تم قبولي لاكمال الماجستير في امريكا ( خرّيج الترم هذا )

[سبحان لله]

المشاركة الأصلية كتبت بواسطة المتدهور

انت شُل الكتب وانا الطباخ بس خله يأخذنا

يا إنك بتموتني جوع كله اندومي محروق هههههههههههههههه
الله يوفقنا يارب ويكتب لنا مانتمنى إذ كان خير لنا

[myking]

ألف مبروووك ياأبو جنى.

أرجو ذكر أسماء الجامعات الثلاث اللتي قبلتك بغض النظر عن اختيارك لكي تفيدنا.

[منتسبه 2013]

الف مبارك عالقبول وعقبال الدكتوراه

[اميره!]

فيه ماستر لعلم الاجتماع؟😢

[استغفر الله 11]

ماشاء الله تبارك الله الله يوفقك وعقبال الدكتوراه ,والله يرزقنا من واسع فضله ياكريم ..

[d77man]

المشاركة الأصلية كتبت بواسطة أبو جَنىَ

السلام عليكم ورحمة الله وبركاته

مثل ما هو واضح في العنوان ، انا مُقيم في الولايات المتحدة وراجعت عدد من الجامعات وتم قبولي في اغلبها ولكن فضّلت احدى الجامعات نظرًا لسهولة اجراءات التسجيل وعدم طلب اختبارات للقبول كالتوفل والgre، وراح ابدأ دراستي الشهر هذا بإذن الله في تخصص جميل وأجد نفسي فيه كثيرًا بعد اللغة الانجليزية ، وعندي كامل الإلمام باجراءات الملحقية الثقافية والاجراءات المطلوبة قبل بدء الدراسة واللي يبي اي استفسار عام او خاص يراسلني في الموضوع او في الرسايل الخاصة ولكم كل وقت كردّ جميل لهذا الصرح الذي كان له كل الفضل بعد الله علي في مسيرتي في الجامعة ونجاحي واستحقاقي لمرتبة الشرف والتخرّج بامتياز .

طبعًا التحضيرات كلها كانت قبل التخرّج وتم التنسيق معهم على البدء في نهاية شهر 1 ميلادي اللي هو الشهر هذا ، ولكن فيه موضوع محيّرني ، متى يُطبع تاريخ التخرّج على الوثيقة ، لأن ما ودّي يتعارض مع تاريخ تسجيلي في الماستر ؟! اللي يقدر يفيدني ، وهل الجامعة مفتوح العمل فيها الايام هذي لان ودي اراجعهم دام اني متواجد فالسعودية الاسبوع هذا ؟ .

ابوجنى الله يوفقك ويسعدك ويسهل امرك

ياليت ترسل لي رقم جوالك او ايميلك للأهمية القصوى
لاني ما اعرف ارسل خاص لك
ولَك جُل التقدير

[Student Taste]

المشاركة الأصلية كتبت بواسطة ريما..

ما شاء الله تبارك الله
عقبال جامعات بالسعودية تفتح دراسة الماجستير
بالتوفيق

صباح الخير اخت ريما
الجامعات السعودية تقبل طلاب الانتساب لمواصلة درجة الماجستير .
تحياتي ،،،

[mosaqre]

ما شاء الله تبارك الله .. الله يوفقك أخوي ويكمل فرحتك ويعطيك حتى يرضيك أسأل الله تعالى أن ينفعك وينفع المسلمين بعلمك .

[Oxgyeeen]

مبرووووك اخوي ابو جنى ,ونبي تعطينا الخطوات من الصفر حتى تم قبولك للإستفاده واسماء الجامعات الي قلت 3 محتار فيها ,والتكاليف الماديه, والمدينه الي الجامعه فيها , عطنا السالفه من وإلى حتى مانكثر اسئله عليك كل شوي
وبالتوفيق بالماستر ماشاء الله الله يحقق لك ماتتمنى

[ممحمممد]

أشــــــــــــــــــــــــــــــــــــــــم ريحة كذب راح يسوى بحث بأسم الجامعات أمريكا بتــــــــــــــــــرجع لكم هي بترجع أقصد بيرجع هو