محضر غش

[مـ غ ـترب فـيـ عـذابـكـ]

المشاركة الأصلية كتبت بواسطة أفا يا قلب

لا احد يتفلسف ع الرجال ترانا في فترة الاختبارات كلنا نفكر بالغش!!

اول شي السائل بنت مو رجال

ثاني شل لاتحكم ع الكل احكم ع نفسك واللي مثلك ..... فيه غيرك مايفكر بالغش لو يحمل الماده

بالتوفيق

[مـ غ ـترب فـيـ عـذابـكـ]

المشاركة الأصلية كتبت بواسطة جاك سبارو

أهلين أختي ..أول شي إن شاء الله مايسوون شي وتمشي أمورك

الشي الثانية المثالية الزايدة في الردود ماتنفع وأشوفها بغير مكانهـا صراحة والغش في الإختبارات عادي ولا فيه أي مصيبه مثل مايضخمها البعض .
الغش لما يكون فيه أذى على الغير هو الغش لكن في دراسة وتعليم الله وأكبر يالمعلومات اللي نختبر فيها على طول نطلع نطبقهـا في حياتنا !!

روووقي وأنا من الناس الللي أغشش غيري < صراحة انا دافور متخرج عشان كذا ماأغش بس أغشش هههههههههه

ماشوف فيها أي شي يخلي الزحمه اللي صايرة من الردود والمثالية الزايدة وحلال وحرام الغششش نعرف وين يكون الغشش نعرف ضرره على الغير الغششش نعرف متى يكون حرام هذا هو الغش الصدق

الغش ييعتبر تصرف غير قانوني أو مخالف للأنظمة عشان نكون منصفين لكن أحد يجيبها من حلال وحرام هذا الشي المبالغ فيـه ومن له حيلة فليحتال .

عشان كذا أقول الله يوفقك ويسهل أمرك إن شاء الله وعقبال إختباراتك الجاية إن شاء الله ماتضطرين تغشين فيهم وإن نشبوا بحلقك واضطريتي تغشين إن شاء الله مايكشوفنك وتمشي أموووورك يابطــلة
هو بس مشكلة الغش ربكة وزحمة يعني لو الواحد يفتك ويذاكر أحسن له والظروف عاد مايندرى عنها عشان كذا الله يسهل أمرك وأمر كل طالب يارب


رووووحيي إن شاء الله تعدين المادة والقلب داعي لك

اعجبني كلامك ولله

طيب هل تتوقع لو احد مايستاهل معدل واخذت امتياز وهو غاش

وقدم ع وظيفه وفيه شخص ماغش وماخذ جيدحداً هل تتوقع

راح ياخذون اللي جايب جيد جداً ؟؟

هل تتوقع هذا عدل او مافيه اذى ...

انا ماسووي نفسي مثالي بس اذا اخطيت قلت لك مخطي

ولا ابرر لنفسي واحلل شي حرمه الله

بالتوفيق للجميع

[حماااده]

اول حاجة : سالفه الانثى والذكر ( ضحكتني )هههههه اول ما شفت ردك الثاني كنت بسأل نفس السؤال هههه بس فيه واحد سألك بالصفحة الأولى ..
بس بموضوعك انت مستخدمة الصيغة العامة ( الذكورية )<هذا نوع من أنواع العنصريه .. يعني مثل: من يعرف طالب حصل معه .. ما هي عقوبه من صدر بحقه .. وهذا اللي جعل اللي يرد عليك يعاملك كذكر ..

ثاني حاجة : انا ما عندي شي افيدك فيه < طيب وش جابك !! . .. بس حبيت أشارك بالموضوع هذا التحفه هههههه !! اعجبني ,

ثالث حاجة لازم اقولك حكمة .. بما اني ولدت حكيما كما يقال عني وانا صغير عندما يأتي والدي ليضربني للفعله فعلتها فانا لا اهرب ..انتظره يضربني فأقول له ما فائدة يدك ان لم تضربني ! فيغضب ويقول كلام غير مفهوم مع صفعة أخرى ..وانا ابكي وأقول هذه هي فائدة يدك ..دموعي دموعي !! .. فيقول "ازين كل ما سويتها بتتسطر" بلهجته العصبية العامية فاقول هذه هي مهنتك ,, فكانوا الكثير من الاهل والقرباء يشهدون بحكمتي وانا صغير حتى انا مستغرب عن ما يروئ عني وانا صغير !! ..

ففلسفتي الحكيمة ( واضح الدلاخه اجل فلسفه وحكمه !! ) : اعلمي ان الخطأ يأتي بهذة الطريقة المفاجئة الغير محسوبة .. التي تضعك في موقف محرج وان كل الناس تقع في مثل هذه الخطأ .. ولو كان مخطط له مسبقا .. يعني أحيانا فيه أشياء يسويها الواحد يقول ليش انا اسويها ولو انه غلطان مع السبق والإصرار .. !! ترا هذاك اليوم مو انت ..فالخطأ ليست عبرته ان لا تكرري الخطأ !! هو فقط مجرد تذكير وهذا التذكير يكون مكرر لك ( بان كل خطأ في الحياة من الاخرين.. يكون مثل اللي انتي تسوينه )

نثرت الحكمة , وخرجت كعادتي <

[حماااده]

نسيت اقولك شيء ,, ما أتوقع تشوفين بوقت ما بعد الاختبارات ( واحد غشاش )
هنا اخلي الاسنتاج لك , يا غشاشة

^ راحت الحكمة

[ريما عادل]

ورا مابلعتي البرشامة وبكذا تكونين اتلفتي مادة الغش
ثم لا قالولك اكتبي محضر قولي اثبتوا انكم ماسكين براشيم وينهاااا

[جاك سبارو]

المشاركة الأصلية كتبت بواسطة مشاري رشيد

اعجبني كلامك ولله

طيب هل تتوقع لو احد مايستاهل معدل واخذت امتياز وهو غاش

وقدم ع وظيفه وفيه شخص ماغش وماخذ جيدحداً هل تتوقع

راح ياخذون اللي جايب جيد جداً ؟؟

هل تتوقع هذا عدل او مافيه اذى ...

انا ماسووي نفسي مثالي بس اذا اخطيت قلت لك مخطي

ولا ابرر لنفسي واحلل شي حرمه الله

بالتوفيق للجميع

رجعت أنت تأخذ الموضوع بحدة ورجعته إلى ماحرم الله

طيب بناء على كلامك ومن الواقع نتكلم عشان مانحاول نبالغ ونركب سيناريو خيالي عشان نرجع في الأخير ونظلم غيرنا مثل ماقلت
أبسئلك تتوقع فيه أحد يبي يغش عشان يجيب إمتياز .؟؟؟

غالباً إذا ماكان كلهم ماحد يبي يغش الا يبي ينجح ويمشي في دربه ويتخطى هالمادة على خير ..يعني عشان نكون واقعيين ومانفرض أشياء يعني ماعمري شفت غشاش يغش عشان يبي ممتاز مع مرتبة الشرف الكل يبي ينجح ويارب السترة .
عاد إذا تعرف واحد يغش عشان يجيب ممتاز مع مرتبة الشرف الأولى هذا شي ثاني ومفروض يٌــقتل أصلاً إذا كان فيه شخص كذا
على العموم هذي قناعتي بالموضوع وماأحاول أبالغ في ردود الفعل تجاه بعض الامور اللي مابتأثر أو يكون وقعهـا بسيط وماله أثر على الغير والقصد إجتياز مرحلة دراسية فقط لا غير

[فهد الحميدي]

اتمنى من الجامعة انت تكون قرارتها صارمة في مواضيع الغش وان يتم فصلهم ويوضعون في القائمة السوداء في جميع الجامعات لحديث الرسول صلى الله عليه وسلم ( من غش فليس منا ) فهو ماهو من امه محمد ولا من المسلمين
وحتى من اعان او ساعدهم او تواطئ معهم وتعاطف ،،، من اعان ظالم سلط الله عليه فهل ترضى انت تتعالج انت او اهلك عند دكتور شهادته مصدرها غش او تزوير والله لو تعلم ماوقفت عند بابه لحظة واحدة او هل ترضى ان تكون عند مدير حامل شهادة بكالوريوس ادارة اعمال ما حصل عليها الا عن طريق الغش او تتسابق على وظيفة ومعك ناس شهادتهم اعلى درجات منك عن طريق الغش الامر ماهو هين سقطت دول بسبب الفساد فلو يستمر على الامر ما وثقنا لا بدكتور ولا مدرس ولا موظف ولا مدير وقلن عليهم كلها عن طريق الغش والتزوير.
والله ان نخاف منهم ونخاف ممن يتعاطفون معاهم في المستقبل ينتشرون بين الدوائر ولا يتعاملون الا بالوساطات والغش
فتفقد وتضيع الأمانة وقتها ،،،

[sabreena]

امنا بالله الغش حرام ومن غشنا فليس منا
بس بالله عليكم ماتحسون انكم عطيتوا هالنقطه اكثر من حقها

همسه / الحين لو نجي نتكلم عن الحرام ومن ضمنه الغش
هل ياترى في ناس تقول الغش حرام وماتسمع اغاني او ماتكذب او ماعندها عادة النميمه
او الكلام على خلق الله فلان فعل و فلانه سوت وفلانه قالت و و و ... الخ

كل هذا يصير في حياة الاغلبية ، هل يترى ماينحط تحت مسمى ( حـــرام ) ..!؟

البنت هنا جات سألت وش بيصير عليها على فعلتها ..؟
ما سألت وش الحكم الشرعي على اللي سوته

عذرا على المداخله

[فهد الحميدي]

المشاركة الأصلية كتبت بواسطة sabreena

امنا بالله الغش حرام ومن غشنا فليس منا
بس بالله عليكم ماتحسون انكم عطيتوا هالنقطه اكثر من حقها

همسه / الحين لو نجي نتكلم عن الحرام ومن ضمنه الغش
هل ياترى في ناس تقول الغش حرام وماتسمع اغاني او ماتكذب او ماعندها عادة النميمه
او الكلام على خلق الله فلان فعل و فلانه سوت وفلانه قالت و و و ... الخ

كل هذا يصير في حياة الاغلبية ، هل يترى ماينحط تحت مسمى ( حـــرام ) ..!؟

البنت هنا جات سألت وش بيصير عليها على فعلتها ..؟
ما سألت وش الحكم الشرعي على اللي سوته

عذرا على المداخله

صدق كشك لما جته بنت تقول الرسول قال عنا ناقصت عقل ودين واحنا معانا بكالوريوس وماجستير
قال لها كشك هذا زمان ايام الرسول ناقصت عقل ودين اما الحين لا عقل ولا دين

[sabreena]

المشاركة الأصلية كتبت بواسطة فهد الحميدي

صدق كشك لما جته بنت تقول الرسول قال عنا ناقصت عقل ودين واحنا معانا بكالوريوس وماجستير
قال لها كشك هذا زمان ايام الرسول ناقصت عقل ودين اما الحين لا عقل ولا دين

طيب وش الغلط بكلامي عشان تجلس تقذف فيني
ترى القذف حرام بعد اتوقع تعرف في هالشي

الله يشهد علي كلامي كان محترم و لا ضريت احد فيه لاني تكلمت عن واقع نعيشه
وعلى فكره لسى لا انت و لا انا اخذنا البكالوريوس و الماجستير بعد

وبعدين ماتقولي هالناقصات العقل و الدين وش وضعهم في حياتك ..؟
مو ناقصة العقل و الدين حملت فيك و ولدتك و ربتك
ناقصة العقل و الدين ماكملت نص دينك
ناقصة العقل و الدين ماتخدمك و تنظف لك وتأكلك
ناقصة العقل و الدين ماجابتك انت وجابت امثالك

عجبا لمثل هالتفكير ..