استفسار عن تحديد مستوى الطالبات + السنه التحضيريه : في كلية سعد ( 2015 )

[Amina Saleh]

السلام عليكم

انا تعديت المقابله الشخصيه وحددو لي تاريخ الاختبار بيكون 18 / 10 / 1436 هـ

سؤالي : عن اختبار تحديد المستوى
الطالبات اللي مسجلين بـ كلية سعد سواء تمريض او أدارة معلومات . [ 2015 ]

- كيف كان الإختبار ومن شنو يتكون ؟
- يختبرون الطالبه لحال , مثل المقابله الشخصيه ولا جماعي ؟
- بعد الاختبار وش سويتو هل مطمئنين من درجاتكم ولا

- السنه التحضيريه بيكون جميع التخصصين يدرسون مع بعض
ولا كل تخصص سنته التحضيريه تختلف عن الثاني ؟

اللي فهمته من المقابله الشخصيه إن أدرس سنه او سنتين والله ضيعت كم مواد عامه
وبعدين سنتين التخصص واخر شي الأمتياز ! هل هذا صحيح

- الفاونديشن يشمل ال 5 سنوات ؟

وبس هذا استفساراتي
ياليت اللي عنده معلومه متأكد منها يكتبها *
يعطيكم العافيه

[Amina Saleh]

احد يعبرني :(

[Miss Ice]

المشاركة الأصلية كتبت بواسطة أمينه الطويله

السلام عليكم

انا تعديت المقابله الشخصيه وحددو لي تاريخ الاختبار بيكون 18 / 10 / 1436 هـ

*مبروووووووك

سؤالي : عن اختبار تحديد المستوى
الطالبات اللي مسجلين بـ كلية سعد سواء تمريض او أدارة معلومات :s_45: . [ 2015 ]

تمام توهم فاتحين القسم الثاني ... صار لي سنتين اسمع به .. الله يوفق للجميع

بالنسبة للأسئلة .. راح اجاوب باللي يخص التمريض .. و انتي لازم تستفسري كمان لان كل سنة او بالاخص كل سمستر تتغير القوانين

- كيف كان الإختبار ومن شنو يتكون ؟

الأختبار على سنتي كان اسمة pet وهو عبارة عن اختبار باللغة الانجليزية و يتكون من اربعة اقسام .. قراءة ، أستماع ، كتابة ، محادثة مع بنت ثانية
- يختبرون الطالبه لحال , مثل المقابله الشخصيه ولا جماعي ؟

نعم كل طالبة لوحدها .. ما عدا المحادثة .. و المقابلة شخصية
- بعد الاختبار وش سويتو :looking_anim: هل مطمئنين من درجاتكم ولا

بالنسبة لي ما عديت لاني ما نظمت وقتي في حل الاسئلة ... بس عدته ثاني مرة و عديت

- السنه التحضيريه بيكون جميع التخصصين يدرسون مع بعض

السنة التحضيرية للتمريض تكون اختيارية (اذا ما عديتين اختبار التمريض ) او انك تريدين تدرسينها.. وهي على حسابك الخاص
ولا كل تخصص سنته التحضيريه تختلف عن الثاني ؟

لا اعلم الافضل تستفسري

اللي فهمته من المقابله الشخصيه إن أدرس سنه او سنتين والله ضيعت كم مواد عامه
وبعدين سنتين التخصص واخر شي الأمتياز ! هل هذا صحيح

- الفاونديشن يشمل ال 5 سنوات ؟

بالنسبة لدراسة التمريض هي اربع سنوات دراسة .. و السنة الخامسة امتياز .. اما الفاونديشن يعتبر سنة لوحدة او سمستر ... اتمنى اني فهمت شنو تقصدين
وبس هذا استفساراتي
ياليت اللي عنده معلومه متأكد منها يكتبها *
يعطيكم العافيه

الله يعافيك

المنتدى فيه معظم الاستفسارات التي تخص التمريض ... بالنسبة للقسم الثاني الجديد .. ما فيه اي معلومات .. لهذا اللي تعرق اي معلومات عن هذا القسم تكتبها لنا