[ المناقشات ] : افضل حل لإكمال الماجستير

[pilgrim]

تحيه طيبة اخواني واخواتي الطلاب ،،

حبيت اطرح لكم فكرتي بعد التخرج لأكمال الماجستير ان شاء الله خارج البلاد (ابتعاث) مع العلم اني موظف حكومي وليس لدي في مقر عملي ابتعاث او تفرغ لأكمال الدراسة فقررت ان اقدم استقالتي واطلع على حسابي فتره بسيطه وبعدها تقديم الاوراق على برنامج خادم الحرمين الشريفين للإنظمام في البرنامج .

اخواني الطلاب هناك مميزات لهذي الخطوه ومخاطر :

الميزة :
قراري هذا يلبي احتياجاتي الذاتية من ناحيه اتقان اللغة + اكمال الماجستير + مرونه في شروط القبول الخارجي

المخاطر :
تقديم استقاله + اخشى من عدم الانظمام في برنامج خادم الحرمين الشريفين وبالتالي خسرت الوظيفه مع العلم بأني متزوج ولدي عائلة ولايوجد مصدر دخل آخر ..


ارغب في النصح والإرشاد منكم اخواني واخواتي الطلاب بارك الله فيكم ،،


دمتم لمحبينكم ،،

[Tornado]

والله يا اخوي انت رب عائلة متزوج وعندك مسؤولية فكيف تفصل البكالوريس يكفي با النسبة لك تقدر تقدم على وظائف الخدمة المدنية

الحين البترول نزل 48 دولار للبرميل بعد ان كان بحدود 130 دولار فا احتمال كبير يصير عجز با الميزانية وتقل الوظائف فخلك على وظيفتك المدنية ابرك لك.

[aizo]

عزيزي نصيحتي لك

الماجستير لها خيرات كثيرة ولا تستحق ان تقدم استقالتك من اجلها

تستطيع دراستها وانهائها وانت في راس العمل فا يوجد الكثير من الجامعات تقدم ماجستير عن بعد
مثل جامعة كامبرج وغيرها وتعطيك شهادة انتظام وتكون الدراسة بسنتين وتستطيع معادلتها عن طريق وزارة التعليم العالي ولكن الاشكالية ربما تكون المعادلة حقيقتا" ظالما.

نصيحتي لك لا تفصل من عملك وتقطع مصدر رزقك.


ويجب عليك اولا" التفكير بأمر ما وهو انا اراه امر خطير يمكن الاخوة مافكروه فيه

لو تفصل وتدرس بره وتجيب شهادة ماجستير وتقدم على الوظائف بيسئلونك وش شهادتك البكالريوس بتقولهم انتساب :o هنا بيقولون لك غير معترف فيها وشهادتك الماجستير بتكون ليس ذات كبيره وقتها.

[pink diamond]

اخذ اجازه بدون راتب فيه واحد طالع مع زوجته واخذ اجازه وهو موظف حكومي
وانا اقول لا تفرط في الوظيفه لانها مجازفه كبيره منك حاول بطريقه انك تحتفظ بالوظيفه
وشكرا اتمني لك التوفيق

[A L M a i s t R o]

لو انك عزوبي وعمرك صغير اقول لك دربك خضر والله يوفقك وخير ماسويت

لكن دامك متزوج وماعندك مصدر دخل ثاني اقول لك بدون مجاملة اقضب ارضك

[أسير المحبه]

حاول تكمل وانت على رأس العمل في جامعات أجنبيه في دول الخليج مثلا البحرين أو الامارات عند الاختبارات قدم اجازه ولو بدون راتب

[alshathani]

اجازة بدون راتب لمدة 6 اشهر، إذا تم قبولك للبعثه استقل واذا لم يتم قبولك بتكون استفدت لغة

[سعيد العيسى]

[QUOTE=pink diamond;11927621]

[QUOTE=aizo;11927615]


اقتراحين ممتاااااازززة ... الماجستير ممكن يكون (عن بعد) مثل البكالوريس اللي اخذتها .. وللمعلومية فية ماجستير 6 شهور .. من جامعات خارجية ... طبعاً التعليم العالي ما يعترف فيها ... لكن ممكن عملك يعترف فيها ... مثلاً: اعرف احد المنظمات الكبيرة .. موظفينهم اللي على رأس العمل ومعهم بكالوريس .. يكملون ماجستير ... ابو ريالين .. ويصيرون مدراء سلام سلام .. ابحث عنها وتحصلها والا زي اللي قال لك في المقترح السابق

[قاسم المطوع]

شوف اخوي .. في طريقة مفيده جدا وبحثت انا فيها ولكوني موظف مثلك .. لقيت شبه ثغره في النظام ممكن يفيدك .. ركز معاي وان شاء الله بفيدك ..

اولا .. عزيز التقديم للابتعاث من السعودية يتطلب التالي .. انك ماتكون موظف ولا طالب .. في اي معهد او جامعه . حلو وبما انك موظف ف ماتقدر .. لان كل وزارة هي الي تبعث موظفينها ..

ثانيا .. هالشرط الي ذكرته فوق ماهو موجود .. للي يحول للمحلقيه

ف الطريقه الافضل كالتالي

تقدم اجازة استثنائية .. وتكتب في الاجازة اجازة استثنائية للدراسه .. وتكون للماجستير 3 سنوات .. جميل

وتروح للدولة الي تبيها وبعد 4 شهور قدم تحويل للملحقيه ورفق مع الاوراق الاجازة الاستثنائية وراح باذن الله يشملك البرنامج لان بحثت كثير .. ولقيت انها هذي الطريقه .. في كثير موظفين تحولو .. بدون ماتستقيل ولا شي واذ رفضو . ارفع استثناء .. وكثير رفعو استثناء ونقبلو .. ويبقلك التوفيق .. وهي مغامره ..


وبالتوفيق ي عزيزي

[قاسم المطوع]

المشاركة الأصلية كتبت بواسطة alshathani

اجازة بدون راتب لمدة 6 اشهر، إذا تم قبولك للبعثه استقل واذا لم يتم قبولك بتكون استفدت لغة

هذا الطريقه غير فعاله والسبب . علشان تقدم لازم ماتكون موظف لازم توفي بالشروط يعني اذ مو كامله شروطه ماراح يعطونك اذ موافقين ولا لا .. لكن مافي حل الا الطريقه الي فوق .. الي ذكرتها بالرد السابق ..