامعيين -

نفسي اسألك كم سؤال التخصص وش هو عقيده ولا ادراه ؟؟؟ وأسألك بالله وش الفايده من كثرة الاسئله عن البهائيه والقاديانيه وهل هم اهم من الخوارج مثلآ في وقتنا ؟ وهل اذا تخرجتي بيقول الشخص انا جامعي ودرست البهائيه والبابيه لعنهم الله ؟؟
واذا انتي او غيرك يعتمد على اسئلة العوام ترى مو كل الناس يعتمدون عليها وفيه يكون بعلمك من اعتمد على الاسئله وفتحها ووو وجاب العيد يعني ماهو مقياس اسئلة الاعوام السابقه
ومن قال نبي بارده مبرده لكن التخصص مو عقيده ومذاهب معاصره لكن وين العقيده في الاختبار مرور الكرام عليها وكل اسئلته عن المذاهب وووو
واتمنى الكل يحترم عقول الناس ولايستهين بخلق الله يعني اذاكر اسئلة الاعوام واخلي المنهج كله ؟؟؟ وعلى فكره البعض يتكلم مو شرط انه ماراح ينجح بس كان البعض يطمح في a+ بلس اذا ماجبناها في مواد مثل هذه متى نجيبها مثلا ؟ وهل بالله شرح شي الدكتور ولا يقرأ قراية جريده ومهون علينا كل شي وان الاختبار سهل وذي عقيده والمذاهب بس مرور الكرام عليها ووو
الي حال زين وجالس كل السنه وقبل الاختبار اخذ الاختبارات السابقه وحفظها لايجي يتفلسف هنا رجااااء حنا في موضوع ان الدكتور مسهل كل شي علينا على كلامه وان ترك فووووق ٨ محاضرات ماجاب منها الا كم سؤال وهي اساس العقيده وهي الي بتفيدنا في حياتنا وتخصصنا مو عقيده ومذاهب تراها ماده للثقافه فقط لكن الي يحط المنهج مدري كيف هو بصراحه وايش مخه

[om rahaf]

المشاركة الأصلية كتبت بواسطة محمد1445

ياشباب انتو تبغين الدكتور يأخذ رأيكم في الاسئله انا اشوف الاسئله ممتازة متنوعه واذا ركز ع المحاضرات الأخيرة أعتقد أنه شي يرجع للدكتور وبالعكس انا اشوف أنها ممتازة وليست غلطه الدكتور أنكم ماذاكرت إلا في اللحظه الأخيرة أتمنى الواحد يسأل نفسه ويجب بكل صراحه هل أعطى المادة حقها والا لا

[عبدالله ابوهاجر]

قدر الله وماشاء فعل الي يبقي النجاح والتفوق يتوكل على الله ويذاكر صح ونصيحتي لنفسي ثم لاخواني واخواتي الطلاب انهم يبعدون عن الألفاظ الي مالها. داعي بحق الدكاترة لأنهم اساتذة أفاضل

[luay_a]

المشاركة الأصلية كتبت بواسطة فهد التميمـي

متعودين من المستوى الاول من ahmed alkood كل بعد أختبار لازم موضوع تذمر

وأخر شي ناجح هههههههههههههههههه

ههههههههههههههههههه والله انك صادق

الله يوفقه ويوفقنا جميعاً

[منوليتاا]

المشاركة الأصلية كتبت بواسطة ABO-wleeed

الاخوه الكرام

حرام بالله منتم بصاحيين وراح تخربون علينا في المستويات الجايه ماهو منطق بعد كل اختبار شكاوي وتذمر ولو وصل الموضوع هذا للعماده رح يتغير اسلوب الجامعه في الاسئله وراح تكون اسئله صعبه جدا جدا ولا فيها اي سؤال من الاعوام السابقه لذلك نرجو منكم عدم التحلطم الزايد عشان ماتخربون على انفسكم وعلى غيركم شوفو جامعة الدمام وغيرها يطالبونهم بكتب خارج المحتوى ويجي منها اسئله لذا تعوذو من ابليس وفكونا من الهرج اللي ماله داعي

وتقبلوا فائق احترامي

والله انك صااااااااادق وربي بيفتحون علينا ابواب ماتنصك وياخوفي بدالي مايصير الاجوبه موضوعيه تصير مقاليه وتعالو ورونا شطارتكم يا اهل التظلم



Sent from my iPhone using ملتقى فيصل

[ياسر موسى]

الله يوفق الدكتور ويفرج همه ويخليله عياله وذريته
الصراحة الاسئله كانت سهله وسلسه
وكانت واضحه جدا جدا
مع اني ما ذكرت الا قبل الاختبار بيوم واحد

[Mr.DaMMas]

الاسئلة والله سهله وانا عن نفسي والله ما ذاكرتها غير اليوم الصباح الى وقت الاختبار . قراءه على السريع .

بطلوا شغل التظلمات هذي . الاسئلة سهله ولا يوجد فيها صعوبه .

اللي يتظلم اتمنى يعيد النظر في وضعه وطريقة دراسته .

[ال11]

بالنسبه لي اشوف الاسئله سهله وصعبه بنفس الوقت
صعبه لانه ركز باسئلته على القاديانيه واللي ماركز زين اكيد بيلخبط ويشك