إلى متى هالفوضى...!!؟

[AMOON]

انا قدمت اوراقي يوم السبت

وصلت سبعه ونص

الحمد الله ماكان زحمه حصلت رقم ورحت قعدت

صار فوضى بالبدايه بس بعدين تنظم

الحمد الله ربي سهل

بس اللي يقهر كل وحده جايبه معاها العيله الكريمه امها اختها واختها الصغيره واخوها مابقى الا الأبو

الكليه يالله يالله تكفي البنات هالمره الأهل

والأهل هم يسون شوشره بصراحه هذا اللي شفته

الحمد الله الأداره كانوا متعاونين

ويلا بالتوفيق للجميع

[Angelica]

أنا رحت اليوم لهذا المبنى المهدم اللي يسمونه _ كليه _

اول ما دخلت الكليه مكتوب المقبولات يتوجهون للإداره

ومشت علي كذبتهم ورحت للإدارة انتظر شوي قالوا اللي ما عندها رقم تروح لقسم الدراسات

ومشيناها ورحت للدراسات وانتظرت من الساعه 7 ونص الى الساعه 9 الا ربع على ما تكرمت موظفة الأمن وجت

ووزعت 70 رقم بس والبنات حوالي 200 بنت لا وجايبين معهم اهلهم بعد

المهم وجينا بنكلمها تنافخ وتقول اللي ما جاها رقم تجي بكره وخلااااص وخروا عني ما عندي ارقام

روحوا بيوتكم حرام عليكم ذبحتونا << مين قالها ان حنا مستانسين بهالوضع ؟ :no2:

بعدها جت وحده قالت بنات قدموا طلباتكم اللحين بالإداره قلنا ما عندنا ارقام قالت يالله بسرعه استعجلوا عشان يدخلونكم

وصدقنا ورحنا للإداره قالوا روحوا بيوتكم طالما ان ما عندكم ارقام وش تسوون هنا خلاص على بيوتكم

<< والأخت اللي نصبت علينا مدري وش تبي :mh19:

المهم رجعت للبيت حوالي 10 ونص << 3 ساعات من العذاب وكل هذا بدون فايده

والله عذااااااب الله يعينا

بس بكره بروح واتوقع بتكرر نفس المأساه

[حكايا الورد]

يااااربي .. مافي لاتنظيم ولا شي .,

لوو هم من الأساس منظمين البنات على شكل معين مابتصير كل هالمهزلة .,

مثلاً ترتيب هجائي السبت حرف الــ ا-ب -ت وهكذا .,

والله العظيم مسخره

قاعدين من صباح الله خير وآخرتها روحتنا تكون مالها فايده .,

وغير التعامل الحلو من الموظفات .. عيني ماتبي تشتغلي لاتجي تتفلسفي .,

يعني أحنا الا مو تعبانين :011:

[English Student]

:011: حبيباتي ذكرتوني باللي فات

ماشفتو شي للآآن يا بنات..

ياحليلكم والله معترضين على اسلوبهم في اخذ اوراقككم


تراكم ماشفتو شي .. اول الغيث قطره


هنا عااادي بس بتحسون بالقهر لما تجتهدون وتدرسون وتعبكم يضيع هباااااااء منثورا

لما تدرسون وتنصدمون بالنتيجه بااااااقيه او مفصوووووله

تعودو على هالوضع لان بيجيكم شي اردى واصعب.

ونصيحه لا تعترضون ولا تشتكون لانه ماراح احد يسمعكم ولا راح يتغير شي


:011: اسألوني انا السنه بسنتين ..

خاصه ياللي انقبلتو باللغه الانجليزيه بتشوفون الويل ..

:011: لاتشكون لي ابكي لكم

حقوقنااااا ضااااااااااعت وحنا نتفرج ونشكي ولاحد يسمع

[سمــاح]

بنت المملكة ههههههههههههههههههههه شكلك كنتي جنبي بالزحمة .. حكيتي نفس اللي شفته بالضبط

تدري وانا بوسط الزحام كنت مستحية و البنات كسروني ... << لا تلوموني .. من جد في بعض البنات فيهم قلة حيااااااا مو طبيعية

يعني السكورتيه تمد الرقم للبنت تقوم الثانية تسحبه من يد البنات ..

قلت دام فيها قلة ذوق اوريكم مع اني حنيت على بنت قعدت تبكي و دايخة

سحبتها معي ومسكتها زين و درنا مع الدائرون << أوخس ياعربي .. هههههههههه

و لما راحت السكورتيه ورا الباب البنات طلعوا لها على كذااااااا مرتفع و صاروا جنبها ..

و ابعد البنات من قدامي واطلع البنت الي تبكي .. و اطلع وراها خخخخخخخخخ و الله من جد مسخره

صدق حسيت اني همجيه مثلهم لكن لو ما سويت مثلهم بيدعسون علي ... (( محشومه خخخخخخخ ))

و اخذت رقم لي وللبنت و مسكتها لأنها دايخة وتبكي و ضغطت على يدها اقولها امسكي الرقم بقوة لأن البنات

يطالعون فيها بحقد و الله .. اني متوقعة انهم بيسحبون الارقام من بعضهم .. لا تستغربون و الله من جد مضاربة مو طبيعية..

و انتظرنا لين مشوااا من عندنا .. و نزلت أنا والبنت .. وشفنا نور الشمس ....



و بعدين يا بنت المملكة حظك طلعتي بدري ما شفتي قمة الاستهتار و... مدري كيف اوصف طريقتهم

يوم وصلنا 90 ... قالوا تعالوا صفوا طوابير عند الادارة كل قسم بطابور ,... ويدخلون عشر بنات مو بالارقام ..

يعني شلووون امممممممم .. يعني ما تصف الا اللي ماخذه رقم .. بس مايدخلونها حسب ترتيبها ... فوووووضى ...

كان الكلام ذا على 11 تقريبا يمكن طلعت 12,30


و الحمدلله سلمت اوراقي .............. و يا بلادي دحدري والله معاك .. يا بلادي دحدري واحنا وراك

["بنت المملكة"]

المشاركة الأصلية كتبت بواسطة noora

[SIZE="5"]اصابة طالبتين بإغماء وكسر خلال التقديم لـ«بنات» الدمام

احمد العمري - الدمام

نورا
يسلمو على مرورك وتفاعلك

الصراحة فرحتيني يوم جبتي خبر الجريدة..
لأنو في احد ثاني الله يجزاه خير .. شهّر فيهم وفضحهم بالجريدة

المشاركة الأصلية كتبت بواسطة noora

واضاف المواطن حسن جمعان : فوجئت باتصال من زوجتي وابنتي من داخل الكلية وقد انتابتهما حالة من الخوف والهلع بسبب تجمهر عدد كبير من الطالبات وطلبت منهما مغادرة الكلية وعدم اكمال التسجيل .

والله انا جاية من الخبر وصلت الكلية قبل 6 الصباح
وامي قلقانة علي كل شوي تدق علي من البيت..
تقولي ها ...سجلتي:s11:
أقولها لا ماسكة طابور بس قرب يجي دوري:hahaha_2008: انتي نامي>>لاتحاتين.. لاخلصت ببشرك

وهي ما تدري اني داخلة حرب>هع :bngo12:
>>ماكان ودي اقلقها..
اول ما رجعت البيت قعدت اقولها للي صار:s12: وأشكي لها... مرررررة تفاجأت

المشاركة الأصلية كتبت بواسطة noora

فيما اكد المواطن فهد الروقي أن ابنته خرجت من فناء الكلية وعباءتها ملطخة بالاتربة بسبب التدافع الشديد وطالب المسئولين بالتدخل الفوري قبل تفاقم المشكلة .

من هالناحية.. من جد انا كني طالعة من بحر..
مع اني ما كنت ادخل وسط الزحمة :mh19:

["بنت المملكة"]

المشاركة الأصلية كتبت بواسطة زهــ ANGELICA ـرة

حبيبتي الله يعينكم على هالكلية اللي عمرها ماتتغير..

الله لا يسامح المسؤولين عاللي قاعد يصير في البنات..

بس همسة كلية الجبيل تجنن منتهى التنظيم أصلا مافي
زحمة ..ليش إنتي بالدمام؟؟!
:mh19::mh19::mh19:

أنا رحت أمس والحمد لله ماأخذت وقت:praying:..
ولمن أقرا مثل هالكلام أحمد ربي ألف مرة إني سجلت في
الجبيل رغم إن كلية الدمام أقرب لي ..

ماشالله ..الله يوفقك..

والله حاولت اسجل حاسب حق الجبيل..
بس اهلي مررررة رافضيييين

أنا من الخبر
والطريق من بيتنا للكلية اكثر من ساعة..
أحمد ربي ابوي وافق
صحيح إنها مو زي الجبيل.. بس احسن من قعدة البيت:g8:

["بنت المملكة"]

المشاركة الأصلية كتبت بواسطة Sweet Angle

أنا رحت اليوم لهذا المبنى المهدم اللي يسمونه _ كليه _ :

فعلاً خرابة بسانا جيت للكلية مرة العام >زيارة<
شفت البويــات.. والمبنى >>لاااااااعت شبدي
رجعت البيت والدمعة في عيني اقول لأمي ادرس 12 سنة عشان اروح هناك..!؟؟

المشاركة الأصلية كتبت بواسطة Sweet Angle

ورحت للدراسات وانتظرت من الساعه 7 ونص الى الساعه 9 الا ربع على ما تكرمت موظفة الأمن وجت

ووزعت 70 رقم بس والبنات حوالي 200 بنت لا وجايبين معهم اهلهم بعد

المهم وجينا بنكلمها تنافخ وتقول اللي ما جاها رقم تجي بكره وخلااااص وخروا عني ما عندي ارقام

روحوا بيوتكم حرام عليكم ذبحتونا << مين قالها ان حنا مستانسين بهالوضع ؟ :no2: :

مصدقين نفسهم بالمررررة
كنهم هم المساكين وإحنا اللي غلطانين

المشاركة الأصلية كتبت بواسطة Sweet Angle

وصدقنا ورحنا للإداره قالوا روحوا بيوتكم طالما ان ما عندكم ارقام وش تسوون هنا خلاص على بيوتكم

<< والأخت اللي نصبت علينا مدري وش تبي :mh19:

المهم رجعت للبيت حوالي 10 ونص << 3 ساعات من العذاب وكل هذا بدون فايده

والله عذااااااب الله يعينا

بس بكره بروح واتوقع بتكرر نفس المأساه :

أنا بعد رحت السبت ومرة ثانية الأحد..
تصدقين كنت طول اليوم استغفر وادعي واقول:(اللهم ياجامع الناس ليومٍ لاريب فيه اجد لي ضالتي...)
قسم بالله تفاجأت يوم جاني رقم.. اللهم لك الحمد

بس اللي فعلاً قهرنـــي..
وحده من البنات اللي اعرفهم بتنقل الرياض راحت يوم الأربعاء
تسحب ملفها.. الساعة 8 تقريباً
قالت لي: الكلية فااااااااااااااااااااااااااااااااااااااااااااضية
مافيها احد ابداً..إلا كم موظفة
يعني البنات كلهم سجلوا في بداية الأسبوع بالهمجية والزحمة اللي شفناها..:bngo12:وفي الأخير......

الله ياخذكم ..
طيب كان قسمتوا البنات بالترتيب عالأيام

["بنت المملكة"]

المشاركة الأصلية كتبت بواسطة English Student

:011: حبيباتي ذكرتوني باللي فات

ماشفتو شي للآآن يا بنات..
ياحليلكم والله معترضين على اسلوبهم في اخذ اوراقككم
تراكم ماشفتو شي .. اول الغيث قطره
هنا عااادي بس بتحسون بالقهر لما تجتهدون وتدرسون وتعبكم يضيع هباااااااء منثورا
لما تدرسون وتنصدمون بالنتيجه بااااااقيه او مفصوووووله
تعودو على هالوضع لان بيجيكم شي اردى واصعب.

وليش ياماما نحس بالقهر..

اذكر وحده نصحتني وانا بالثانوي..
قالت لي: الساكت عن الحق شيطان اخرس
واكبر ظلم تسوينه لنفسك انك تسكتي وانتي مظلومة وتعيشي مقهورة..
قسم بالله كنت أكره نفسي..يوم اسكت وانا حاسة بالظلم في الثانوي..

المشاركة الأصلية كتبت بواسطة English Student

:011: ونصيحه لا تعترضون ولا تشتكون لانه ماراح احد يسمعكم ولا راح يتغير شي .

أنا ماقول اروح اعصب ولا اهاوش..
لا..
كذا طبعاً غلط.. واكون انا خربت على نفسي..كل شي بالسياسة..وإذا ما نفع..
بالتشهير زي في النت مثلاً.. زي حالتي..وإذا ما نفع..
أمسك سجادتي بآخر الليل وادعي ربي يرجع لي حقي من اللي ظلمتني..
>>ووالله تنفع هالطريقة يابنات.. ودايم اسويها..
والشكوى لغير الله مذلة

وإذا ما استجابت دعوتك
راح تحسين براحة بتقولي يمكن فيها خيرة لي-حسب الموقف-

المشاركة الأصلية كتبت بواسطة English Student

:011: :011: اسألوني انا السنه بسنتين ..
خاصه ياللي انقبلتو باللغه الانجليزيه بتشوفون الويل ..
:011: لاتشكون لي ابكي لكم
حقوقنااااا ضااااااااااعت وحنا نتفرج ونشكي ولاحد يسمع

أنا مسجلة بانجليزي..
ودي اعرف ايش قصدك يوم قلتي احنا بالذات بنشوف الويل..؟؟
وايش الحقوق اللي ضاعت..!!



يسلمو عسولة على مرورك وتفاعلك..

["بنت المملكة"]

المشاركة الأصلية كتبت بواسطة الخبــ ريم ــر

تدري وانا بوسط الزحام كنت مستحية و البنات كسروني ... << لا تلوموني .. من جد في بعض البنات فيهم قلة حيااااااا مو طبيعية:

من ناحية مستحية..زيي
عشان كذا ما كنت اروح للزحمة..لكن الزحمة هي اللي تجيني..:bngo12:

المشاركة الأصلية كتبت بواسطة الخبــ ريم ــر

يعني السكورتيه تمد الرقم للبنت تقوم الثانية تسحبه من يد البنات ..
قلت دام فيها قلة ذوق اوريكم مع اني حنيت على بنت قعدت تبكي و دايخة
سحبتها معي ومسكتها زين و درنا مع الدائرون << أوخس ياعربي .. هههههههههه
و لما راحت السكورتيه ورا الباب البنات طلعوا لها على كذااااااا مرتفع و صاروا جنبها ..
و ابعد البنات من قدامي واطلع البنت الي تبكي .. و اطلع وراها خخخخخخخخخ و الله من جد مسخره

صدق حسيت اني همجيه مثلهم لكن لو ما سويت مثلهم بيدعسون علي ... (( محشومه خخخخخخخ ))
و اخذت رقم لي وللبنت و مسكتها لأنها دايخة وتبكي و ضغطت على يدها اقولها امسكي الرقم بقوة لأن البنات
يطالعون فيها بحقد و الله .. اني متوقعة انهم بيسحبون الارقام من بعضهم .. لا تستغربون و الله من جد مضاربة مو طبيعية..
و انتظرنا لين مشوااا من عندنا .. و نزلت أنا والبنت .. وشفنا نور الشمس ....:

يــ:g8:ـا حركاااااات>>شكلك سوبر وومن

المشاركة الأصلية كتبت بواسطة الخبــ ريم ــر

و بعدين يا بنت المملكة حظك طلعتي بدري ما شفتي قمة الاستهتار و... مدري كيف اوصف طريقتهم
يوم وصلنا 90 ... قالوا تعالوا صفوا طوابير عند الادارة كل قسم بطابور ,... ويدخلون عشر بنات مو بالارقام ..
يعني شلووون امممممممم .. يعني ما تصف الا اللي ماخذه رقم .. بس مايدخلونها حسب ترتيبها ... فوووووضى ...
كان الكلام ذا على 11 تقريبا يمكن طلعت 12,30 :

امكن في القصة ما كنت دقيقة بالوقت لكني طلعت متأخر
وكان رقمي فوق المية بشوي وشفت اللي قلتي عليه..لأني كنت واقفة
عندهم..

بنات العربي اهم اللي يدخلونهم من غير ارقام بس مدري ليه..
امكن لأن موظفات العربي كثيرين..

وكل ماجات بنت تسالهم ينافخون فيها...
قسم بالله في ذاك الوقت في بنت توها تجي
وسالت وحده من الموظفات -مش لابسة بدلة أمن-
تقولها فين التسجيل؟

وإلا ذيك بسم الله ينقلب وجها >تخوف>وت
وتقولها بصوت عااالي : ليه انتي توك تجين ..
خلاااااااص..
ما فيه ارقام
تعالي مرة ثاااانية بكرة
وتعالي بدري من الصبح 6 الفجر
مو تجين زي هالوقت وتسألين..

>>لا تعليق

المشاركة الأصلية كتبت بواسطة الخبــ ريم ــر

و الحمدلله سلمت اوراقي .............. و يا بلادي دحدري والله معاك .. يا بلادي دحدري واحنا وراك

يوووه أعرفها هالإنشودة>>خخ

اذكر العام سووا إحصائية عن التعليم في العااااااااالم
وبلادنا حماها الله اخذت المرتبة الأخيرة بعد جيبوتي

وفوق هذا..
:bngo12:لازم تتضاربي>زينا احنا بنات الكلية<
ولاتشوفي واسطة
:t1:ولاتدفعين فلوس
عشان تسجلي بالكلية أو الجامعة



يمكن على قولة الأخت
عشان يكون لها طعم>>خخخخخخخ
:hahaha_2008:

يسلموو على ردك وتفاعلك..