[ استفسار ] واحد من اخوياي قال لي هذا الكلام

[ابو حنونه]

المشاركة الأصلية كتبت بواسطة Learning

انا ما عندي مشكله في السلبيين المحبطين لانهم عموما موجودين في المجتمع ،،،،

لكن ما يقهرني الا الي يجزم لك 100 % ، كانه عاش حياتك مرتين ،!!!!!!!!!!!!

الله يسعدك طرحت موضوع جميل للمناقشه ..
لكن ماشاء الله اسلوبك جميل في سرد المحادثه

ومثل ماقالو الاخوات والاخوان قبل تحصل ناس كثير محبطين انا اذكر بعضهم كان يقول لي وش تبي بتخصص الانجليزي مالها مستقبل في ترقيتك وفي عملك الحكومي ومن هذا الكلام
وآخر يقول الله اكبر يالانجليزي وش بتكون اذا اخذته مع انه للاسف معلم قديم ويعتبر مشرف قديم بالوزاره وهم يعلمون انك خلاص لك سنوات وانت وتدرس دفعت مبالغ وتعبت كان المفروض كلمة (الله يوفقك تكفي )
وكلام كثير وكثير ..
بالنسبه للمعلمين اللذين درسوا ومعهم بكالريوس فيه بعضهم للاسف لايفقه شيئا ومنهم للاسف معلمون دين ولا يعرفون حتى يقراون القران بالشكل الصحيح ....
لا وبعضهم ماشاء الله ولا نحسدهم فرغ من عمله عشان يواصل الماجستير ..
وبالنسبه لك يستكثرون عليك اسبوعين اجازة اختبار

وبالنسبه للي يقول مافيها تعب ولا شي الا والله فيها تعب ومذاكره وهم وحتى اللي يدرس انتظام ممكن يحصل المعلومه بكل يسر وسهوله بعكس عن بعد يتعب احيانا حتى يلقى رد على استفساره ..
المقصد ان اللي عن بعد لا يقل تعب عن ا لمنتظم وبالعكس ظحى باشياء كثيره عشان يحصل هذي الشهاده وبعضهم يظطر ياخذ قرض ويستدين او يستلف من فلان وعلان عشان يسدد اقساط الجامعه ..



والله يارب ان شاء الله يجي قرار ينصف الطلاب عن بعد ويوفقهم باعلى المناصب

[خوان خوسيه]

الحين سؤال الحين الانسان اللي عنده شهاده جامعيه حتى لو انتساب مثل اللي عنده ثانوي بس ؟
اكيد لا .. فماعليك من كلام الناس ولا يهمونك , وانا والله اكثر شي يزعلني مش كلام الناس لا... اللي يزعلني اني اكون خريج لغه انجليزيه وماعندي لغه او مااقدر اتكلم او افهم .:(
ولازم نعرف يااخوان ان بعد مانستلم الوثيقه ..ان هنا المشوار ماانتهى لا بلعكس ابتدا لازم يوميا نطور انفسنا وكل واحد يعوض النقص اللي عنده سواء مفردات او قواعد ..الخ الخ واللغه تحتاج مراجعه يوميه ولا بتنساها
والناس يفضلون الانتظام علينا بسبب تحصيلنا العلمي بطبيعه الحال اقل من الانتظام وهذي من عيوب التعليم عن بعد عشان كذا احنا يااخوان لازم نجاري طلاب الانتظام ونكون افضل منهم ...
يوميا لازم نطور لغتنا ومهاراتنا (الاستماع – التحدث – القراءة – الكتابه) ,
ونقدم على اختبار التوفل والايلتس .
والله يوفق الجميع لما يحب ويرضى .

[%حوور%]

اكثر مايقهرني هالناس الي تسحب عليك وتخليك تدفع الحساب طيب خلوها قطة
المهم والله لو بنسمع كلام كان ماشفتنا متجمعين نبارك لبعض التخرج
والله اول ماسجلت كلن يقولي ليش سجلتي انتساب وماله مستقبل وصعععب وكثير سجلوا واسحبوا وكلااام كثير ؛؛؛؛؛
لكن عندي طموح وابي اكمل وظروفي ابد ما تسمح اكمل انتظام !!
توكلت على الله وسجلت وكل يوم احلم باليوم الي اتخرج فية والحمدلله جاء هاليوم والناس الي كانوا يقولون لي لاتسجلين هم اول ناس باركوا لي
لا تستسلم انت تسوي الي عليك لا توقف طور لغتك الانترنت وبرامج التواصل تقدر تستفيد منها شوف تجارب ناس كثير تعلموا بنفسهم اللغة بدون دراسة
ومن ناحية الوظيفة هي رزق من الله ويكفيك هذا الحديث( إنَّ أحَدَكُمْ يُجْمَعُ خَلْقُهُ في بَطْنِ أُمِّهِ أَرْبَعِينَ يَوْمَاً نُطْفَةً، ثُمَّ يَكُونُ عَلَقَةً مِثْلَ ذلكَ، ثُمَّ يَكُونُ مُضْغَةً مِثْلَ ذلكَ، ثُمَّ يُرْسَلُ المَلَكُ فَيَنْفُخُ فِيهِ الرُّوحَ، وَيُؤْمَرُ بأرْبَعِ كَلِماتٍ: بِكَتْب رِزْقِهِ وَأجَلِهِ وَعَمَلِهِ وَشَقِيٍّ أَوْ سَعِيدٍ)روه مسلم من حديث ابن مسعود. رضي الله عنه.

[nouf1412md]

موقع" دروب "على خبري يقدم دورات مجانيه اون لاين وعندهم مخيم صيفي او شي كذا لاتفوتكم القطاع الخاص يحب اللي شهاداتهم واجد الله يوفقنا واياكم
وفعلا لازم لغتكم تكون زينه مررا من جميع النواحي لانو اهي الي تحكم اذا انت تستحق شهادتك او لا

[بنت القصيم1]

لو كان ردك لهم **من سلك طريقاً يلتمس فيه علماً سهل الله له طريقاً ( الى الجنة)**
الله يتقبل

[عابر الفاروق]

والله ياخوك مدري وش اقولك لكن بعض الاحيان الحقيقة توجع بس لا تنسى الرزق بيد الله واليد الوحده ما تصفق اذا كان فهمت قصدي يعني لازم شوية فيتامينات والامور ان شاء الله سهالات وتمشي الامور لكن الصراحه صحيح ان كلامهم محبط ومحطم لكن بنفس الوقت منطقي يعني انا مثلا وانا حامل بكالوريوس عن بعد لكن اذا جينا للصدق لو انا املك منشأة تجارية ليش اوظف واحد معه شهادة بكالوريوس عن بعد بينما اقدر اوظف واحد دارس انتظام لا جت الامور على حلالي معليش خط احمر على العموم الله يرزقنا ويوفقنا ان شاء الله ولا تنسى مثل ما قلتلك الرزق مو بيدهم ولا بيدي استعن بالله وان شاء الله الامور تتيسر

[ظل الحقيقة]

احنا قدها و قدود
الانتساب او عن بعد ناس ما التحقت بالتعليم عشان تجي
ناس تملي عليها تقاسيم الارزاق !!
التحقت تبغى تفوز بشهادة جامعية احسّن من وضع وظيفتي
و القى فرص حالي حال اي واحد تعثرت ظروفه
انا لو عندي شركة بعتمدهم لأني شفت بعيني ربات بيوت
و تتعب وتلخص و تذاكر و تنجح ماشاء الله و موظفين ما بين
دوام و اسرة و يجي يذاكر و يتعب
الرزق بيد الله و الحمد لله انه مو بيد الخلق
و الا كان متنا جوع.

الله وحده هو من خلق الملوك وقسّم الاملاكا .*

يجيك واحد يحاضر بالمعتمد واللي مو معتمد
لو كل واحد حب لغيره مثل ما يحب لنفسه كان رحّب بكل من
اكمل دراسته
الشهادة من مين ؟ جامعة معتمدة
الامتحان من مين ؟ من الجامعة
سبعين درجة على النهائي من بيحلها ؟؟ انا

في الاخير اصير انا صفر على الشمال !!!!
مالكم كيف تحكمون

[مبارك عبدالله]

السلام عليكم ورحمة الله وبركاته كيفكم جميعاً
انا عسكري ونفعتني فعلابالترقيات ولكن صديقي عسكري بعد ما تخرج من نفس الجامعة فصل من العسكريه واتكل على الله وباقي له حاجه بسيطه ويتخرج ماستر ومحسوبه له انتظام الماستر وبيتخرج ويتوظف او يكمل الدكتوراه ((الله يرزقه ومن يقرا ))فلا تيأس ولا تقنط من رحمة الله والاخوان والاخوات سبقوني بالكلام ان الرزق في الاول والاخير بيدالله فأتمنى لكم التوفيق جميعا ...