النجمة تسأل بنات كلية التربية

[النجمة البيضاء]

السلام عليكم ورحمة الله وبركاته
انا طالبة جديدة بالكلية وصراحة ما أعرف كل شي فيها
وأتنمى وأكون شاكرة لكل من يدخل ويكتب أي معلومة
تفيدني حتى لو كانت بعيدة عن أسئلتي:praying:
بدخل طوااااالي وبكتب أسألتي :150:
@ اللبس في الكلية أبيض وأسود ولا لا ... نلبس إلي نبغاه؟؟
@ المواد إلي ندرسها .. ؟ وكيف الجدول ..احنا نسجله ولا هم يعوطونا إياه ؟
@ إذا ممكن طريقة ترتيب الجدول
@ الدكاترة والأطباء إلي يدرسونا احنا نختارهم ولا هم بعد ولو احنا نختار ياليت تعطوني معلومات عن الأفضل والأحسن
@ الدوام من كم لـ كم تقريباً ؟
@ هل لازم نداوم من الاسبوع الأول كله ,, بنات قالوا لي بس أول يوم :o3:
@ هل الدراسة في الكلية سهلة ولا صعبة
@ سؤال أخير كيف أدخل نظام البانر وهو يطلب اسم المستخدم( الرقم الجامعي) طيب والرقم السري من وين نجيبه
أدري طولت وكثرت أسئلة بس تحملوني
الله يوفق إلي يرد على موضوعي ويحقق كل أمنياته
وإلي ما يرد انا ما أحبه:s11:

[إبتسامة خجل]

وعليكم السلام والرحمة

* بالنسبة للبس تلبسين الي تبغينه

جميع الأللوان مسموح فيها

* المواد تمشون على خطة دراسية الجامعة تنزل بوقته

والجدول انتوا الي تسجلوه على البانر

بس لسى مافتح لكم

راح يتاح التسجيل لكم بتاريخ 16 / 10

* بالنسبة الطريقة ترتيب الجدول ان شاء الله راح اوضحها لك >>> تكتب على السريع

* الدكاترة انتي تشوفين المواد الي تاخذينهم والدكاترة الي نازلة اسمائهم وتسألين عنهم

* الدوام انتي براحتك ترتبينة تقدرين ترتبيه من 7,30 الى 12 او يكون مسائي الى 5 او 4 على راحتك

* حتى اول يوم مو شرط بس ياحبذا يوم تطلعين على الكلية

* بالنسبة الدراستك على حسب شطارتك واهتمامك بس العموم سهله

* بالنسبة للبانر الجامعة راح تعلن عبر موقعها عن كيفية تغيير الرغم السري

موفقة

[@ لطوفه @]

وعليكم السلام ورحمه الله وبركاته
حياك ربي
@ اللبس في الكلية أبيض وأسود ولا لا ... نلبس إلي نبغاه؟؟
من ناحية اللبس لبسي الي تبينه اي لون بس يكون ساتر

@ المواد إلي ندرسها .. ؟ وكيف الجدول ..احنا نسجله ولا هم يعوطونا إياه ؟
هناك في خطة اذا حبيتي تتبعينها اتبعيها واذا حبيتي تقللين عدد الساعات هذا يعتمد عليك وعلى قدراتك وجدولك انتي الي ترتبينه على حسب الي يناسبك وانتي الي تسجلين مواد بروحك نفعي نفسك

@ الدكاترة والأطباء إلي يدرسونا احنا نختارهم ولا هم بعد ولو احنا نختار ياليت تعطوني معلومات عن الأفضل والأحسن
من هالناحيه مقدر افيدك عشان الدكاتره كثير ولا اعرف موادك
@ الدوام من كم لـ كم تقريباً ؟
على حسب موادك وساعاتك وترتيب جدولك
@ هل لازم نداوم من الاسبوع الأول كله ,, بنات قالوا لي بس أول يوم :o3:
شوفي قلبي من ناحية الدوام اغلبيه الدكاتره مايحضرون الا من رحم ربي وبنسبه لي الاسبوع الاول اشيل من حسبة الدراسه
@ هل الدراسة في الكلية سهلة ولا صعبة
نص ونص على حسب الدكاتره

@ سؤال أخير كيف أدخل نظام البانر وهو يطلب اسم المستخدم( الرقم الجامعي) طيب والرقم السري من وين نجيبه
حطي رقمك الجامعي والرقم السري اتوقع انتي الي تحددينه (عشان مو انا الي حطيته ههههه )
تراك ماطولتي ولا كثرتي اسئله كلنا كنا محتاجين نعرفها واذا كنتي تبين شيء سئلي واتمني اني افدتك
امييييييييييييييييييين ربي يحقق لي الي ابيه واتمناه ولجميع المسلمين

[النجمة البيضاء]

مشكورات حبيباتي إبتسامة خجل ولطوفة
طمنتوني وريحتوني الله يريحكم

[أحـلآمي هبشه ,!]

طيب انا ممكن اسئل سؤال :)
بالموقع مال الجامعه , مكتوب انه في تخصصات واجد في التربية , وهنا للأسف كل كلامكم عن التربية , اما خاصه او رياض اطفال ,
يعني مافية عليم نفس او تقنية تعليم , بالنسبة حق طالبات علمي ؟!

[إبتسامة خجل]

احلامي التخصص لقسم علمي تو السنة فاتحين فاماعندي خبر عن التخصصات الي فيه

اتمنى حد يفيدك

موفقة

[النجمة البيضاء]

المشاركة الأصلية كتبت بواسطة أحـلآمي هبشه ,!

طيب انا ممكن اسئل سؤال :)
بالموقع مال الجامعه , مكتوب انه في تخصصات واجد في التربية , وهنا للأسف كل كلامكم عن التربية , اما خاصه او رياض اطفال ,
يعني مافية عليم نفس او تقنية تعليم , بالنسبة حق طالبات علمي ؟!

وانا بعد مثلك دخلت الموقع وشفت التخصصات
لما سألت قريباتي قالوا لي يمكن تكون أقسام جديدة <<< والله أتمناها من زمان
مشكورة على المرور

[القلب النابض]

اعتذر! سوف اغلق الموضوع:
عنوان الموضوع يجب أن يدل عليه أو يلمح له ، و يحق للمشرف حذف او اغلاق الموضوع الذي بعنوان مبهم لا يدل على شئ مثل عاجل,هام جدا,المساعدة بلييز....الخ .