ابـــــــــــــــــــداآاآاآع

[رضااك يااربي]

مسائكم/صباحكم سعاده وراحه بال
..
بعد سنوات من معاناة البيوت والتنقلات قررت أخيرا آخذ بيت من الشركة وأستعوضت الله خير في بدل السكن ، ألزم ماعلى الواحد راحة باله
وبما ان تصميم البيت يحتوي على مجلس حريم وماعندي حريم ، فـ قررت احوله إلى ديوانية جلوسي ، تلفزيون وجلسه وكمبيوتر وشاي ومباريات ونقاشات حول مشاكل المجتمع << أمحق
واعذرونا على جودة بعض الصور ، شي بالجوال وشي بالكاميرا
..
أول شي ألقيت نظره على شكل الغرفة .. وماادري ليش تذكرت توقيف المرور في الموضوع هذا ! المهم بلاها الذكريات المريره ، نشوف الغرفه



وطبعا أول شي لازم يتغير لونها البائس ، فـ اخترت اللون وبدأت أم المعارك


..

’’ بقول شي قبل لاتصبغون أي شي في بيتكم ، لازم تعرفون اشياء مهمه ،،

* نوع الصبغ المناسب للجدار ، بلاستك أو زيتي
* اختاروا اصباغ نوعيات جيده.. جوتن ، سيغما ، الجزيرة هم الأفضل واتركوا الرخيص
* لاتشتري الصبغ و رولة الصبغ وتجي تراكض لبيتك فرحان :D اشتري العلبة اللي بتصب فيها بوياتك وخلطاتك ، ولا تنسى الفرشاه الصغيره للأماكن الضيقه
* وأهم شي تشتري شي تحرك الصبغ بعد ماتخففه بـ"تنر" بالنسبه للزيتيه أو بالماء بالنسبه للبلاستك وإلا بيصير فيك مثل ماصار فيني ومالقيت شي احرك فيه فكان التالي:



وبطبيعة الحال ذابت أوراق الدليل لين اهتديت الى استخدام عصا رولة الصبغ



((اللي تابع الموضوع السابق بيلاحظ انه في واحد جاني واشتغل وطار عقاله مع الحماس ،، هو نفسه ابو ثوب ، ويقاله هالمره كان حريص ونزل غترته وعقاله ، بس جاب العيد وجا يبي يفزع في صبغ بويه بالثوب ))
كأني قليل خاتمه
والحمدلله تمت عملية المزج والتخفيف بنجاح

وبدأت عملية الصبغ



أثناء العمل لاتحرمون أنفسكم متعة احتساء الشاي والقهوة
..
الآن إنتهيت من صبغ الجدران ، وصار وقت تغيير الأرضية ،،
ولازم ننظف كل شي قبل عملية التركيب



وهنا ودي اقول شغله : ان اي واحد فيكم اذا فكر ياخذ بيت وقالولك سيراميك لاتفرح لأن بعض الانواع لو يحطون مكانها تراب وتمشي عليه اصرف بسبب شكلها البايخ أولا ورداءة نوعها ثانيا
وكبديل ، مافي أحلى من الأراضي الخشبية "الباركيه"
وتم التركيب


..
الآن حان وقت شراء الاثاث والإكسسوارات والذي منه ، وكخيار أمثل (أو مافي غيره) توجهت إلى IKEA الظهران



- قبل تروحون ايكيا واذا في بالكم تشترون أغراض وايد لاتنسون تقدير حجم الأغراض مقارنة بالسيارة اللي رايحين فيها تحسبا لأي وهقه
الحمدلله تم (حشر) كل ماتم شراءه في السيارة


..

بعد مانزلت الأغراض
بدأت تركيب الستاره ولكن للأسف واجهتني مشكله (حمقاء) بعد ماسويت الفتحات في الجدار



والمشكلة هي ان القطع البلاستيك اللي المفروض تدخل فيها المسامير ماهي موجودة (ضيعتها)
اللي هي هذي



ولكن اهتديت الى حل جميل ومناسب .. تابعوا معي:
أول شي نجيب قطعة خشب صغيره من أي مكان



ونحشرها في الفتحات بهذا الشكل بحيث ان الخشب يكون مالي الفتحة



بعدين نكسر الأطراف الزايده



ونركب المسامير عادي



بعد ماسويت هالحركه اكتشفت ان الخشب اصرف من قطعة البلاستك لأن الخشب لا يتبربر بالحراره ولا ينكمش بالبروره
وتم تركيب الستارة


..

الآن وقت تركيب الإضاءات
وهنا لازم ناخذ بالنا من شغله مهمه بخصوص الاضاءات في "إيكيا" لما نشتري أي نوع من الاضاءات لازم نتأكد إننا شرينا اللمبات لأنها تجي بدون لمبات
وبعد لازم نتأكد اننا اخذنا لمبات بنفس قوة الكهرباء في البيت 110v أو 220v وممكن بعد تختار قوة اللمبه 50w والا 60w أو 100w حسب الرغبة
انا اخترت هذا النوع



وركبنا إضاءة السقف



وبعدها ركبت إطارات الصور وفوقها ركبت إضاءة معارض .. بالنسبة للإضاءة وعلشان لايتشوه منظر الجدار بسلك الإضاءة صبغت السلك بنفس لون الجدار



الحين جا دور الخفايف ، تركيب الرف وتعليق الساعة وأي شي يحتاج سلم وتخريم جدران علشان نقفل على موضوع التركيب ونبدأ الترتيب
ركبت الساعة والرف على اليمين ودخلت أول كنبه





ونظفت الأرض من الفوضى



ودخلت الكنبة الثانية وركبت الطاولات وأضفنا شوية اكسوارات وحركات لين وصلنا للشكل النهائي







وانتهت المهمة بحمد الله


..

المضحك المبكي إني ماقعدت في هالبيت أكثر من 4 أشهر وبعدها تركت الشركة والبلد كلها
أتمنى الموضوع عجبكم

لاتحرموني ردودكم
ودي وحبي

[ابن خلدوون]

مبروك البيت ..

لكن خساره بعد كل هذا التعب وماجلستي فيه

كل الشكر لكِ .

[دوم في قلبي]

يعطيك العافيه
كثير ررروعه ماشاء الله
تقبلي مروري

[الدكتورة : رنَا]

آدمي ذووووق

[بصمة حرف]

روعه

[علاوي السعدون]

انشهد انك مبدع

وصراحه افدتني باشياء لأني ناوي هاليومين اضبط غرفتي

طيب جبيبي بسالك الارضيه الخشبيه كم كلفتك ؟؟

[جنون الحياه]

جوووووووونااااااااااااااان مررررررررررررره

حساااااااااااااااااااااااااااااااافه تعبك فيها ..

الله يعوووضك ..

[بندر111]

ع بالي منقول

المهم مررره ناايس

[رضااك يااربي]

المشاركة الأصلية كتبت بواسطة ابن خلدوون

مبروك البيت ..

لكن خساره بعد كل هذا التعب وماجلستي فيه

كل الشكر لكِ .

هلا وغلا والله
الموضوع منقول ولا البيت مو لي ولا هوه شغلي......
اسعدني مرورك حيييييييييييييييييييل

[رضااك يااربي]

المشاركة الأصلية كتبت بواسطة علاوي السعدون

انشهد انك مبدع

وصراحه افدتني باشياء لأني ناوي هاليومين اضبط غرفتي

طيب جبيبي بسالك الارضيه الخشبيه كم كلفتك ؟؟

اهلين اخوي...
الموضوع منقول ولا كنت اتمنى افيدك........
مشكور ع المرور