أعزائي الخريجين والخريجات ( هل توظف منكم أحد ) ؟! "" أم نـقعتم شهاداتكم وشربتم ماءها "" ؟!

[اغلى الناس]

جارتنا الترم الاول تخرجت انتساب من فيصل تربية خاصة واشتغلت بمدرسة ذوي احتياجات خاصة

[westlife4422]

المشاركة الأصلية كتبت بواسطة عبدالله_بني تميم

يا هلا وسهلا اخونا الغالي الخريج المتحلطم ...


أنا ابي منك حاجه وحده تحط نفسك مكان الطلآب اللذين لم ينقبلون هالترم بسبب وضع الجامعه نسبب محدهه

يا عزيزي الناس تبغى تدرس فيه واحد موظف بجامعة فيصل يقول تصدق عدد الطلاب اللي ما انقبلو أكثر من15الف طالب

العالم يبغون يدروسون يبغون شهادة البكالريوس يبغون هالشهاده بأي وسيله .


قبل 3 ايام زارني صديق لي موظف في مستشفى المجمعه ومسؤل في التشغيل الذاتي

وهالكلام لك وكل الطلآب يقول قبل رمضان نزلنا 4 وظائف كلها بكالريوس 3 منها مسمى ( مترجم - تخصص لغه أنجليزيه ) والرابعه تخصص أداره يقول تقدموا 4 شباب كلهم شهاداتهم تعليم عن بعد انتساب وقبلناهم وتوظفو برواتب مجزيه وعاليه بعضها تتعدى 9000 <<الله يرزقهم ويستاهلون .


أنت الحين مثل اللي شايل همه وهم غيره ويبي يموت وهو واقف على حيله .أنت اللي درست 4 سنوات وتعبت وأخذت الشهاده وحاط حلم برأسك آنك تبي تصير معلم بمدرسه حكوميه جنب بيتكم لا تقول الجامعة أكلت فلوسي والجامعة شهادتها مو معتبره اذا هي مو معتبره ليه غيرك توظف عليها .

شد حيلك ولا تتوقف وتحط يد على يد .

الدراسه في جامعة الملك فيصل أنتساب تحتاج تخطيط وأختار التخصص <هاذا أهم شي مو أسجل وادرس 4 سنوات وأتخرج وآجلس ياخي شوف خريجين جامعات جالسين وشهاداتهم آنتظام .


ختاماً ابذكر مقوله آعجبتني لعالم آمريكي أبي الطلاب الجدد اللي أنقبلو يقرئونها يقول :

(شخص واحد يؤمن بقدراته ويصر على تحقيق أهدافه ، أقوى من 99 شخصاً لا يملكون سوى الأماني والأحلام )

كلامك عين العقل :thumbup::thumbup:

[اغلى الناس]

انا درست لان انا حابة اني اكون مؤهلي بكالوريس وعارفة هي الشهادة بالحالها ماتكفي علشان كذا بغى 4 شهور واخلص دبلوم انجليزي ولله الحمد عارفة الشهادة بالحالها ماتكفي محتاجة معاها انجليزي وحاسب في وظائف بس كل منا متخيل بيتوظف اعلى وظيفة مش عيب ابتدي من الصفر واكسب خبرة ويكون راتبي ضعيف وبعد سنة او سنتين ادوروظيفة تناسبني بيكون عندي مؤهلات وخبرة وحتى لو قالو تدريب من غير راتب عاااادي وبعدها اتوظف انا ببذل الاسباب وانا واثقة ان تعبي ماراح يضيع

[westlife4422]

ماعليش بس الي كتبت هالسؤال تسمحلي انه مجرد سؤالها يدل علی انها لاتمت للطموحه بصله
اولا التوظيف ماهو واقف علی بعد ولا انتظام ياما مبتعثين واقوی جامعات العالم ماحصلو فرصه او بمعنی ادق مالله كتب لهم الی الان
يعني الي عنده طموح مايفكر بالوظيفة يفكر يستفيد من الي درسها والله مايضيع اجر من أحسن عملا
بالنهايه بقول
تجري الرياح كما تجري سفينتنا*
نحن الرياح و نحن البحر و السفن ُ*
إن الذي يرتجي شيئاً بهمّتهِ*
يلقاهُ لو حاربَتْهُ الانسُ والجن
ُّفاقصد الى قمم الاشياءِ تدركها*
تجري الرياح كما رادت لها السفن

[نورة بنت فهد]

اخوي اذا فعلا ترغب بالعمل وتقبل بالوظيفه التي باذن ستقبل فيها ولا عندك شروط
ممكن تتواصل معي بعد اذن الاداره
وشهادتك قلت لك معترف فيها
موفق

[RemaniiAl7rbi]

الوظيفة رزق من الله سواء كانت شهادتك انتساب او غيره اعرف كثير حاملي الشهادة الثانوية ومتوظفين في قطاعات خاصه ومدارس اهلية توكلو عع الله واجتهدوا واهم شي عملتوا ب الاسباب . وفقنا الله وإياكم

[ادب]

معليش مع احترامي لكم جميعا

اختي لها سبع سنوات خريجة من جامعة الملك سعود انتظام تربية خاصة مسار صعوبات تعلم
والى يومكم ما توظفت مع ان تقديرها ممتاز مع مرتبة الشرف الثانية

يعني مو المشكلة بالشهادة المشكلة مافيه وظايف

وهذي المشكلة ازلية

فلا تتهمون الجامعة وتحطمون الطلبة

[دمث]

المشاركة الأصلية كتبت بواسطة reem.93

يارب .. يارب اني اتخرج وافتك من مواضيع هالادمي اللي كل ترم تجيب لي الحموضة .

يلا شدي حيلك يابنتي ..

[رَاء.]

المشاركة الأصلية كتبت بواسطة دمث

يلا شدي حيلك يابنتي ..

هذاني ادعي ربي ليل نهار .. شف فوق فيه وحده جابت لك وظيفة تكفى توظف ولاعاد تكتب مواضيعك السوداوية ذي

ما تتعب كل ترم ؟ كل ترم نفس الموضوع ؟ نفس الحلطمه ؟

الا انا اللي ربي قاردني ادخل اشوف

[ترحيب]

المشاركة الأصلية كتبت بواسطة Reem.93

هذاني ادعي ربي ليل نهار .. شف فوق فيه وحده جابت لك وظيفة تكفى توظف ولاعاد تكتب مواضيعك السوداوية ذي

ما تتعب كل ترم ؟ كل ترم نفس الموضوع ؟ نفس الحلطمه ؟

الا انا اللي ربي قاردني ادخل اشوف

هههههههههههههههههههههههههه