[ اسئلة اختبارات ] : رفع ملاحظات مبادئ المحاسبة(1) نموذج c وباقي النماذج أرجوا التفاعل

[خلود عبدالله: )]

السلام عليكم
مثل ماهو مكتوب بالموضوع
اليوم أختبار مبادئ المحاسبة 1 يوجد أخطاء في نموذج c

لذلك يتوجب رفع ملاحظه من قبل الكل والتفاعل
عشان نأخذ درجة عن كل سؤال خطأ المصلحه لنا أولا وأخرا

وهذي صيغة انسخوها والصقوها بالملاحظة عن الاختبار كل واحد يكتب نموذجه والي تذكر رقم السؤال يكتبه والي ما يتذكر يكتب انه في سؤال مكرره الاجابة وسؤال الجواب ناقصه اصفار

هذي الصيغة

نأمل من سعادتكم الأخذ بالاعتبار الاخطاء المطبعية الموجودة بالاختبار نموذج ( c ) وتعويضنا عن درجاتها وهي كالتالي :
سؤال 22 الجواب خطأ لوجود نقص في الأصفار
السؤال 28 يوجد أجابتين متكرره.. وشكرا لكم

[المهندسة نور]

شو هو السؤال المكرر؟؟
كان في مكرر السحوبات المسحوبات بس نسيت السؤال

[خلود عبدالله: )]

المشاركة الأصلية كتبت بواسطة المهندسة نور

شو هو السؤال المكرر؟؟
كان في مكرر السحوبات المسحوبات بس نسيت السؤال

اهلا اختي نور مثل ما كتبت بالموضوع

ارجو من الكل يتفاعل وش فيكم نايمين
بااردين مره مالكم حس ِ

كل هذا من مصلحتنا أحنا

بالتوفيق للجميع

[فني مكافح]

انا لاحظت فيه اخطاء بالاسئله بالطباعه واسئلته فيها تمويه الله يهديه كثيرر هذا بالنسبه لي


وفيه خطأ يمكن مني او من ملخصي او من قرايتي او صحيح خطأ من المدرس يقول

هات صافي المبيعات وبالمعطيات ماعطانا مسحوبات مبيعات ولا خصم مسموح به ولا مردودات مبيعات

كيف بالله نجيب صافي المبيعات من قانونه ؟؟؟

هل هذا خطأ منهم والا من فهمي وقرايتي للبلكه اقصد الملخص
هل تأيدون اللي قلته ؟؟؟


يااارب بس نعديهاا على خير وباقي المواد

[ملكة الماس]

صحيح انا انتبه للاخطاء بس ماعرفت وش اسوي يوم سألنا اللي تلاحظ علينا قالت مدري عنكم وش تسوون

[احمد التماري]

السلام عليكم
انا نموذج b سؤال 32 اجابتين متكرره
كيف الطريقه ابي اسوي اعتراض
اتمنى الافاده وشكرا

[Roje223]

أنا نموذجي A وفيه خطأ بالسؤال اللي فيه من ضمن المعطيات اجمالي المبيعات ورجع يقول فكم يكون اجمالي المبيعات وجلست متردده هو وش يبي اخر شيء طلعت له صافي المبيعات وماطلع نفس الخيارات فاخترت اختيار من راسي ومشيت ما اقول الا حسبي الله ونعم الوكيل لي شهر أذاكر فيه

[رفيف القحطاني]

وانا نموذج e في تكرار يلخبط ويوهق

[فني مكافح]

انا نموذجي e
ولخبطته وقلة حيااا يبي يسقطنا بالغصب

حتى الاسئله يوم تقراه تحس انه خطأ من صياغته لها يعكس الدنياا ويشقلب السؤال ويجيبه تلميح تقل ماودك تجاووب ماهو شفاف ومباشر باسئلته
حسبي الله ونعم الوكيل


ادخلو خدمات طلابيه وملاحظه على الاختبارات

[يوسف اليوسف1]

فعلاً فيه أخطاء سألت فيها المراقب عشان يسجلها كملاحظة قال ماعليك من السؤال اهم شي الأجابة
انصدمت من رد المراقب و أثرت علي حتى في الأجابة
الله يعوضنا بخير