كيف أكمل دراستي في الخارج بعد حصولي على البكالريوس

[شيخ القبيلة]

السلام عليكم وعيدكم مبارك أنا خريج جامعة الملك فيصل انتساب لعام 1438 لتخصص ادارة أعمال واعمل في جهة حكومية عندي رغبة اكمال دراسة الماجستير سألت قسم شؤون الموظفين عن ألية الإجراءات النتبعة قالو كلم المدير المالي رحت للمدير المالي وكنت متردد ادخل عليه المهم تشجعت ودخت قلت هلا والله بوعبدالله انا خريج بكالوريوس انتساب الملك فيصل ودي اكمل ماستر قال تقدم أما عن طريق برنامج خادم الحرمين قلت له انا ابي اقدم عن طريق الوزارة قال طيب تقدم للجهات المعينة واحنا نرفع الأوراق ونشوف على حسب التخصص إذا محتاجين أو لا كلامه في نوع من الغموض ما عطاني طرف خيط اوصله يعني اي جهات معنية والي حيرني يقول احنا نرفع الأوراق ونشوف اذا محتاجين التخصص يعني ابحث عن جامعات برة ادور لي قبول ولما يجي ارفعه لجهة عملي ولا ارفع اوراقي جهة عملي وهم يبحثون لي عن جامعات برة اذا احد موظف حكومي راح الدراسة برة الله يجزاه خير يقولي الخطوات المتبعة ابي يعطيني طرف خيط اوصله لأني احس الأمور ملخبطة خصوصا المدير المالي اهو من النوع الثقيل الي ما أقدر اخذ وأعطي معاه فالله يجزاكم خير فيدوني عسى الله يرزقكم الجنة ابي حل واضح مفهوم زمعذرة على الإطالة

[hm407]

وعليكم السلام ورحمة الله وبركاته،،،
راح اجاوبك على الي اعرفه واقدر عليه،،،

بالنسبة الى موظفي الحكومة الصراحة ماعندي خبر عن طبيعة ابتعاثهم، بس يظل خيار الابتعاث او فرصة اكمال الدراسة اسهل واريح من القطاع الخاص الي لازم انك تقدم استقالتك فيه، اما الوظيفة الحكومية تقدر تاخذ اجازة وتطلع تدرس وبعدين ترجع الى نفس وظيفتك.

امامك خيارين: اما انك تقدم على برنامج الابتعاث اذا كنت محقق الشروط، ووتسهل امورك ان شاء الله مع العمل...
او اذا مانفع الخيار الابتعاث، وعندك ملائة مالية كافية فأطلع وروح كمل دراستك. طبعاً لا تخاطر اذا كان عندك مبلغ قليل يكفي لمدة ترم او ترمين فقط على امل الانضمام للبعثة، الآن للاسف كثر من الطلاب انكبوا في هذي الشغلة.

وفيه خيار ولعله الحل الأوسط، انك تدرس هنا في السعودية، وفيه كذا جامعة تقبل خريجي الانتساب برسوم مثل كلية ابن رشد وجامعة الطائف والدراسة فيها بس ايام العطل الاسبوعية بمعدل لقائيين في الشهر، يعين اسبوع فيه واسبوع مافيه، (اذا ماخاب ظني).

اتمنى اني افدتك،،
وفي امان الله

[بدر الذيابي]

المشاركة الأصلية كتبت بواسطة hm407

وعليكم السلام ورحمة الله وبركاته،،،
راح اجاوبك على الي اعرفه واقدر عليه،،،

بالنسبة الى موظفي الحكومة الصراحة ماعندي خبر عن طبيعة ابتعاثهم، بس يظل خيار الابتعاث او فرصة اكمال الدراسة اسهل واريح من القطاع الخاص الي لازم انك تقدم استقالتك فيه، اما الوظيفة الحكومية تقدر تاخذ اجازة وتطلع تدرس وبعدين ترجع الى نفس وظيفتك.

امامك خيارين: اما انك تقدم على برنامج الابتعاث اذا كنت محقق الشروط، ووتسهل امورك ان شاء الله مع العمل...
او اذا مانفع الخيار الابتعاث، وعندك ملائة مالية كافية فأطلع وروح كمل دراستك. طبعاً لا تخاطر اذا كان عندك مبلغ قليل يكفي لمدة ترم او ترمين فقط على امل الانضمام للبعثة، الآن للاسف كثر من الطلاب انكبوا في هذي الشغلة.

وفيه خيار ولعله الحل الأوسط، انك تدرس هنا في السعودية، وفيه كذا جامعة تقبل خريجي الانتساب برسوم مثل كلية ابن رشد وجامعة الطائف والدراسة فيها بس ايام العطل الاسبوعية بمعدل لقائيين في الشهر، يعين اسبوع فيه واسبوع مافيه، (اذا ماخاب ظني).

اتمنى اني افدتك،،
وفي امان الله

السلام عليكم

طيب العسكري يقدر يقدم على برنامج الابتعاث ؟

[hm407]

المشاركة الأصلية كتبت بواسطة بدر الذيابي

السلام عليكم

طيب العسكري يقدر يقدم على برنامج الابتعاث ؟

وعليكم السلام ورحمة الله وبركاته،،،

هلا بالغالي بدر،،

والله للأسف ماعندي اي فكرة لأي برنامج ابتعاث سواء حكومي او خاص.

لكن الواحد يسعى، ويبحث،،،

والله يوفق الجميع.

[ليــــــن]

طيب وين نقدم على برنامج الابتعاث ؟؟