[ استفسار ] استفسار بخصوص شهادة الهيئة

[um aljoooory]

السلام عليكم ورحمة الله وبركاته

قالو لي اذا ابي اتوظف لازم تكون عندي شهادة من الهيئه عشان لو توظفت ف مستشفى او مستوصف

الي ابي اعرفه وين اروح اتدرب عشان احصل عليها ووش هي الاجرائات بالضبط وهل في موقع اسجل فيه او ارح مكان التديب واطلب منهم لانه ماتوقع بيدربوني كذا بدون اثبات

[ع ـــزوز]

و عليكم السلام

الشهاده من الهيئة السعودية للتخصصات الصحية
لهم موقع تسجلين فيه ..

وموقع جمعية القلب عشان شهادة انعاش قلبي رئوي cpr
بعد التخرج طبعا ..


وبحسب الكلام اللي وصلني اذا سجلت بالهيئة ماتقبلك الا الوظائف الصحية فقط .. يعني حتى وقت التقديم على الوظائف مايطلع لك الا الصحية

[قلم ينزف الم]

للتوضيح ليست بشهاده وانما هي رخصه لمدة سنتين وسعرها 1430
وللحصول عليها الذهاب لهم ويكون معاك شهادة البكالوريس علم اجتماع
ومن ثم يعطونك ورقة تدريب لاحدى المستشفيات

وتروح تقدمها للمستشفيات طبعا التدريب اذا قدمتيها عن طريق وزاره الصحه يطلبوا منك مبلغ 3000ريال وبامكانك التقسيط لهم 1000ريال

واذا قدمتي في ابها التدريب عندهم بالمجان
ومن ثم اذا انتهى التدريب يختموها لك نفس المستشفى
وايضا ترفي شهادة الانعاش الرئوي سعرها مابين200 الى 500
وتوديهم لهم ويحولك ع اختبار بيرسون ومن ثم بعد اجتيازك لها تقدري تطلعي الرخصة تحياتي لك

[um aljoooory]

طيب شهادة الانعاش الرئوي من وين احصل عليها؟؟؟؟

[An@]

السلام عليكم بطاقة الهيئه السعوديه لازم اختبار او لا افيدوني?

[حجاب الوريك]

وعليكم السلام ورحمة الله وبركاته

اولا تاخذي الوثيقة وتروحي للهيئة السعودية للتخصصات الصحية وتقولين ابي خطاب تصنيف هم يعطونك خطاب لمن يهمه الامر تبين مستشفى او تاهيل شامل او دار الرعاية الاجتماعية بس الاهم لازم يكون عندهم اخصائي او اخصائية اجتماعي وتكون بطاقته سارية المفعول تدربي معهم 3شهور اذا حديثة التخرج واذا مضيتي اكثر من سنه لازم 6شهور التدريب طبعا بعض المستشفيات ياخون عليك رسوم 300وبعضهم مجاني اذا بالشرقية عندك المركزي 3000 التعليمي بالخبر مجاني وعندك مستشفى الدوسري بالخبر 3000 وتداومين بالاسبوع يوم او يومين هم يحددون لك هذا بالنسبه للدوسري ام التعليمي يوميا والمركزي شبه يوميا
بعد ماتخلصي الفتره 3شهور يعبون لك النموذج الخطاب اللي اعطوك ياياه الهيئة ويحط بياناته الاخصائي او الاخصائية اللي تدربتي معه وتختمينه من عندهم طبعا خلال هالفتره 3شهور تقدري تاخذي دورة السي بي ار الانعاش الرئوي انا اخذته من مستشفى اسطون اللي بالخبر اسمه الان مستشفى جاما فيه موظفه هناك هي اللي تسجلك بالموقع وتدفعين الرسوم 450ريال اذكرها وتحدد لك يوم تجين تحظرين الدورة من الساعة تقريبا 8 الى مابعد الظهر وبعدها بكم يوم تجين تاخذين الشهادة السي بي ار وتخلينها معك لين تخلصين التدريب وبعدها تاخذينها معك هي والخطاب اللي من الجهة اللي تدربتي فيها وتاخذين وثيقتك والسجل الاكاديمي وتصورينهم وخوذي معك صور شخصية 3في 4 خلفية بيضاء احتياط نظام البنات مادري م لازم صورة ولا لا وسلميها لهم وتدفعين عندهم اذكر 1340ريال حق البطاقة بس يقولو يمكن ارفعوها ماني متأكد وبعد ماتدفعي الرسوم يفتحون لك حساب بشركة بيرسون يتفعل الحساب بعد 24او48ساعه وتدخلي فيه وتسجلين فيه وتحجزين مكان الاختبار واليوم وتسددين اذكره 80 دولار مايقارب 307ريال بس يقولون ايضا رفعوه اكثر من 80 دولار فوق المية دولار حول ال 500وعليها واذا اختبرتي على طول يعطونك النتيجه من نفس المركز اللي اختبرتي فيه وتروحين للهيئة وتسلمين لهم ويوعدونك بعد 10 ايام تجين تستلمين شهادة التصنيف وبطاقة الاخصائي الاجتماعي لمدة سنتين
بالنسبه للاسئلة حقت بيرسي ون فيه ملزمة الاستاذ على الزهراني تذاكرينها و إن شاء الله تعدين الاختبار

وبهذا انتهى المشوار
والله يوفقكم

تحياتي الاخوية

[غيداء1]

طيب اذا ماابي تخصص طبي
اجباري التدريب لو كنت ابي اتوظف فى مدرسه او الضمان الاجتماعي او دار الرعايه