مشكله

[فلورر]

بسم الله الرحمن الرحيم

ممكن حد يساعدني عندي مشكله صار لها 3 اايام اني مقدر ادخل على المحاضره المسجله

كل ما ادخل يقول لي فيه خطأ من نفس الموقع

وهل ندرس المحاضره المسجله ولا بس المباشره لحالها

ومن يرد علي بكون له شاكره

[يـآرب توفـيـقكـ]

المطلوب منك المحاضرات المسجله + المحتوى

المحاضره المباشره تعتبر اسئلة من الطلبه الى الدكتور

ذاكري المحاضرات اللي نزلت عندكم حالياً وإذا في شيء مو فاهمته اسألي الدكاترهـ في المحاضرات المباشره وهم يوضحون لك أكثر

بخصوص أنك ماقدرتي تفتحين المحاضرات المسجله يمكن لوجود ضغط ع الموقع أو ماعرفتي طريقة فتحها

[abo-3zoooz]

المسجله نفسها المباشرة
ويمكن في ضغط على موقع الجامعة

ارجوا اني افدتك

[ال عتيبي]

نفس المشكلة عندي ابي حل

[abo-3zoooz]

كفيت ووفيتي يا رب توفيقك

اشكرك

[يـآرب توفـيـقكـ]

هذا الموضوع للطلبة الجدد

لايوجد برنامج معين لتحميل المحاضرات والملخصات

تحميل محاضرات الفيديو والملخصات يتم بشكل طبيعي بدون برامج إضافية للتحميل ، مثل تحميل أي ملف من الانترنت.

1- تدخل على موقع البلاك بورد ، هذا الموقع اللي فيه محاضراة الفيديو والملخصات ، تدخل على هذا الرابط

http://lms.kfu.edu.sa/

2 - تدخل رقمك الاكاديمي في خانة اسم المستخدم ، وتحط رقمك السري في خانة كلمة المرور

3- راح تفتح معك صفحة وبتشوف المواد اللي نازلة لك .

4 - اضغط على المادة اللي تبيها ، مثلا التحرير العربي .

5 - بتفتح لك صفحة وراح تشوف على اليمين قائمة مكتوب من ضمنها : محتوى المقرر ( هذي لما تضغط عليها راح تفتح لك صفحة فيها الملخص حق المحاضرة اللي كاتبة لك الدكتور ، وطبعا كل اسبوع تزيد الملخصات حق كل مادة )

الملف يا يكون ملف وورد أو باور بوينت أو اكروبات ريدر .. اضغط عليه بالزر الأيمن للفأرة ( حفظ الهدف بإسم - save target as) وكل اسبوع تسوي نفس الشي .

6 - لازلنا في القائمة اللي على اليمين : اذا بغيت تشوف المحاضرة فيديو ، اضغط على المحاضرات المسجلة ( راح تشوفها في نفس القائمة اللي على اليمين أيضاً )

7 - اول ماتضغط راح تفتح لك صفحة مكتوب من ضمنها مشاهدة المحاضرة المسجلة _ تنزيل المحاضرة المسجلة .

8 - اضغط على تنزيل المحاضرة المسجلة بالزر الأيمن للفأرة ( حفظ الهدف بإسم - save target as)

الآن انت نزلت ملف المحاضرة ، كيف تشوف المحاضرة من خلال هالملف ؟

الملف اللي انت نزلته راح يكون على شكل ملف مضغوط.

اضغط على الملف بالزر الأيمن للفارة واختار (فَـك هنا - Extract Here) ..

بعد ما تكتمل عملية فتح الملف المضغوط راح تشوف مجلد .

ادخل على هذا المجلد بتشوف داخله :

صفحة انترنت + مجلد ( المجلد هذا مهم جدا لأنه هو اللي يدمج لك الصوت بالصورة ويخلي المحاضرة تشتغل ، لاتسوي فيه اي شي)

اضغط على صفحة الانترنت اللي بجانب المجلد ( اذا فتحت الصفحة يمكن يجيك الشريط الأصفر اللي أعلى الصفحة يقول لك هل تسمح بفتح الصفحة هذي او لا ، قول له فتح )

لما تفتح صفحة الانترنت انتظر شوي وراح تطلع لك ثلاث خيارت، اضغط على الاختيار الاول .

وبإذن الله راح تشتغل معك المحاضرة صوت وصورة .

وبإمكانك إعادة مشاهدتها وإعادة مشاهدة أجزاء منها مثل أي ملف فيديو عادي

مجهود
طالب جامعي منتسب

[صوت الحلم]

المشاركة الأصلية كتبت بواسطة فلورر

بسم الله الرحمن الرحيم

ممكن حد يساعدني عندي مشكله صار لها 3 اايام اني مقدر ادخل على المحاضره المسجله

كل ما ادخل يقول لي فيه خطأ من نفس الموقع
ايه في خطا احتمال الخلل من عندهم وراح يتعدل ان شاء الله بس جربي تنزليها لان تنزل

وهل ندرس المحاضره المسجله ولا بس المباشره لحالها
المسجلة مع المحتوى اللي نذاكر منه المباشرة شوفي جدولها واحضريها وراح تعرفي عنها ممكن فيها يقول الدكتور شي مهم

ومن يرد علي بكون له شاكره

بالتوفيق

[فلورر]

شاكره كل من رد علي

انا كنت قبل اشوف المحاضرات

بس تو صايره عندي المشكله ذي