استفسارر عن بعض الدكاترة

[العاشق الحيران]

السلام عليكم ورحمه الله وبركاته

كيف الحال يا اخواني واخواتي,

كل عام وانتم بخير ,,وعسااكم من عواده

ابغا معلومات لبعض الدكاترة وياليت تسااعدووني:d1:

السلوك التنظيمي ____محمد الدوغان __او يحضية سملالي

مفاهيم اداره اعمال______امجد الماجد_او __احمد اسامة

نظم معلومات ادارية___ خالد خليل

تجزئه السوق وسلوك المستهلك____عبدالعزيز الحماد

محاسبة 2 ___احمد رجب ___او __خالد عطية

ادارة ترويج والاعلان____نذير عليان

ياليت تكتبون كل حاجه من ايابيات وسلبيات ,,وطريقة شرحه وتعااملة معا الطالب والاسئلة

وابغا اخذ رااايكم ,,,,,,,,,,وش رايكم بالجدول زين ولا ضغط

والله الموفق

[Jony]

محمد الدوغآن / الدكتور ممتآز وملم بالمآدة واللغة الإنجليزية وشرحه وآضح .. أما بالمعاملة ماحد يمدحه ويبيلك تتآبع معآه أول بأول


يحضية سملالي / شرح ومتعة وأداء ومعآملة ومتوآضع الكل يمدح هآلدكتور


نذير عليآن / يمدحونه الصرآحة


وان شالله الأعضاء يفيدونك بالباقي


ملاحظة/ الدكـآتره لم أجربهم بحثت عنهم وهذآ اللي لقيته من الأغلبية


حبيت أسآعدك ...


بآلتوفيق

[انا الدنيا]

صباح الخير :)


انا درست عند دكتور محمد الدوغان السمستر الماضي ..



الدكتور جيد جدا انصحك تاخذ عنده ..


يعطيكم اوراق تدرسون منها ..


اختبار المد واحد بس <<لا تدرس لأن ما بيجيب مقالي ابدا والاسئله بتكون صفحه اختياري والصفحة الثانيه صح وخطأ ..

ممم بعضها من الاوراق عشان كذا اقرأ المنهج قرائه والباقي اسئلة من راسه جاوبها منطقياً ..


بالاختبار النهائي يجيب نفس الاختيارات والصح والخطأ بالإضافه إلى سؤال عملي اذكر السؤال كان ( مدير في جامعه تضم طلاب من بلدان مختلفة ولغات مختلفة كيف يتعامل معاهم وماهي الحلول من وجهة نظرك عشان يكون مدير ناجح :) )


المحاضرات ممله بعض الشئ ..لأن يعتمد اسلوب سوداني بحت يعني يتكلم يتكلم ويقرأ عالبوربوينت وانتم تسكتون ..

بعض المحاضرات يقسمكم مجموعات ويوزع اوراق تحتوي على مشاكل ادارية تناقشونها من وجهة نظركم ..

ويطلب منكم تلخيص مقال او بحث في صفحتين يتعلق بالسلوك التنظيمي :)


الماده ممتعه ومعلوماتها واضحة ومن الحياة :)


بالتوفيق +اعتذر عن الثرثرة ~

[العاشق الحيران]

يعطيك الف عافية على الافاده يا جووني ,,انا الدنيا

وكل الشكر لكم ,,,واتمنا لكم ولاخواني التوفيق والنجاح

[مخاوي الحزن]

نظم معلومات ادارايه للدكتور خالد خليل انصحك انك تاخذه وربي دكتور حبيب يكفي اختباراته الشهريه تقريبا بس 16 صفحه والماده انا اشوفها لو تذاكر 100% صدقني بتاخذ +a

[بندر بن عبدالرحمن]

عليكم السلام ورحمة الله وبركاته
شوف يا طويل العمر راح أحاول اجاوبك باللي أعرفه

السلوك التنظيمي ____محمد الدوغان __او يحضية سملالي
بالنسبه للسلوك التنظيمي الدوغان مادرست عنده صراحه لكن سمعت ناس تمدح فيه ، أما بالنسبه لـ يحضيه فـ هو طيب مره ومتعاون مع الطلاب كثير وماشالله عليه طول المحاضره مبتسم ، وشرحه ممتاز
لكن مشكله أنه يطلب بحوث واجد خصوصاً بـ مادة السلوك التنظيمي تقريباً طلب بحث فردي وبحث جماعي وتلخيص لـ رسالة ماجستير
أما اسئلته فـ كل ماذاكرت أكثر كل ماجاوبت أكثر ، لان اسئلته على قد شرحه ، ومايجيب أفكار كثيره بالاسئله ماعدا سؤال أو سؤالين

مفاهيم اداره اعمال______امجد الماجد_او __احمد اسامة
أنصحك بـ أمجد الماجد تعامله ممتاز مع الطلاب ويراعي الطلاب ويعرف أنه الانجليزي مش ولا بد عند الطلاب ، نظامه يعطيك كل اسبوع 4 اوراق فيها كلمات من 6 إلى 10 تقريباً كلمه بالانجليزي ومعناها بالانجليزي ويطلب منك تترجمها ، والاسبوع اللي بعده كويز عليها ، طبعاً هذي طول السمستر ، بس الكويزات سهله مره وتقريباً على كامل الكويزات 20 درجه إذا ماخاب ظني ، و20 درجه على النصفي ، و10 مشاركه ، طبعاً بكل الاختبارات ماتذاكر غير الكلمات والاختبار كله اختيارات،أما أسامه أحمد مامدحوه الشباب لانهم ماخذين عنده وبصراحه مستواي نفس مستواهم بالانجليزي ومع كذا أخذت قريد اعلى منه

نظم معلومات ادارية___ خالد خليل
دكتور خالد خليل حبّوب مره ، بس مشكله الماده ماتنهضم يعني المحاضره بصراحه مامنها فايده لانها مادة حفظ ، يعني تشتري الملزمه يكفي ، وزود على أن المحاضره مافيها فايده هو اصلاُ شرحه بصوت واطي
واسئلته كلها اختياري ، طبعاً فيه بعض الاسئله يجيبها من وسط السطور لازم تركز فيها

تجزئه السوق وسلوك المستهلك____عبدالعزيز الحماد
بإختصار أي ماده ماسكها هالدكتور خذها وتوكّل على الله وادعي لي

محاسبة 2 ___احمد رجب ___او __خالد عطية
خالد عطيه مادرست عنده ، لكن ما اتوقع أنه افضل من أحمد رجب
شرح ممتاز وتعامل ولا أحلى للطلاب اللي يركزون معه واسئله سهله ومايطلع بره الدفتر ، اول المحاضرات يمكن ينلحس مخك شوي ولا تركّز
بس لا تتضايق لان أول الدروس مقدمه ومراجعه لمحاسبه 1
وهو يحدد لك مع كل اختبارات ايش الدروس اللي معكم ، ولو مافهمت شي يشرح لك وهو مبسوط

ادارة ترويج والاعلان____نذير عليان
الماده ما أعرفها ، لكن واحد من الشباب درس عنده ادارة تسويق ، ويمدحه ويقول أنه حبّوب ، حتى لما سوى بحث ماكان كويس قال له حرام أعطيك درجه مو كويسه وقاله يعيد البحث لو حاب


أتمنى أني أكون أفدتك ، وأي استفسار انا حاضر

[العاشق الحيران]

مخاوي الحزن

يعطيك الف عااافية على الافاده

معا تمنياتي لك بالتوفيق والفلاح

[العاشق الحيران]

be.mine

يعطيك الف عافية يا الغالي
وما قصرت على الافاده

ولك مني خالص الشكر والتقدير

[أشــجــان]

بعد اذنك اخوي العاشق الحيران ابي اسأل عن دكتور سائد يدرس لغه انجليزيه علميه عند الاولاد

كيف اسلوبه وشرحه ..متعاون او لا ؟؟ اللي درسه اوو سمع عنه لايقصرر

[قساوه]

ـــــــآيه تكفون شباب سآعدونا

عطونا معلومات عن الدكتور سآئد اكيد انه درسكم افيدونا افآدكم ربي :111: