[ مذاكرة جماعية ] : لكل طلاب وطالبات مستوى الاول ارحبووووو

[beesho0o]

مرحبا الساع للجميع .. كيفكم ان شاءالله اوضاعكم في السمباتيك
اول حاجه راح اقولكم اياها كل موادكم سهله ممتنعه بما انها جديده عليكم
كثير منكم مو عارف وش يسوي وهو للحين مابدا انا راح اساعدكم بهالموضوع بالقدر اللي اقدر عليه
عندكم 5 مواد فيه منها السهل جدا وفيه منها السهل الممتنع ولكن الحمد لله مافيه اي صعوبه بموادكم لاتخافون لاتحاتون لاتشيلون هم ابد كنت بوضعكم وكنت 24 ساعه احاتي وتحسفت ع الاوقات اللي كنت احاتي فيها بعد ماشفت الاسئله
المواد كالتالي ياحلوين :
الرياضيات + اقتصاد جزئي + قانون + ادارة + محاسبة


طبعا ارفقت لكم بالمرفقات ملف وورد حلو جدا وهو عباره عن جداول بأسماء موادكم اطبعوها واي محاضره تحملونها حطوا تشيك او علامة صح عند رقم المحاضره وكذلك المناقشات والواجبات اي مناقشه او واجب تحلونها حطوا علامه عليه ع اساس ماتتخربطون


لخلصتوا تحميل وحل وكل شي رحوا المكتبه واطلبوا محتوياااات موادكم ركزوا قلت المحتويات ذاكروا من المحتويات فقط اللي يشرح عليها الدكتور وماله داعي للكتب ماراح يجيب لكم شي خارج شرحه وايضا اطلبوا اسئلة الاعوام السابقه لكل ماده من المكتبه


الحين اتفقنا على التحميل والحلول وشرينا المحتويات نجي للمذاكره وطريقتها ...


للرياضيات / تابعوا المحاضرات بس افهموا طريقة الحل بعد كذا وقفوا الفيديو وحاولوا انكم تختبرون انفسكم وتحلون اي سؤال من الامثله


الاقتصاد الجزئي / دكتور حسن الهجهوج هو اللي كان يدرسني دكتور اتعب وانا اقول راااائع بتنلحسون شوي لان الماده جديده بس ابدا لاتخافون واصلوا حضور المحاضرات وبس تخلصون راجعو من اسئلة الاعوام السابقه تراه يكرر كثير كثيييير


القانون / انا حملت محاضراته لكن للامانه ماحضرتها ابدا ولا اعرف شكل الدكتور بس ذاكرت المحتوى كان جدا جميل والاسئله اجمل بكثير وسددت ال a+


الاداره / نفس الموضوع ذاكروا المحتوى واذا استصعب عليكم فهم شي شوفوا بأي محاضره وافتحوا الفيديو تبعها وتابعو الشي اللي مستصعب عليكم وللمعلوميه حضور محاضرات لمواد مالها داعي راح يضيع الوقت ع الفاضي في دكاتره لوك لوك شوي الله يجزاهم خير


نجي للمحاسبه / اخنقتني العبره لان الدكتور اللي درسني توفى دكتور اكثر من رائع وكان مسوي بنهاية كل محاضره اسئلة اختبر نفسك وكانت المحاضره رقم 14 عباره عن مراجعه شامله انا طبعا حضرت المحاضرات وفهمت ولكن ركزت ثم ركزت ثم ركزت على اسئلة اختبر نفسك والمحاضره رقم 14 اللي هي المراجعه وثلاث ارباع الاسئله كانت منهم


ياقوم جميييييييع المواد اذا انتهيتوا من مذاكرتها راجعوا اسئلة الاعوام السابقه خصوصا اذا كان دكتور الماده هو نفسه دكتور الماده للسمستر اللي قبلكم


لاتخافون ولاتخلون التوتر والارتباك يسيطر عليكم تتحسفون بعدين لانكم بتعرفون ان المواد كانت جدا سهله وانتم كبرتوا المواضيع وفاقمتو الامور


اسأل الله لي ولكم التوفيق والنجاح

[Ninna]

عزيزتي يعطيك العافيه ع الموضوع الجميل , جد محتاجين كلام زي كذا احسه يخفف من توتري لما اقرا تجربة احد كان بمكاني وجد استفدت من كلامك ماقصرتي حبيبتي والله يوفقك ويفتحها عليك ونشوفك متخرجة وبامتياز

[beesho0o]

المشاركة الأصلية كتبت بواسطة 1dammamm

عزيزتي يعطيك العافيه ع الموضوع الجميل , جد محتاجين كلام زي كذا احسه يخفف من توتري لما اقرا تجربة احد كان بمكاني وجد استفدت من كلامك ماقصرتي حبيبتي والله يوفقك ويفتحها عليك ونشوفك متخرجة وبامتياز

حبيبتي ع هالدعوات الجميله ولك مثل ما دعوتي لي به الله يوفقنا جميعا ونفرح بأطلق النتايج

[اغلى ماخلق ربي]

ي عطيييييك العااافيه ي قلبي
ماااتقصري

[maha_1122]

....





ياازينك والله ...نحتاج كذا دفعاات معنوييه تخفف عننا القلق

[sereen1400]

يسعدلي مساگم .. طيب ي عيني عادي اخذ المحتويات مش نفس الدكتور

[نجلاء العيد]

الله يوفقكم يارب

[Amal11211]

يعطيك العافيه بتوفيق للجميع يارب ❤️

[عنود العيد]

الله يرحب بك
آهه يعطيك العافيه م قصرتي ربي يسعدك ي شيخه
موادنا سهله الحمد لله بس المحاسبه
الله يسهلها لنا ويوفقنا جمممميع يارب

[om-Lana]

يعطيك العافية يالغلا