فزعه كويتيه

[babyq8]

شكرا لكم جميعا على الردود الوافيه و أخص الأخ I T A L I A N O

بالنسبه للاعتراف أنا بحاول أسأل وزارة التربية و الخدمة المدنية و أرد لكم خبر

المشاركة الأصلية كتبت بواسطة I T A L I A N O

1 ] بِ النسبة للشهآدة , أعتقد مُعترف فيهآ .. لأنو يدرسون معنآ طلبة وَ طالبآت كويتين !
2 ] تكلفة كل سمستر على حسب عدد السآعآت وَ غآلباً مآيتحآوز الـ 3500 ريآل وَ عليكِ الحسآب
3 ] درآستنآ تآخذ [ 4 ] سنوآت كَ حد أدنى ,
4 ] متطلبآت التسجيل [ بطآقة أحوآلك + شهآدة الثآنوية الأصل + ورقة قبولك + وصل البنك عند السدآد ]
5 ] إذآ آنتي من عشآق التآريخ , مآ أنصحك تدخلينه لأنك بتكرهينه ~> مآش مآفيه تشجيع
لآ من جد حلو تخصص [ علم الإجتمآع , وَ إدآرة الأعمآل ] وَ آنتي لك الخيآر

أتمنى سآعدتك لو بشيء بسيط .. وَ أي خدمة حنآ حآضرين

تخصص علم اجتماع مو شين الغالبيه يدرسونه و لو بحتاج مساعده اكيد راح يسهل حلها بالنسبه للعمله أدق على صراف مو مشكله


----

المشاركة الأصلية كتبت بواسطة مس نوره

هاتي لي جامعه تخلص بَ 3 سنوات
حتى لو فيه صيفي استحاله بَ 3 بس

يعني امطولين

المشاركة الأصلية كتبت بواسطة مس نوره

انا والله ثم والله ثم والله < للتأكيد
للاسف ضيعت 4 سنين من عمري على دراسه تخصص التاريخ
اااااااااه بس يا اربع سنين من عمري ضاعت على تضيعه وقت بهالتخصص
نصيحه لوجه الله شوفي لك تخصص سنع ينفعك والتاريخ ترا مو شين
بالعكس حلو بس مستقبلا ماله اي اهميه هذا من ناحيه ,
من ناحيه ثانيه وش يحسون فيه اللي يدرسون تاريخ بالله

ليش بالعكس التاريخ تخصص جميل في أحداث و قصص و مستقبله معروف مدرسة أما أحساس طلبة التاريخ ف أنا إلى الآن ما حسيت فيه


و شكرا لكم مره ثانيه ...

[SaD HeArT]

مرحبـا babyq8

حياج الله , وأبشري والله بـالفزعه .. إسألي اللي تبين ومالج ان شـالله إلا طيبة الخاطر ,

ما قصروا الأخوات في الشرح والتوضيح ..

وخصوصا الأخت I T A L I A N O اللي أسهبت وردت على أغلب الأمور ,

بـخصوص الإعتـراف ..

أعتقد والعلم عند الله إن الجامعة معترف فيهـا ولكن نوع التعليم واللي هو الإنتساب هو اللي مو معترف فيه ,

والسبب هو الست وزيرة التربيـة موضي الحمـود واللي قفلت أبواب العلم في وجه كل الطامحين والطامحات ,

واللي ظروفهم الحياتية والوظيفية صعبة وما تسمح لهم بالتعليم المنتظم ,

عن نفسي أدري إنها مغامرة ولكني بـإذن الله راح أكمل في جامعة الملك فيصـل إذا الله يسر الأمور ,

ومتى ما خلصت وحصلت الشهادة راح أرفع قضية على وزارة التربية وأطالبهم بالإعتراف بالشهادة ,

ومن هالوقت لي ذاك الوقت لازم نركز على الدراسه ونشد حيلنا فيها , وندعي الله التوفيق والنجاح ,


أخت babyq8

إذا عندج طموح وحابه تكملين دراستج ترى دراسة الإنتساب في جامعة الملك فيصل مناسبة جدا ,

وتقدرين تنسقين وقتج وتضبطين أمورج وأمور الدراسه , والتوفيق إتركيه على رب العالميـن ,

والإختبارات النهائية يالله من فضلك .. كلها إختياري , سؤال و4 إجابات , وعيشي حياتج ,

والحين إفتحوا لنـا مركز إختبار عندنـا في الكويـت , يعني ما فيها سفر و مرمطه و روحه و جيه ..!!

وأما الرسوم .. إذا سجلتي 8 مواد في كل كورس ما راح تكلف عليج أكثر من 220 دينـار .

وعسى الله يوفقـج ويسهل لج أمورج ونشوفج زميلـه لنـا في الجامعة .

[" A L K A D I "]

^
^
^

[~6aliba wbass~]

الخوات ماقصروا
وللاسف ليما الحين الانتساب مو معترف عندنا
وما اعتقد يعترفون فيه دام وزرائنا ووزيراتنا ما يحبونه << امبيه مو ستايل هههههههه
يامعوده خليها على الله .. انتي درسي الحين ويحلها ربج
ماتدرين يمكن جيك بوم ولا معترفين فيه << مع اني ما اظن وممكن اتفائل بكل شي الا هالشغله


sad heart
شخبارك ولد ديرتي ,, عساك بخير ؟!
يا معود اي قضيه ؟ .. انت تتابع برنامج رايكم شباب؟
شفت لكويتي المبتعث للخارج ؟!
احم احم << مابي اكمل بس قول لي اذا شفته او لا ؟
اذا شايفه اكيد بتعرف باجي الحلقه

[SaD HeArT]

المشاركة الأصلية كتبت بواسطة ~6aliba wbass~

شفت لكويتي المبتعث للخارج ؟!
احم احم << مابي اكمل بس قول لي اذا شفته او لا ؟
اذا شايفه اكيد بتعرف باجي الحلقه

6aliba wbass

حلوه أمبيه مو ستايـل ,

هلا والله بنت ديرتي طالبـة , الحمدلله بخير , لا والله تبين الصج .. نص ونص ,

تشلسي توه خسران والحكم التعبان ما حسب لهم بلنتي وإختلفنا بالديوانيه بسبة المباراة ,


المهمـ .. مدري إذا تقصدين الطالب العازمي اللي درس بالفلبين ورفع قضية على الوزارة ؟؟

إذا كنتي تقصدينه .. أبشرج .. المحكمه حكمت له بالإعتراف في شهادته وشهادة اللي درسوا معاه ,

وفيه حالات سابقة إعترف فيها القضاء بالشهادة وطالب الوزارة بإعتمادها , وأصحاب الشهادات إستفادوا منها ,

ولا تحاتيـن .. قضاءنا نزيـه والكل ياخذ حقه , و الله يخلي لنـا مطيـر , من محامين وقضاة ومستشارين ,

ومنيه لين نخلص ربج كريم , ويمكن الوزارة تقصر علينـا العنوة وتعترف بالشهادة .

[~6aliba wbass~]

المشاركة الأصلية كتبت بواسطة SaD HeArT

6aliba wbass

حلوه أمبيه مو ستايـل ,

هلا والله بنت ديرتي طالبـة , الحمدلله بخير , لا والله تبين الصج .. نص ونص ,

تشلسي توه خسران والحكم التعبان ما حسب لهم بلنتي وإختلفنا بالديوانيه بسبة المباراة ,


المهمـ .. مدري إذا تقصدين الطالب العازمي اللي درس بالفلبين ورفع قضية على الوزارة ؟؟

إذا كنتي تقصدينه .. أبشرج .. المحكمه حكمت له بالإعتراف في شهادته وشهادة اللي درسوا معاه ,

وفيه حالات سابقة إعترف فيها القضاء بالشهادة وطالب الوزارة بإعتمادها , وأصحاب الشهادات إستفادوا منها ,

ولا تحاتيـن .. قضاءنا نزيـه والكل ياخذ حقه , و الله يخلي لنـا مطيـر , من محامين وقضاة ومستشارين ,

ومنيه لين نخلص ربج كريم , ويمكن الوزارة تقصر علينـا العنوة وتعترف بالشهادة .

اووووووه اثاريك تشيلساوي ؟؟
وخر عنه هههههه << عاد احنا كله ( السبه الحكم ) مرشينه قبل المباراة .. مهددينه .. مادري شنو
يالله مو مشكله هارد لك .. اهم شي برشلونه << لا يحوشك
زين يا معود اعترفوا بشهادته مسكين
بس لا ما اقصد هذا .. اقصد واحد ثاني
خلاص ان شاء الله بعدين اقول لك عنه
وطبعا قضائنا نزيه بس خوفك من ال......... اللي يوزون ال .......... علينا
والله ما ندري ربك كريم .. الله يفرجها من عنده
بس جنه حبطنا البنيه ؟

[L U X U R Y]

يَ ليت مآنطلع عن محور الموضوع , بليز
GO ~> للتجمع

[SaD HeArT]

المشاركة الأصلية كتبت بواسطة ~6aliba wbass~

بس لا ما اقصد هذا .. اقصد واحد ثاني
خلاص ان شاء الله بعدين اقول لك عنه
وطبعا قضائنا نزيه بس خوفك من ال......... اللي يوزون ال .......... علينا

هههههههههه لا إن شاءالله ما تتحبط زميلتنـا الجديده ,

إن شـاءالله تتشجع وتسجل وتصير زميلتنا في المنتدى وفي الجامعه ,

خلاص صـار .. أنطر منج سالفة اللي تكلمتي عنه ..

بس حطي الحروف عـ النقط لأن ما فهمت شيء , تذكريني في إسئلة أكمل الفراغ .

المشاركة الأصلية كتبت بواسطة I T A L I A N O

يَ ليت مآنطلع عن محور الموضوع , بليز
GO ~> للتجمع

دام السالفه فيهـا بليـز ..

حاضر سيدتي ,

مالج الا طيبـة الخاطر إن شـاءالله

[~6aliba wbass~]

المشاركة الأصلية كتبت بواسطة I T A L I A N O

يَ ليت مآنطلع عن محور الموضوع , بليز
GO ~> للتجمع

اوكي اوكي ان شاء الله
صار طال عمرج
الظاهر هذا الزف اللطيف اللي يقولون عنه
هههههه اتغشمر
انا اللي غيرت الموضوع واعتذر
sad heart مجرد رد علي ماله شغل بالسالفه ...
اعتذر مره ثانيه .. تحياتي ..

[babyq8]

هههههه كل هالنقاش على شاني مشكورين وما قصرتوا وانشاء الله ربي يسهلها

للأسف بالكويت عندنا شهايد اوروبا معترف فيها حتى لو كان شاريها أما الشهايد اللي من دول عربيه فهذي

مشكله تواجه غالبية الطلبة الله يهديهم و يعترفون فيها ...

شكرا جزيلا على التفاعل الجميل و ماقصرتوا ..

عندي سؤال أخير نقدر نقاصد التكاليف و لا لأ؟