 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
|
#1
2016- 2- 6
|
||||
|
||||
|
الصمت حكمه والحكي مصدر إفلاس
علامك صامت وقلت ياناس = كثر الكلام يقل لاجله مقامي الصمت حكمه والحكي مصدر إفلاس = ولقيت في صمتي يزيد احترامي الصمت له معنى وله ذوق وإحساس = مركب نجاتك في بحور الظلامي ترى الرجل صوره من الراس للساس = ثم يتبين جوهره بالكلامي إما نطق في كلمة ترفع الرأس = تضفي على شكله جديد الاسامي وإلا يعود معدنه معدن نحاس = يرميه سهمه بعد ماكان رامي لا صار عندك من ثمينات الألماس = خله بصدرك لين وقت التمامي أخاف يطلعلك من الناس بلاس = وإلا سفيه ما يرد السلامي الله خلق خلقه على عدة أجناس = وكلن يسوقه مذهبه للأمامي والله خلق بالطير قمري وقرناس = ووقت الهدد ما ينغزي بالحمامي لا جال في صدرك من الهم هوجاس = وعينك يحاربها لذيذ المنامي ونفسك عليله والفكر صار محتاس = اترك طمان القاع وارق السنامي عليك بالعالي ليا هب نسناس = يبري الجروح الخافيه والعظامي وخلك لربعك دايم الدوم نبراس = وخص القريب وخص ولد العمامي خلك لهم في داجي الليل مقباس = ولصاحب أصدق من حقوق الغمامي ربعك ذراك ليا لحق راسك الباس = قدم لهم شربك ولو كنت ضامي وخلك لثوب الطيب والعز لباس = واترك دروبٍ تنتهي بالحرامي وفعل الجميل وواجب الضيف نوماس = ومن لا نفع بالضيق نفعه عدامي بيت الكريم أبوابه بدون حراس = وبيت البخيل يعد مثل الهدامي كلٍ بها الدنيا نصيبه بمقياس = ياخذ نصيبه لو جفوه الأنامي التعديل الأخير تم بواسطة DiaMonD 85 ; 2016- 2- 6 الساعة 09:48 PM 
|
|
2016- 2- 6
|
#2 |
|
المشرفة العامة سابقاً
ملتقى الفنون الأدبية 
|
رد: الصمت حكمه والحكي مصدر إفلاس
_ الصمت حكمه والحكي مصدر إفلاس = ولقيت في صمتي يزيد احترامي الصمت له معنى وله ذوق وإحساس = مركب نجاتك في بحور الظلامي كلٍ بها الدنيا نصيبه بمقياس = ياخذ نصيبه لو جفوه الأنامي قصيَده رآئعه جداً ,و العنوآن حكآيه ثآنيه
يعطيك العافيَة يا انيقَه طرح رائع بروعه توآجدك دوتس  |
|
|
|
2016- 2- 10
|
#3 |
|
مراقبة عامة سابقاً
|
رد: الصمت حكمه والحكي مصدر إفلاس
قصيدة رائعه سلمتي ي أنيقة ..
|
|
|
|
2016- 2- 10
|
#4 |
|
متميزة في قسم حواء
|
رد: الصمت حكمه والحكي مصدر إفلاس
..
الصمت حكمه والحكي مصدر افلاس .. قصيدةة جزله لاهنتي عالنقل .. |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
