[ استفسار ] شباب لازم نرفع تظلم على الاخطاء في اسئلة تاريخ الخليج العربي

[ـآلـجـنـرآلـ]

المشاركة الأصلية كتبت بواسطة % الجنوبي %

اي خطأ في ورقة الاسئلة من حق الطالب رفع شكوى .. حتى تحسب الدرجة لصالح الطالب

لو لك نص درجة طالب بها من حقك والاخطاء الواردة في امتحان تاريخ الخليج .. غلط يتحمله الاستاذ من حق

الطلاب ان ينصفون وتعطى الدرجة لصالحهم .. انا بالنسبة لي رفعت اعتراض عبر الايقونة المخصصه

اوافقك الراي وبشده

كيف صيغتك بالاعتراض علشان الذي يبي يعترض يرسل نفس كلامك

وبعدين صحيح الدكتور ماقصر والله يجزاه خير

وهذا الاعتراض حق من حقوق اي شخص وماراح يضر الدكتور بشي بالمره وش بكم فاهمين الموضوع غلط الشكوى فقط بسبب غلط بالاسئله

ابن ادم ماهو معصوم عن الغلط الله يجزاكم خير

ودرجه ونص درجه تنفع الجميع ومن حقهم يطالبون فيها لرفع المعدل

[أبو سومي]

يا اخوان التظلم لا يعني معاقبة الدكتور والخطأ الوارد في الأسئلة قد لا يعلم عنه الدكتور وتحرم نفسك من درجة قد تكون بالنسبة للبعض نجاح في المادة.

لذلك حين نتظلم ننبه الإدارة عن وجود خطأ ثم تقوم الإدارة بمراجعة هذا الخطأ مع الدكتور ويتم إسقاط هذا السؤال عن الجميع ولن يكون هناك إي معاقبة للدكتور .

لا تتوقع أن الدكتور ينتظر العطف منك فالعكس صحيح .

[ابراهيم الحفير]

بصراحه يعطيه الف عافيه وماقصر

وانا بروح ارفع شكر للدكتور يستاهل بيض الله وجهه

[منشنات]

الدكتور ما قصر اسئلته حلوة كثير ..ولا تنسون ..د.صابر فكروا قبل التظلم

[.Perfect]

اللي فهمته من هالموضوع ان اغلبكم يتعامل بأنانيه ,
اللي مايبي يرفع تظلم وعادي عنده يفكنا من شره ويسكت ,

واللي رفعو تظلم الجنوبي او غيره عطونا صيغة تظلمكم

[مايا الشمري]

الدكتور ماقصر اسالته جدا سهله حتى لو حصل غلط مانرفع شكوى او تظلم بل نرسل يصحح الغلط

في طريقه افضل ... هو ما ظلم بس غلط املائي .. برأي نرسل تصحيح الخطا بايميله او احد المتخصصين بالموضوع ..
وسلامتكم ..

[جلوي المسحل]

فيه بنت فوق متفلته بالحيل ولا تعرف تكتب صيغة بالاعتراض ولا تعرف اصلا وش الخطأ

بس مع الخيل ياشقرا هههههههههههه


وجهة نظر وكتبناها انها ماوقفت على سؤالين ولابد تتقبل .. مو يالاخر تقلبها حراج

[.Perfect]

المشاركة الأصلية كتبت بواسطة مايا الشمري

الدكتور ماقصر اسالته جدا سهله حتى لو حصل غلط مانرفع شكوى او تظلم بل نرسل يصحح الغلط

في طريقه افضل ... هو ما ظلم بس غلط املائي .. برأي نرسل تصحيح الخطا بايميله او احد المتخصصين بالموضوع ..
وسلامتكم ..

التظلم هذا دوره !
الدكتور طلعت من يده الاسئله وصارت بيد الجامعه والتصحيح الالي .
ننبه ادارة الجامعه بالخطا وهم يتواصلون مع الدكتور ويحددون سياسه تضمن لنا الدرجتين اللي راحت

التظلم ماراح يأثر على الدكتور ابد ترا لاتفهمون غلط

[.Perfect]

المشاركة الأصلية كتبت بواسطة جلوي المسحل

فيه بنت فوق متفلته بالحيل ولا تعرف تكتب صيغة بالاعتراض ولا تعرف اصلا وش الخطأ

بس مع الخيل ياشقرا هههههههههههه


وجهة نظر وكتبناها انها ماوقفت على سؤالين ولابد تتقبل .. مو يالاخر تقلبها حراج

قل خيراً أو أصمت !
نبي نوحد الاعتراض ودام الموضوع مايهمك وماتبي الدرجتين مانت مجبور ترد

[أبو سومي]

فرقوا بين التعليم والفزعات يا أخوان :d