[ استفسار ] بصراحة انا مللت و تعبت من الجامعة

[noof.]

باقي لك ترم وترا الرزق على الله تعوذ من ابليس وكمل و الله يفتح لك أبواب رزقه ان شالله و اذا كان على قولتك الشهادة ماراح تفيد خذها و حطها بالدرج بيجي لها يوم كل شي بوقته حلو لا تستعجل و أستخير ربك و اذا كانت الشهادة ماراح تنفعك ماراح تضرك و ادع ربي في كل سجدة ان يفتح لك أبواب رزقه و الترقية ان شالله تجيك بمجهودك الله يسهل أمرك يـــارب

[أم حاتم البلادي]

انتم غريبين ي رجال اقسم بلله انا طالبه حالتي الماديه الحمدلله ميسوره ومتزوجه وعندي عيال ويدرسون بعد وانا ادرس وزوجي مايقصر الحمدلله واقف معايا لاكن كل يوم ارتب واكنس وامس واطبخ واربي واذاكر للعيال ومااقصر فبيتي ابد واختبر خارج المكان الي انا ساكنه فيه وفوق ذا كله ماشفت الي انتم تشوفونه صعوبه هو على مبداء ذاكرت كويس ركزت فكل ورقه فلحتوى راح تعدي وبمتياز بعد اخر مستوى لي كنت حامل والحمدلله تميت اختبارات والترم الي بعده كنت نفاس والحمدلله تميت احتباراتي الحمدلله والحين انتظر نتايج هلمستوى واتخرج ي رب لك الحمد ربي يفرحني ويفرحكم بنجاحكم

مو عذر الدوام ولا قصد الجامعه الانسان اذا يبغى شي اخذه مااستى احد وياحذه لو ففم الاسد
فنهايه كل مين وطموحه واجتهاده وارادته
ودعوى من الوالدين ورضى رب العباد قبل كل شي


Sent from my iPhone using ملتقى فيصل

[ميدو القحطاني70]

عزيزي الغالي .... كلامك دليل احباطك من ناس حاسدينك ولا يبون لك الخير... والكلام الصح اللي قالولك اياه الاخوان والاخوات هنا وهذولا اللي يبون لك الخير..
بس بقولك شي الحكومة متجهه إلى خصخصة كثير من الوزارات، والشهادة هذي راح يكون لها دور كبير في تحسين اوضاع كثير من موظفي القطاع العام إذا تمت الخصخصة..
لذلك القرارات الاخيرة اللي تقولها المفروض تكون دافع لك أنك تواصل دراستك..
ومن ناحة صعوبة الاختبارات للمقررات اللي ذكرتها بصراحة الاختبارات كانت سهلة وواضحة إلى درجة 80 في الميه للي مذاكرته اقل من النص والبعض بالغ في بعض الامور من ناحية صعوبة الاختبار، وانطباع الدفعة اللي قبلنا كان افضل من دفعتنا يعني الدكتور احيانا يصعب واحيانا يسهل واتوقع سياسة من ادارة الجامعة وكمان مرينا باختبارات ومواد اصعب بكثير من هذي وعديناها ولله الحمد... ولكن الأكيد لو تخصص من وقتك نص ساعة يوميا للمذاكرة من بداية الفصل راح تتفوق وراح تكون عادة لك في المستقبل انك تخصص من وقت اكثر من النص ساعة للعلم.. وبعدين المعلومات اللي حصلنا عليها في الجامعة قيمة جدا وعن نفسي كموظف قطاع خاص فادتني كثير كثير في مجال العمل وراح تفيدني إذا وفقني الله وبدات بالعمل الحر...
اصنع ذاتك بالعلم وحصن نفسك بالشهادة واصدق النية وخل استراتيجيتك الصبر والتوكل على الله لبلوغ الهدف .. وستجد الخير بإذن الله.

[rezaiza]

2- انا موظف ولا عندي اجازة اختيارات و اضطر اطلع من الدوام الى الاختبار

غير صحيح كلامك
النظام يعطيك حق الاجازة في يوم الاختبار سوا في نظام الخدمة المدنية او نظام العمل
كل ماعليك هو تقديم جدول الاختبارات الى مديرك وتشعره بنك لن تحضر يوم الاختبار
ولا يقدر يعترض

[ابو العوضي]

اشكر لكم نصائحكم الطيبة
و هناك اجازة طويلة قد تكون فترة أراجع فيها القرار
و أكرر لكم تفاعلكم

و ابارك لمن تخرجوا و الله يوفقهم و يسعدهم

[Ali-Ahmed]

اخلع القبعة السوداء

وارتدي القبعة الصفراء وكُن متفاءل

هذا اللي تعلمناه في الاداره

طبقه الآن 🙂

[chicago]

انت ماكلفت على عمرك اخوي وكتبت الا فيه شي محسفك على تركت الجامعه

والصادق اللي يبي ينصحك يقولك واصل

مستوى سابع لو تاخذ اجازات من رصيدك باقيلك ترم بس

واذا عالماده لو تتسلف ولا تنسحب حرام عالاقل جهدك وتعبك اللي راح

انا ما اعرفك لكن والله اني لك ناصح اذا لابد اجل ترم بالكثير لكن ارجع وخذ الشهاده

ارضاء لنفسك قبل الغير

وان شالله نشوفك خريج وتتذكر كلامك هذا انه ماضي سلبي وراح

بالتوفيق

[M7amad]

المشاركة الأصلية كتبت بواسطة ali-ahmed

اخلع القبعة السوداء

وارتدي القبعة الصفراء وكُن متفاءل

هذا اللي تعلمناه في الاداره

طبقه الآن 🙂

عفوا اخوي بس ليه قبعه صفرا لييش ماهي بيضا

[رجل أكاديمي]

ماتضمن وش راح يصير في رؤية 2030، التوجه نحو الخصخصة وممكن تجد نفسك بقدرة قادر موظف قطاع خاص ومطلوب شهادة جامعية.

نصيحة أخ محب لاتضيع جهد سنوات عشان لحظات احباط. ماتدري يمكن ربي يكتب لك بهالشهادة فرصة افضل وتفيدك. أقلها ياخي قدام اولادك تصير لهم مثال يحتذى ورجل جامعي وعندك شهادة جامعية.

[خالد333]

اولا قال صلى الله عليه وسلم: (من خرج في طلب العلم كان في سبيل الله حتى يرجع) فأوصيك ونفسي واخواني بإحتساب الاجر لاحرمنا الله واياكم ذلك

ثانيا انت لم يتبقى لك الا ترم واحد وتكون من حملة البكالوريس بإذن الله وهذا شي لا يستهان به في حياتك العمليه والاجتماعيه حتى لاولادك او احفادك لما يقولون ان والدنا يحمل درجة البكالوريس فانت فخر لهم ولنفسك ولاهلك

ارجوا ان اعيد تستعيذ من الشيطان الرجيم وان تعاود المسير والله اسأل ان يعيينا واياك ويوفقنا لما يحبه ويرضاه