[ تجمع ] : انطباعكم عن المستوى الثاني لعل فيه فائدة للدفعة القادمة بمشيئة الله

[بيتك هنآ]

السلام عليكم ورحمة الله وبركاته
اتمنى ان الجميع يكونوا بخير وصحه سلامه ان شاء الله
ان شاء الله هذا الموضوع يكون فيه اضافة للدفعة القادمة كما هو العرف في هذا المنتدى في جميع المستويات ان كل دفعه تكتب انطباعاتها في موضوع موحد قد يكون هناك فائدة مرجوة من خلاله للقادمين بمشيئة الله واتمنى كل شخص يكتب رايه ووجهة نظره عن كل مادة اخذها وبغض النظر عن راي الاخرين بمعنى لو شخص قبلك مدح المادة او ذمها لازم نحترم رايه مهما كان لان الناس مخلتفين عن بعض.

بالنسبة لي اخذت 6 مواد في هالمستوى ( اثنين من المستوى الثامن اللي هي ادارة الجودة وقضايا ثقافية معاصرة) والباقي تبع المستوى الثاني، المادتين الاسلامية ما نزلتها لانه طلبت عليها معادلة اما بالنسبة لصحه ولياقة قررت اني اخليها ترم اخر علشان يكون الجدول اللي نزلته مرتب ومريح نوعا ما، يتكلم عن راي في المواد اللي اخذتها:-

1- قضايا ثقافية معاصرة ( مستوي ثامن) المادة سهلة وحفظ كلها ومعلوماتها ممتعه الى حد ما ولا انصح احد يتابع المحاضرات المسجلة لان الدكتور مجرد قارئ للمحتوى لان المحتوى بطبيعة الحال مايحتاج شروحات وغيره يعني من وجهة نظري اللي بياخذها يختصر على نفسه الوقت ولايتابع المحاضرات المسجلة يقراها بنفسه من الملخص والتبويبات الموجودة مع انه كان لي عتب على طريقة وضع الاسئلة خصوصا كم سؤال الدكتور تفلسف فيه بطريقة زائدة عن اللزوم صحيح انه حلو تميز اللي مذاكر صح او لا بس مو بهالطريقة اللي جات بالاختبار يعني بوجهة نظري المفروض اقل شخص ياخذ في هالمادة a او b+ بالقليل لكن للاسف اتوقع في ناس اخذوا C لان الاسئلة المفروض خصوصا لهالمنهج تكون مباشرة مايحتاج له لف ودوران.

2- المحاسبة 2 ههه احتاج موضوع كامل عن هالمادة لحاله صراحه امممم مشكلة هالمادة انها مرتبطة الى حد كبير في المحاسبة 1 بمعنى انه اذا ماكنت فاهم محاسبة 1 راح تعاني مع محاسبة 2 اضف على ذلك الدكتور مع كامل الاحترام له والتقدير لكن شرحه واسلوبه ممل الى حد ما يعني حاولت اصبر نفسي اشوف المحاضرات المسجلة لكن للاسف ما اكمل عشر دقايق واتثاوب وارقد واسحب عليها هههه جد حتى لو ماعندك نوم يجيك نوم غصب طبعا الدكتور كان يشرح على اساس انك فاهم محاسبة 1
طبعا لكن بعد الله اللي فزع لي موضوع كان كاتبه شخص الله يجزاه خير والجميع اسم الشخص طموح شايب والموضوع اسمه "قفزات ارنب" لتسهيل محاسبة 2 جدا جدا جدا اشكره على هالموضوع طبعا فكرة الموضوع انه يعطيك مثل ماتقول تنبيهات بمعنى انه اذا جاتك كذا تختار هالاجابة واذا شفت كذا تختار هالاجابة وعلى هالحال <<< اتمنى اكون عرفت اوصل وفهمتوا مقصدي طبعا الدكتور جزاه الله خير في اسئلة كررها من التبويبات السابقه واغلب اسئلته كانت صريحه وواضحه يعني اقولها لكم صراحة وليس تخويف هالمادة احبطتني بشكل كبيرررر وجاني اكتئاب ههههه منها لاني يوم جيت اذاكرها قبل الاختبار بثلاث ايام للاسف كاني جالس اتعلم اللغة الصينيه فعلا كانت طلاسم بالنسبة لي حاول افتح المحاضرات المسجلة او اشوف دكتور ثاني في اليوتيوب يشرح هالمادة لكن المخ كان خارج الخدمه ههههه كرهت هالمادة لكن اللي هونها علي وخلاني اتقبلها خصوصا اخر يوم قبل الاختبار هو " قفزات الارنب" وتبويبات الاعوام السابقة لام جهاد الله يجزاها خير لا اخفيكم سرا ان هالمادة كنت راح اسحب ع الجامعه بسببها لكن يوم عديتها الحمدلله وحسبت درجتي طلعت B وكنت اقول ابغى c بس وانا راضي طبعا انا داخل هالجامعه وتهمني كل درجة لاني طموحي اجيب معدل عالي ولا اشوف دراستي مالها داعي طبعا هذا تفكيري انا طبعا للامانه بعد ماطلعت من الاختبار وحسبت درجتي مررة انبسطت وعطتني دافع قوي في باقي الاختبارات وارجع واقول اللي ينطبق علي مو شرط ينطبق عليك واللي صعب عندي قد يكون سهل لك واتمنى مايكون راي يخوف اي شخص لكن حاولوا تجتهدوا من البداية اللي حاب يجيب معدل حلو فيها اما اللي يبغى يعدي بأي درجة تكفيه ثلاث ايام قبل الاختبار استعداد يكون مكثف... واخيرا خلصت نص كلامي عن هالمادة والباقي بخليه لي لاني ناسيه.

3- الاقتصاد الكلي للامانه انا اشوفه اسهل بكثير مقارنة بالاقتصاد الجزئي واسئلة الدكتور كانت من وجهة نظري اغلبها مباشرة وفيه كم سؤال حطه للناس الفاهمة بالنسبة لمذاكرتي لها لم اعتمد شرح الدكتور لاني مافهم على شرحه طبعا المادة فيها نظري وفيها مسائل وكان هالاختبار اغلبه نظري وبالنسبة لي ولله الحمد لعبتي النظري يعني ولد حق حفظ هههه اما اختباره السنه اللي فاتت اذا ماني غلطان كان اغلبه مسائل فتصانيف انت وحظك بالعموم مثل ماقلت اسهل من اختها في الاقتصاد الجزئي استعدادي لها كان من محتوى المحاضرات الاربعة عشر طبعا مريت عليها وحده وحده وحاولت افهم واحفظ اللي اقدر عليه والباقي من الملخصات وتبويب الاعوام السابقة والحمدلله حسبت درجتي تقريبا a+ طبعا انا اذكر درجاتي ليس تباهي اني شاطر او فالح او غيره لا طبعا بس ابغى اوضح شغله انه كل شخص يختلف عن الثاني يعني فيه ناس تضايقوا كثير من الماده هذه او غيرها وقد يكونوا على صواب وانا ماني جاي اقيم احد او شخص في هالموضوع او اصادر اي رأى تم طرحه سابقا لكن الناس يختلفوون ركزوا عليها انا من الناس اللي كانت ممتعه لي هالماده وشفت اختبارها جدا سهل.

4-الانقلش ماراح اسهب في كتابتي عنه ولا اقدر احكم عليه لان كثير من تعاملاتي في الدوام باللغة الانقليزية فشفت الاختبار بالنسبة لي كان سهل وواضح ولله الحمد ومع ذلك ماخليت هالمادة وذاكرت كل محاضراتها لاني كنت ابغى اعرف ايش القواعد والمفردات اللي مطلوبة مننا في هالمنهج فاخدت فيه مذاكرة تقريبا 3 ساعات قبل الاختبار بيوم.

5- تقنية المعلومات 1 صراحه مادة كانت دسمه وغثيثه بالنسبة لي معلوماتها كثيره واللي زادها غثاثة ان الدكتور الله يهديه جاب تقريبا المنهج كامل يعني اللي تتوقعه واللي ماتتوقعه ممكن يجيك بالاختبار مع انه المفروض انها ماده تكون ممتعه ويكون اختبارها رؤوس اقلام وهكذا لكن الدكتور صراحه انا اقول ماكان ناقص الا يحط سؤال ويكتب فيه المحاضرة رقم12 ايش كان موضوعها يعني ،، المادة تقريبا كانت مقسمه محاضراتها بين 3 اجزاء الخمس المحاضرات الاولى كانت عن شبكات ومعولمات تقنية بحته ومفيده وممتعه والجزء الثاني من محارضه 6 و7 و8 كان تقريبا يتكلم عن اخلاقيات الحاسب واثاره على حايتنا اليوميه ومن هالكلام يعني نظري بحت وممكن تاخذ فيه نظره عالسريع بالنسبه لهالمحاضرات مع ذلك ماقصر جاب منها اسئلة مو قليله ، اما الجزء الاخير كان من محاضره 9 الى 14 مقسم بين برنامج word و Excel وايضا وكان تقريبا عملي بمعنى يقولك لو ضغطت الايقونه الفلانيه في برنامج الوورد ايش راح يصير وايضا مثلا لو بغينا نضيف عمود في اكسيل ع اليمين ايش نسوي ويحط عليهم خيارات وجاب من هالجزء اسئلة مايقارب خمس اسئلة ان لم تخونني الذاكره لكن النصيب الاكبر من اسئلة الاختبار كان من الجزء الاول.

6- ادارة الجودة ( مستوي ثامن ) انا انصح اللي يفكر ياخذها هالمادة يتاكد من دكتورها اذا هو نفسه اللي درسنا هالتم فما انصحه انه ياخذها وافضل له يخليها زي ماهي هههه طبعا بقول وجهة نظري ومع العلم اني جايب فيها تقريبا a وكنت اصلا ماطمح لغيرها من كثر ماهي دسمه معلوماتها طبعا ماده نظريه وحفظظظظظظ بمعنى الكلمه واللي اخس من كذا ان هالدكتور للاسف مع اني ماحب انتقد شخص بذاته لكن بكل صراحه انه شخص معقد ونفسيه من اسئلته وتحسه زي اللي يقول ( فيك خير جيب 100) طبعا الماده اغلبها مراحل يعني تقريبا كل محاضره من الاربع عشر محاضرة فيها مايقارب 3 الى 4 مواضيع كلها مراحل يعني شوف كم المواضيع اللي فيها مراحل يعني معلومات وحفظ مره كثيرر والمشكله اختبارها اخر اختبار يعني اصلا انت طاقته تتناقص تدريجيا
نقطة خلافي مع الدكتور مو كل اللي ذكرته فوق ، نقطة خلافي معه واللي اشوف مالها اي داعي ولا اي مبرر ولو انك انت مالف هالماده مو من المنطق تبغاني احفظ المراحل بالترتيب بمعنى انا بالقوة ويالله اني احفظ اغلبها تجي تقولي ابغاك تحفظها بالترتيب يعني يجي يقولك على سبيل المثال ماهي المرحله الرابعه من موضوع فلاني والموضوع الفلاني هذا فيه مايقارب سبع مراحل وللاسف في الخيارات يجيب لك كل المراحل صح وكلها ترتيبها قريب من بعض لكنه يبغى المرحله الرابعه يعني يجيب لك في الخيارات المرحله الثانيه والثالثه والرابعه والخامسه ويقولك فييين الرابعه ياحبيييب البي واكثر من سؤال طلب في المراحل بالاسم سواء نفس اللي المثال او يقلب السؤال للامانه ودي اقوله وش تحس فيييه ياحبيبي وانت حاط مثل هالاسئلة وتطلب مننا نحفظ جميع مراحل المنهج بالترتيب انا اقول لو يغيرون هالمنهج ويسمونه ادارة المراحل اذا كان هالدكتور هو اللي بيدرس المنهج على طول ماقول الا الله لايوليه على مسلم صراحه غبني في طلبه بحفظ الترتيب وهي ماده اصلا معلوماتها كثيره وليست صعبه لكن يبغى لها حفظ ويجي اخونا في الله ويقول ابغاككم تحفظونها بالترتيب كان ماعندنا شغله الا هالمادة وحياتنا كلها فاضيه وخاليه من اي شي وقال خلني اشغلهم شوي ههههه اسف ع التعليق لكن شي بالخاطر.

بالنهاية احب اقولكم اني ولا ماده ذاكرتها من دكتورها الاساسي او غيره بمعنى اني ماتابعت اي محاضره مسجله والحمدلله سالكه معي الامور مدري هي طناخه ولا ايش ههههه الماده الوحيدة اللي شفت 90 في الميه من محاضراتها كانت رياضيات المستوى الاول وكانت لمدرس مو هو اللي كان يدرس المنهج واحد من اليوتيوب.. بالنهاية اسف ع الاطالة واتمنى يكون فيه فايده هالموضوع مع اني كثرت كتابه فيه وياليت الباقين يكتبون رايهم اريحيه عن المستوى علشان غيرنا يستفيد مثل ماحنا جالسين نشوف مثلا الانطباعات عن مستوى 3 نبغى غيرنا يشوف الانطباعات عن مستوى 2 اخيرا وليس اخرا لكل مجتهد نصييييب اجتهدوا الله يوفقكم خلوا المواد الدسمه محفز لكم وتحدي انكم تتجاوزونها بشي يرضيكم واكيد اغلبنا مشغول في حياته الاسريه والعمليه لكن لازم نخصص وقت وجهد توكلوا على الله ومافي شي يجي بالسهل لابد في مواقف وفيه مواد تقفلها بوجهك وتكرهكم بالدراسه مثل ماصار معي لكن الحمد لله كانت خيره لي وشلت فكرة اني اسحب من الجامعه نهائيا ف الحمدلله الواحد يتعلم في الحياة هذه.

آسف اني طولت لكن حبيت افضفض قليلا.

دمتم برعاية الله.

[meso33]

المستوى الثاني اسهل من المستوى الاول
الحمدلله التبويبات ساعدتني كثير وضروري تقرون الملخصات لان تجي معلومات لو كم سؤال منها
الاقتصاد الكلي أسهل من الاقتصاد الجزئي بكثيير
اما محاسبه 1 حسيتها اسهل واوضح من محاسبه 2
ومواد الدين كانت جداً سهله للي يذاكرها تمام
تقنية المعلومات كلها من اسئلة الاعوام السايقه تبويب سومي الله يسعدها
عموماً على انه اكثر من مواد مستوى اول الا اني شفته سهل بعيد عن الانقليزي اللي جبت فيه العيد
ويديكم العافيه

[omalwaleed]

بالنسبه لي كان اسهل من المستوى الاول بكثيييير ولله الحمد..بالتوفيق


Sent from my iPhone using ملتقى فيصل

[KFU0]

بالنسبة لي المستوى الثاني أسهل من الأول لأني أكتسب الخبرة في طريقة المذاكرة وطريقة الأسئلة
الأخلاق الإسلامية وأداب المهنة ومادة العقيدة الإسلامية والمذاهب المعاصرة : مواد سهلة وسلسلة تحتاج فقط متابعة المحاضرات مع التبويب
الصحة واللياقة المادة دسمة ،نظري على شوية عملي وأعتقد الدكتور ما قصر أسئلته كانت سهلة
اللغة الإنجليزية : يعتبر منهج أساسي مثل منهج المتوسط لكن الدكتور عقد في الأسئلة بعض الشيء
الإقتصاد الكلي : أسهل من الجزئي بكثير والمادة جداً ممتعة تحتاج للمتابعة أول بأول والدكتور حقيقة كان رائع وأسلوبه شيق
المحاسبة 2 : الدكتور معتمد إننا فاهمين محاسبة 1 ويتجاوز الشرح وفعلاً أسلوبه لا يتناسب مع أهمية المادة ويفتقد لشد انتباه الطالب أثناء الشرح
تقنية المعلومات 1 : معلومات مفيدة في الحياة الشخصية والعملية ومحاضرات وورد وأكسل سهلة لو كانت تطبيقيه أما من الناحية النظرية الأمر أصعب

بالتوفيق للدفعة القادمة شدوا حيلكم ونصيحتي لكم شاهدوا المحاضرات وراجعوا الملخص والتبويب

[Sultan ahmed]

مثل ما ذكروا الاخوان المستوى هذا اسهل من المستوى الاول والسبب اننا عرفنا شلون نذاكر
وعرفنا شلون ناخذ درجات اكثر بمجهود اقل ، والتركيز على بعض المواضيع المهمه

الصعوبة واجهتنا في مادتين الانجليزي وهذا على حسب مستواك في اللغة
ومادة المحاسبة 2 لانها في بعض محاضراتها اعتمدت على محاسبة 1 لذلك انصح
الطلاب القادمين للمستوى الثاني انهم يراجعوا بعض المواضيع اللي في محاسبة 1
والمتعلقه في محاسبة 2 ..


مجملا كان مستوى جميل ..

شكرا لكافة الاعضاء والمشرفين على دعمهم وجهدهم معنا

ورمضان كريم :)

[ALMASHNAWI]

بالنسبة لي المستوى الثاني أسهل من الأول لأني أكتسب الخبرة في طريقة المذاكرة وطريقة الأسئلة
الأخلاق الإسلامية ومادة العقيدة الإسلامية : مواد سهلة وسلسلة تحتاج للحفظ مع التبويب اللي ساعدني كثير
الصحة واللياقة مادة شيقه واغلب معلوماتها معروفه للجميع .
اللغة الإنجليزية : عباره عن اساسيات اللغه من فعل مضارع بسيط ومضارع مستمر على حروف الجر وتعريف الاسماء .
الإقتصاد الكلي : أسهل من الاقتصاد الجزئي بكثير والمادة تعتمد على الفهم وشويت حسابات .
المحاسبة 2 : تعتمد على محاسبه ١ والدكتور أسلوبه لا يتناسب مع أهمية المادة لا من ناحية الشرح ولا من ناحية تحفيز الطلبه للانتباه وخيارات الاجابه في الاختبار متشابهه ويبغى لها تفكيك رموز بأختصار انصح متابعة محاضرات دكتور سعودي كان يدرسها قبل السوداني ممتاز في شرحه للاسف اني نسيت اسمه ولكن تحصله في اليوتيوب .
تقنية المعلومات 1 : معلومات مفيدة في الحياة الشخصية والعملية و أغلب المعلومات معروفه بالنسبه لمن يستخدم الحاسب في حياته اليوميه .

بالتوفيق للدفعة القادمة ونصيحتي شاهدوا المحاضرات وراجعوا الملخصات والتبويبات .

[AminahSV]

موضوع رائع و مفيد لجميع الطلبة .. شكراً لك ..

-
عن نفسي اخذت كل مواد مستوى2 .
المواد عددها 7 المواد سهله بوقت المذاكره لكن يبي لها استيعاب وفهم
بالإختبار تجي الأسئلة نفس التويب وأحيانا الدكتور
يكرر الأجوبه ب أكثر من سؤال وهنا النكبه اذا كنت حافظ اي كلام

ميادئ اقتصاد كلي+ محاسبه2
المناهج مارين علي من قبل يعني بـ م1 .. مادتين حلوين صراحه
انجليزي و الاخلاق الاسلامية والعقيدة حفظ ومواد خفيفه بس لازم شوية تركيز

الانجليزي وضعي معاه عمي ابو كرش عدي لين 11 ... الخ
اللي يجي معاي من الخيارات حياه الله .


تقنية معلومات1
ماده سهله جداً فيها اشياء كثير واهم شي تركزون عالكيلو بايت والجيجا وبنات عمهم
لان يجي منهم كثير بالأختبار ..
قبل لا ادرس المادة كنت ماخذه دورة كامبردج بصراحه فادتني لما جيت ادرس الحاسب
لاني كنت شايله همه . الحمد لله طلع سهل لما جيت ادرسه وبالإختبار اسئله مباشرة

اخر مادة صحة ولياقه
الاسئلة كانت مضروبه بالتويب بس سهله بالاختبار ونفس التبويبات
وبعض التبويبات يكون فيها اخطاء كثيره انتبهو منها
اخر يوم من المذاكره اخذو لفه مع مراجعات الطلاب تفيدكم بس احياناً تلخبط

و بس

[majdah]

[COLOR="rgb(154, 205, 50)"][COLOR="rgb(154, 205, 50)"]لقيته اسهل من الترم الاول خاصة الاقتصاد الكلي كان اخف وامتع من الجزئي ،، المحاسبه والاقتصاد ذاكرتهم من بدري وتابعت كل المحاضرات فكان وقت الاختبارات سلس لان المواد الباقيه ابسط ،، اهم شي ايام الاختبارات تكونون متأكدين انه التبويب يكون احدث نسخه ولابد من مراجعة اسئلة الواجب واذا فيه اسئله في المباشرات كمان ،، تقنية المعلومات كان مره مخوفني بس طلع مره حلو وسهل اهم شي التبويب التبويب < اذا الدكتور جديد ماراح يكون له اسئله قديمه هنا لازم تركزون على الماده بحكم انه مافيه شي يساعدكم على فهم اسلوب اسئلة الدكتور،، بنسبه للأنجليزي سهل مرره بس الي مايعرف نهائيا حيلاقيه صعب ، شدو حيلكم صدق الخطه ٧ مواد لكنها مواد خفيفه. :)

[قرمبع]

[color="red"]الانجليزي وضعي معاه عمي ابو كرش عدي لين 11 ... الخ
اللي يجي معاي من الخيارات حياه الله
هههههههههههههههه
الله يسعدك
لإني مثلك عمي يابو كرش
لكن ربك يسهل الامور وتطلع النتائج اللي تسرنا

[KFU0]

الحمد لله المواد جدا رائعه وبسيطه بس اهمشي المذاكرة

Sent from my HUAWEI NXT-L29 using ملتقى فيصل mobile app