[ جميع التخصصات ] الكل يدخل هنا يابنااات ..ضرررررررررررررورري

[الانتظاار]

بســم الله الرحمن الرحيم

السلام عليكم ورحمة الله وبركاته ..

بنات انا بقولكم عن اشياء ملاحظتها من اول مادخلت في هالكليه
طبعا اغلبها (سلبياات ) للاسف يعني واتمنى انكم تقروا كلامي
للاخير لان شي لناا وعشان نرتقي ونكون ناجحين في الحياه ونبي
تكون كليتنا مثل الباقي مو بهالمستووى اللي مدري بايش اوصفه

بما ان فترة تسجيل اشوفهم حارقيين اعصابنا مع موقعهم الزفت ذا
اللي مادري وش لمطلوب مننا عشان بس يعدي الخطوات بسلام
جد الوضع لا يحتمل كل بداية ترم هذا حالنا ليه كذا .؟؟

الاجازه مانعيشها مثل البنات الباقيات انا مثلا اضافه على
مشاكل التسجيل اللي ماتنتهي رافعه تظلم وتتوقعون متى قالوا
لي تطلع نتيجته بعد العيد يعني بالله عليكم مو حرام اللي قاعد
يصير طول اجازتي توتر وتفكير بسبب هالكليه ومشاكلها ليه كذا
ابي افهم هذا غير اسلوب بعض الدكتورات الزفت صراحه واسلوب
موظفات علوم 6 نادرين جدا اللي يعطوا وجه حتى مانبي اخلاق
مره بس ماعندهم اسلووب اساسا والمشكله بعد ان ماحسهم
يصححون اوراق الاختبارات وهذا مو بس كلامي انا يعني معقوله
تحسي انك حاله اوك وتراجعي ويطلع حلك مظبوط تتفاجئي بنتيجه
fحتى مو d وهذا غير تعمدهم لتنزيل المعدل واجبارنا على ان ماناخذ
اكثر من 12 ساعه يعني يبونا نقعد ل10 سنين عندهم والا كيف
وهذا غير المكافأه اللي يقطعونها بعد مايتعمدوون ينزلوا المعدل
واشيااا كثييره سلبيه في هالكليه لو بتكلم مابخلص

الهدف من كلامي هذا يا اخواتي العزيزات ان الى متى بيظل هذا حالنا
يعني موب معقوله نظل ساكتين المفروض نكلم المسؤولات عن التسجيل
وعن التظلم والمكافأت و.... حراام والله ليش الظلم يعني انا مثلا وكثير مثلي
كنا في المدرسه ماشاء الله مستوانا امتياز نجي عندهم ومع المذاكره والتركيز وكل شي
نلقى ان نحمل موواد وعادي عندهم للمره الثانيه يحملون والمليوون حتى صراحه ماعندهم احسااس فانا جايه اناقشكم يعني برايكم لو كل الطالبات يتفقون على تعديل اوضاع الكليه
او عالاقل الاغلبيه ويكلمونهم ويوقفون وقفه جاااده ونكلمهم للمره المليووون عادي كفايه سكوت انا صار لي سنه عندهم بس واحس اني مو متحمله هذا كله مابي اشوف عجايب
اكثر بنااات خلونا نتعاون الله يجزاكم خير ويوفقكم لان كثير عايشين في توتر بسببهم خلونا نتنااقش لو سمحتوا على وضعهم اللي محد ماشتكى منه

[ملاااك القلوب]

والله كلامك جد مهمليييين اقوى شي وعلى ان الغلط والتقصير منهم
مع ذالك يكلمونك رافعين خشومهم كنهم يتمنننون علينا
والله لو يخلونا ندخل على نظامهم واجهزتهم كان سنعنا انفسنا ومانتضرنا منهم شي >>ماحد زودها


بس والله نتعب وننقهر ونرفع ضغطنا على الفاااااااااضي ولا حياه لمن تنادي
طبعامو الكل بس الاغلب هيك
نصيحه وسعوووو صدوووركم وماضاقت الا لتفرج وترى تونا صغار لاحقين على الامراض والنفسيه

[| عذاري |]

و عليكم السلام و رحمة الله و بركاته

حبوبه بالنسبه لمشاكل التسجيل هذي تصير في أحسن الجامعات إن كان لكِ إطلاع على ذلك
و بالنسبه للظلم صراحه طول دراستي و لله الحمد محد ظلمني و دايماً تكون النتيجه على قدر اجتهادي
غير كذا لآتقارني اجتهادك في الثانوي بالجامعه لآنه فرق كبير
أنا كنت من الاوائل بالثانوي بس بالجامعه لآ لآن في فرق كبير بين المرحلتين

و ربنا يوفقك لكل خير

[الانتظاار]

ملاك بالعكس انتي لازودتيها ولا شي تحملناهم بما فيه الكفايه
وصح مثل ماقلتي مايخلونا نسجل بدون حاجتهم لان موقعهم زفت
ونظامهم فاااااااشل ولا بيتعدلوون ابد حتى لو بطنش ماقدر
مع اوامرهم لازم التسجيل في هالفتره سلامات؟ من حلاة موقعكم مثلا

انتظر اراء باااقي البنات ليش كذا مافي تفاعل لا يكون قلت شي غلط
وضحوا لي رايكم عادي ترى

عذاري حبوبه ليه ما اقارن انا ما اشوف ان دراستنا مرره صعبه عشان نصير بهالحاله بس هم مصعبينها وبالعكس انا بدلت جهد مضاعف عن ثانووي ومانفع واذا على انهم ماظلموك احمدي ربك تراك 1 من 50 واكثر ولنفرض ان الجامعات فيها مشاكل تسجيل فاتوقع ان الجامعات الراقيه تسعى لتطوير حالها موب ذي الي حنا فيها ابد لا اهتمام ولا احساس انا هذا اللي اشوفه

[LEADER^_^]

انا بصراحه معك قلبا وقلبا انا الان بروح سنه ثالثه وبصراحه ماعدت اصبر عليهم وصلت لدرجه اني ابي اسحب ملفي لكن هذا مو حل ..
انا ودي نتخذ اجراء لكن انا موعارفه لمين نتوجه بس المفروض نتكلم ومانسكت على هالوضع السيء
لان هذا ظلم ومافي احد يرضى فيه

لو نبي نتكلم راح نتكلم لشؤن الطالبات هم المسؤلين فايش رايكم

[الانتظاار]

انا بعد مثلك يااختي وصلت لمرحلة نفاااذ الصبر عندي وودي اسحب ملفي
بس مثل ماقلتي هذا مو حل واذا عالاجراء ننتظر ردود البنات الباقيات ونتناقش ونشوف بس اتوقع انو بنكلم شؤون الطالبات اقرب شي خلاص يشوفون حل بجد تعبنااااا والله
وارتفع ضغطناا يمنون علينا بهالكليه والا كيف يشوفون الجامعات الثانيه كيف راقييه
حراااام الظـــلم ..تعبناااااااااااا

[queen*]

انا معاك حبيبتي .. والله انهم ظالمين وعذاري يمكن انتي ما جاك شي منهم بس انا جاني ظلم كثير والى الان وانا اتحسب عليهم .. دكاترة يطلبون اشياء مدري من وين نجيبها لهم ... يصعبون علينا المواد .. ودكاترة ترسب بكفيها ولا تقولون محد يرسب .. ابصملك بالعشرة انهم يرسبون وعندي ادلة كثيرة حسبي الله ونعم الوكيل ..وغيير وغييرة ..

ااه مالنا الا صبر والله يفرجها

[ملاااك القلوب]

شوفي عذاري حبيبتي انا معك اكيد مستوانا بالثانوي ماراح يكون مثل مستوانا اللحين
وانا عن نفسي الحمدلله للحين مارسبت في ماده انا شديت حيلي فيها
الحمدلله اخذ درجاتي على قد تعبي معناته يصحوون بالنسبه لي وبصراحه يب نسمع شكاوي من الببنات انها ترسب ظلم ؟
بس انا مشكلتي مع هالجامعه هو نضامهم وكثره مشاكله ومع ذالك مانلقى مساعده الا بعد طلعه رووووح
واليوم اكتشفت ان نضامهم الغبي حاذف ماده انا ناجحه فيها وين طارت الله اعلم
وبسبب كذا ماقدرت اسجل ماده تتطلب هذي الماده وغيرررررره كثيير من هالمشاكل

[الانتظاار]

يلا البنات الباقياات بانتظار سماع اراءكم

[عَ ـبِيرْ]

والله صادقة بكلّ كلمة تقولينها
خصوصًا بمسألة النّظااااااااااااااام
ممكن يكون عند الجامعات الثانية مشاكل بس أتحدّى ، أتحدّى تلقون مشاكلهم مثل مشاكلنا
مثل ما دراسة الثّانوي ما تتقارن بدراسة الجامعة "وهذا صحيح" فإنّ مشاكل الجامعات الثّانية ما تتقارن بمشاكلنا
خلّونا نكون واقعيين و بعيدين عن المثاليّة الزايدة !

موظفات علوم 6 نادرين جدا اللي يعطوا وجه حتى مانبي اخلاق

مره بس ماعندهم اسلووب اساسا

هذا المشكلة ،
هم ما عندهم أخلاق و يطالبوننا بالأخلاق
هم ما عندهم أسلوب و يطالبوننا بالأسلوب
احترمي نفسك و احترميني و بحترمك!

جيناهم بالأخلاق ما مشت معاهم
جيناهم بمثل أخلاقهم ما مشت معهم
لكن ما لنا إلا الصّبر ، لأن البنات أصلًا ما يشجعون على الإصلاح
و كلهم عاجبهم وضع الإهانة و الظلم اللي هم فيه وكلهم راضين وساكتين
وكلّ وحدة همّها نفسها تخلّص نفسها و تنحلّ مشكلتها ولا عليها من غيرها بستين داهية جعلهم في حريقة
وين الأخلاق وين التعااااااون
عشان كذا مالنا إلا الصّبر و احتساب الأجر
و .. اللهمّ اجعل همّي الآخرة