مشروع البحث وما أدراك

[تركي بن فهد]

هي من دكتور لدكتور والله يعينكم ان كان عند محمود هلال
ميزة محمود هلال انه يعطيك خيارات كثيره وعلى كيفك بس بشروط ما تتعدها مثل النسخ والخط وعدد الصفحات ،داح يبينها في محاضراته
وعيبه انك ما تدري بتعجبه المراجع والخطه والا لا لان كذا بتتوهق

بالنسبه للي يقول يسويه عند واحد ثقه اهم شي مجربه احد يثق فيه من قبل

والله يوفق الجميع ،تكمل الافراح لباقي الخديجين وتتعدل النتايج ان شاء الله

[ابن السلطان]

بالنسبة لي باخذه السمستر القادم بسابع عندي اخوي يدرس دراسات عليا ان شاء الله بمساعدته اعدي هذه المادة
اصبحت مادة بحث التخرج فوبيا يعاني منها اغلب الطلاب الله المستعان

[فيلسوف الكلمة]

مشاريع التخرج سبب عبء كبير على الجامعة والطلبة فكونا منها باي طريقة او اخرى

[ام فيصل الشهري]

انا عند محمد هلال ولا استشرته في الموضوع ونجحت بتقدير ممتاز بس بصراحه مو انا الي سوى البحث وحده تسوي مشاريع تخرج وكل الي تسوي لهم ياخذون ممتاز .

[أم رند@]

البحث سهل من ناحية ان الطالب يكتبه بأسلوبه بس يحتاج وقت وتفرغ
والخطة واضحة يمشي عليها بالتسلسل ؛ والجزء الاحصائي ممكن اي مكتبة او شخص متخصص يسويه لكم
المقرر من مسؤوليتكم و لابد تعملون عليه وتجتهدون فيه بإلي تقدرون عليه
حتى لو تاخذون اي بحث وتكتبونه بأسلوبكم دون تكرار الجمل والكلمات وتاخذون كذا مرجع بدون نسخ منه طبعا
الأهم لاتثقوووون بأي شخص حتى لو حلف لكم بالأيمان

كذا شخص أعرفهم توهقوا ورسبوا و نسبة النسخ واصلة 80٪ واللي سووه لهم يحلفون مانسخوا !!

الأمور سهالات إن شاءالله و لاتكبرون الموضوع .. أغلب من رسب مسوينه عند أشخاص مايخافون الله أو فاهم إن المراجع عادي ينسخ منها وهو غير مسموح تجاوز نسبة النسخ 25٪ ويعتقد ان الرسوب اذا كان انتحال فقط من نسخ البحوث الجاهزة.

ونادر من رسب ومجتهد فيه وهذا حقه ماراح يضيع بحول الله إذا راجع الجامعة

الله يوفق الجميع و لايحرمكم فرحة التخرج و تذوقون لذة تعبكم .

[um.jood]

حبيت افيدكم بموضوع مشروع التخرج لاني الحمدالله خلصت. منه وتخرجت

اولا قبل ماتاخذونه لازم تاخذون ماده تصميم وتتفيذالبحوث وركزو عليها اذا فهمتوها راح تفهمون وش هو المشروع

هو مو صعب بس الجامعه تعتمد على اليه معينه بالتصحيح مايقرونه كامل بس اهم شي يشوفون الشروط ونسبة النسخ
طبعاانا اول ماطلعت نتيجتي. اخذته فيه 2 لكن لما راسلت الجامعه طلع الملف ماوصلهم والحمدالله ارسلته مره ثانيه واخذت الدرجه

اهم شي. بالمشروع يكون مستوفي الشروط وماتتعدى نسبة النسخ اكثر من المطلوب

وانصح تاخذوه قبل مستوى 8

[✶ جُمان ✶]

المشاركة الأصلية كتبت بواسطة الجــــ@ـارح

الله يعطيك العافية ..

وان شاء الله ناوي اخذه الترم القادم

وان شاء الله متوكلين على الله وربي يكتب الي فيه خير

وانصح الي ماعنده خبره كافيه في عمل البحث يسوية عند مكتبه او شخص يكون ثقة

وعنده خبره لان جامعتنا صراحة ماعاد تعطينا ثقه لكي نعمله بانفسنا ونحاول نفهم التخصص اكثر

لكن امرنا لله . وبنسويه عند شخص عنده خبره . ونريح انفسنا

نصيحة أعدوا بحوثكم باأنفسكم وبتعبيركم أنتم
وأتبعوا الخطوات المشروحة في محاضرات مشروع التخرج مع الإلتزام بتعليمات المشرف
وباذن راح تجتازون البحث وبتفوق

اما من يعتمد على مكتبات أوأشخاص راح يتوهقون خصوصاً في مسألة الإنتحال ...
والله يوفق الجميع

[برج التطور]

الله يوفقكم ويسر أمركم حياة الجامعه بتسير حلم يوم من الايام

[✶ جُمان ✶]

المشاركة الأصلية كتبت بواسطة برج التطور

الله يوفقكم ويسر أمركم حياة الجامعه بتسير حلم يوم من الايام

أحسنت ...

ستبقى ذكرى وبإذن الله جميلة ...

بارك الله فيك ...