ضاعت احلامي والسبب !!!!

[عذيب]

بسم الله الرحمن الرحيم

تخيلو كل الترم هذا حماس .. ومذاكره وتصوير ملخصات ومتابعه مع الدكتور اول بأول
كنت احس المنهج سهل مره

بس اننتظر الإختبار علشان استمتع واشوف إنجازي يكمل


لكن قدر الله وماشاء فعل !!
كل معلوماتي سابقاً ان الإختبار راح يكون في مدارس التربيه النموذجيه
وهذا السبب الأكبر لإختياري الجامعه

لانها ماتبعد عن بيتي شيء يذكر إلا خطوات

المهم للأسف تغيرت المواقع ورموني بعيد

والله لو انا بنت لي كامل الحريه لاخذ تكسي واطلع من الظهر انتظر
لكن انا أسرتي صعبه جداً وشديده ومن سابع المستحيلات
اطلع
وغير كذا ماعندي احد يتعاون مع لا اخو ولا ابو يوديني للمقر
إلي تقرر إنه في حي الرائد

إختبارات وماراح اقدر احضر
وإعتذار
متقفله الأيقونه

وعذر طبي ماعندي ولا راح اكذب !

عذري عائله شديييييده إلى النخاع
وعدم توفر حتى حمار وانتم بكرامه ينقلني للمقر

[خلدون-2010]

الله يعينت المفروض نسقتي مع اهلت او مع احد اخوانك الي قريب لك خاصة انه معروف ان مراكز الاختبارات تتغير انا في الشمال وكان بجنبي بعدين صار في وسط الرياض ساعه تقريبا مع الزحمه

[ابو الخل]

والله حرام حاولي من خوانك ولا ابوك يالالمصيبه
والله لو اني منك لامثل ان فيني مرض جامد قبل الاختبار بساعتين مثلا وبكذا اكيد بيودونك االمستشفى قولي لهم المستفشى بحي الرائد ووصليهم لين المدرسه وانزلي بسرعه وبعد الاختبار يصير الي يصير
والله ترى مااستهبل والله لو انا لاسويها والي يصير يصير

[أنيقاع ذووق]

حبيبتي انتي طب اقنعي احد من اهلتس حسييهم ان هاذاا مستقبل ويخفون من التشديد وحرام يضيعون المستقبل
واكيد الا ما احد يتعاون جربي

[بسمة قهر]

روحي للمركز القريب واختبري
ووخذي بطاقة احوالك وو شهادة التعريف
وعطيهم للمركز ..
ولا يضيع تعبك حرام ..,

[ام عبدالرحمن 20]

الله يعينك وانا اختك روحى صلى واستغفري كثير وادعى ربك وياتيك الفرج من حيث لاتعلمين جربة الآن

[غُنٍوجَۃٱبوهآ]

انا اقول روحي للمقر القريب ولا تجلسين كذا


وادعي ربك يفرج همك


الهم ياسميع يا عليم يا بصير يا من هو على كل شي قدير يامن كان نعم المجيب لنوح حينا ناداهيا ذا الجلال ولاكرام

[رواسي R]

صحيح على قوله بسمه , روحي لأقرب مركز امتحان لك وامتحني
ماراح يرفضون بيني لهم السبب لا تقعدييييين رووووحي

[رعبوب الحمام]

شوفي اهم شيء طاعة الوالدين انتي حاولي معهم بإسلوب الترجي وإذا ما وافقو خلاص لازم ما تعصينهم ولعل الامر فيه خيره , واكثري من الاستغفار والصلاة اخر الليل والله يوفقك ان شاء الله دنيا واخره ,, بس الله الله بالوالدين..

[عذيب]

الحمد الله ردو علي الإدارو من مسج ارسلته بينة فيه عذري
إلي هو اللمواصلات


والحمد الله طمني كلام المدير وقالي
اقدر بعد الغختبارات إرسال عذري كما ارسلت له
واللجنه توافق لي عليه
وتنزل المواد على الترم الجاي حتى اختبر فيها وانجح

اكيد ضاع علي الترم
لكن انا حافظه المنهج صم
فما عندي مشكله اهم شيء ما ارسب او يأخر تقدمي للمستوى الثاني

الله يفرج لي ويرزقني بمواصلات ويوفق كل من تفاعل معي ويرزقه ويسخر له كل وسائل النجاح والتوفيق يارب

أشكركم