ملتقى الخريجين للبحث عن الماجستير

[أميرة الشرقية]

[quote=ربي يوفقنا;12516706 اما موضوع بريطانيا هل بتدرس على حسابك طول الفتره او انك ناوي تدرس بعدين تنظم للبعثه او ناوي تروح ابتعاث دايركت من هنا على حساب الدوله ووش التخصص الي ناوي عليه .. حدد علشان اقدر افيدك بالي عندي وترى القبول فيها صعب ولكن مو مستحيل




السلام عليكم

اخوي انا ابي اعرف عن طريقة الابتعاث لو كان على حسابي وبعدين انظم للبعثه على حساب الدوله كيف الطريقة - وابي اعرف هل في مجال للخريجات علم اجتماع انتساب ان من البداية اقدر اسجل دايركت على حساب الدوله او لا ؟؟؟!! جزاكم الله خير
انا باقي لي سمستر واتخرج والحمدلله معدلي مرتفع بس ابي اعرف من الحين اضمن الماستر ولا؟ 😁

[همسة الصمت]

القبول في بريطانيا مش صعب قلت لكم انا اعرف واحد هناك يضبطكم باذن الله ونزلة رقمه في موضوع لاخت حياه الي تكلم عن التوفل والايلتس اذا ماحجبته الاداره

[3ANKTTAFIK]

[ربي يوفقنا]

السلام عليكم

اخوي انا ابي اعرف عن طريقة الابتعاث لو كان على حسابي وبعدين انظم للبعثه على حساب الدوله كيف الطريقة - وابي اعرف هل في مجال للخريجات علم اجتماع انتساب ان من البداية اقدر اسجل دايركت على حساب الدوله او لا ؟؟؟!! جزاكم الله خير
انا باقي لي سمستر واتخرج والحمدلله معدلي مرتفع بس ابي اعرف من الحين اضمن الماستر ولا؟ 😁[/QUOTE]

وعليكم السلام
بصراحه تخصصك مثل تخصصنا عيال البطه السوداء الابتعاث صعب جدا بسب امتداد التخصص في السابق كان لكم اكثر من امتداد ومنها علم الاجتماع الاكلينيكي وتقريبا التسويق وكثير لكن السنتين الي راحت جات انظمه غيرت كل شي وتقريبا السنه هذي الابتعاث راح يكون اقل سنه من بدايه برامج الابتعاث بسبب نظام بعثتك ووظيفتك والتضييق على اغلب التخصصات وراجعي هالرابط وشوفي علم الاجتماع والانجليزي مالهم ذكر
http://he.moe.gov.sa/ar/studyaboard/...S10Majors.aspx
وممكن يكون كلامي الي بقوله الان خطأ لكن من مصدر في التعليم العالي ان تقريبا ماراح يردون احد وقت تدقيق الاوراق اهم شي تختار مسار قريب لتخصصك لانهم راح يدرسون كل حاله لوحدها ( يعني على حسب واسطتك وثانيا على حسب المقاعد ) وطبعا هذا كله لانهم وقفو الابتعاث على البكالوريوس ماعدا الطب وتم تقليص تخصصات الماستر والدكتوراه والدبلوم العالي فالمقاعد راح تكون متوفره ان شاء الله

المشاركة الأصلية كتبت بواسطة همسة الصمت

القبول في بريطانيا مش صعب قلت لكم انا اعرف واحد هناك يضبطكم باذن الله ونزلة رقمه في موضوع لاخت حياه الي تكلم عن التوفل والايلتس اذا ماحجبته الاداره

اختي ما اختلفنا ان الرجال هذا بيسهل الموضوع هناك لكن انا يوم قلت صعب اقصد بعد ان الملحقيات الثقافيه في بريطانيا ماتستقبل احد من الطلبه الجدد الا بشق الانفس والانظمام للبعثه بعد اصعب لكن مو مستحيل ومن شروط الابتعاث الاساسيه الان هو موافقه التعليم العالي على دراستك قبل لاتروح هناك والتعليم العالي تقريبا ماعنده الا امريكا كندا استراليا الا ماشاء الله يعني البلا من عندنا هنا اذا انحلت اموركم زانت اموركم هناك .. وبالتوفيق للجميع

[همسة الصمت]

شوف من خبراتي مع اصحابي وصحباتي من جنسيات كثيييير كانو يرحون ويقدمون القبول واول كورس يجيب النسبه ويحول على الدوله

[vip-1]

المشاركة الأصلية كتبت بواسطة alqahtani

متى اختبار القدرات للجامعيين واللغه ؟؟

متاح تسجيل الان ( محوسب ) من تاريخ ١ الى ٢٢ رمضان .
نصيحه سجلوا الفتره الماضيه كان الاختبار سهل نوع ما وكان الكمي قليل وحتى الكمي كان سهل.


اختبار القدرات المحوسب متواجد طول العام اما الورقي هو الذي له تاريخ محدد وانصح الجميع بالاختبار المحوسب لاسباب منها.


-لا يلزم ان تنتظر احد متى ما وصلت لمقر الاختبار تبدأ في الاختبار مباشرة اهم شي عدم التاخر عن الموعد المحدد مثلا: اختبارك الساعه ١٠.٠٠ صباحا وصلت للمقر الساعه ٩:٠٠ مباشرة تبدأ الاختبار ولا تنتظر حتى الساعه ١٠:٠٠.


-الهدوء في قاعة الامتحان.
- لا يلزم تعبئة الاستماره ( نفس استمارة جامعة الملك فيصل انتساب) اكيد تذكرونها ام دوائر.
-النتيجه تطلع بعد اربع ايام او اسبوع بالكثير.
- خفف من اغراضك الشخصيه لانك ماراح تدخل معك شي في القاعه الا بطاقة الاحوال الباقي راح تحطها في الدرج.
- رسوم الاختبار ٢٠٠ ريال والتسجيل المبكر ١٥٠ .


واي استفسار عن اختبار القدرات انا جاهز .. ما عدا وش الاسئله الي جت في الاختبار .

[ربي يوفقنا]

المشاركة الأصلية كتبت بواسطة همسة الصمت

شوف من خبراتي مع اصحابي وصحباتي من جنسيات كثيييير كانو يرحون ويقدمون القبول واول كورس يجيب النسبه ويحول على الدوله

هذا النظام لزمن الطيبين لكن الان اختلف الوضع ومايروح الواحد هناك حتى لو على حسابه الا وهو ماخذ الموافقه من هنا فهل راح يعطونه الموافقه بالسهوله لبريطانيا او لا هنا السؤال ؟؟؟

[المستقبل المشرق]

المشاركة الأصلية كتبت بواسطة ربي يوفقنا

هذا النظام لزمن الطيبين لكن الان اختلف الوضع ومايروح الواحد هناك حتى لو على حسابه الا وهو ماخذ الموافقه من هنا فهل راح يعطونه الموافقه بالسهوله لبريطانيا او لا هنا السؤال ؟؟؟

قبول الدراسة على الحساب الشخصي سهل وميسر واعرف اكثر من شخص طلعها في اسبوعين او اقل. مربط الفرس هو الانضمام لا سافرت. يعني اللي يبي يدرس ومعاه فلوس تكفيه
لمدة سنه ونص او سنتين يتوكل على الله اما الشخص اللي حاط في باله تكاليف 5 او 6 اشهر فقط فهذا وضعه
صعب بسبب تغيير الانظمه

[ربي يوفقنا]

المشاركة الأصلية كتبت بواسطة المستقبل المشرق

قبول الدراسة على الحساب الشخصي سهل وميسر واعرف اكثر من شخص طلعها في اسبوعين او اقل. مربط الفرس هو الانضمام لا سافرت. يعني اللي يبي يدرس ومعاه فلوس تكفيه
لمدة سنه ونص او سنتين يتوكل على الله اما الشخص اللي حاط في باله تكاليف 5 او 6 اشهر فقط فهذا وضعه
صعب بسبب تغيير الانظمه

سنه ونص او سنتين وش باقي خلاص اخذت الماستر بفلوسي ليش انضم للبعثه ؟
واختي تقولين بسبب تغيير الانظمه. . هل عندك خبر في الانظمه الاخيره وطريقه وشروط الابتعاث على الحساب الخاص والانظمام للبعثه اتمنى تتطلعين عليهم وراح تعرفين معنى كلامي السابق ... واذا كان عندك احد ابتعث من قريب بعد هالشروط وقاصد ينظم للبعثه اتمنى تفيدينا بالطريقه علشان الكل يستفيد ... وان كان قصدك الواحد يطلع على حسابه الشخصي لكامل المده ولاهمه الانضمام للبعثه فما يحتاج اسبوعين القبول في 72 ساعه راح يجي كلها شغله ايميل بالطلب وارسال المستندات .. اتمنى الصوره واظحه للجميع

[المتردد 15]

أنا متخرج من الترم إلي راح مب هذا الترم ..

ولحد الحين بس أفتح المنتديات وأقرا ولا أستفيد ، ولا أدري شنو إلي لي وشنو إلي عليي !!


لأني بصراحه متخرج إنتساب وتقديري جيد


مشكلتي إن إنجليزيتي مش قويه ، و أدور على ماجستير بالعربي ، لدرجة إني أبغا آخذ ماجستير شريعه لأن بيكون عربي


وفوق كل هذا إحتمال يكون صعب عليي آخذ ماجستير شريعه لأن متخرج إدارة أعمال بالبكالوريوس


مستغرب إن بالجامعات مايحطون تخصص واحد بالعربي عاالأقل حق إلي يبوون يآخذون ماجستير بالعربي


والمشكله ماوقفت على هذا !! ، المشكله حاطيين من الشروط إختبار توفل و آيلتس


وياريت لو الإختبارات سهله يحطونلنا a و an أو مثلاً are و is لأ .. حاطيين إختبارات معقده وكأن إحنا بريطانيين ، وكأن إحنا ندرس الإنجليزي من الإبتدائي بشكل مكثف !!


لدرجة إني إستغربت ( أستغفر الله ) بمنتدى من المنتديات أشوف مجموعه شباب كاتبيين موضوع إنهم يدوروون على شهادة توفل مزوره لأنهم ضعيفيين بالإنجليزي


لدرجة إني كتبت موضوع بالمنتدى ( لازم لغة الكفار ) .. بعدها قاموا الكل وتهجموا وحسسوني إنهم بريطانيين !!


شنو الحل ؟؟




مع العلم إن في بالرياض ( جامعة دار العلوم ) .. لكن تكلفتها خياليه !!