[ فكرة مشروع ] : للبنات العاطلات

[bubbles]

عدنا ..تصدقون ضاع دفتر مشاريعي << كل شهر اضيف مشروع من الفضاوة
بس ماوصلت لدرجة هذي من الحماس انني ادور ممول صراحة الموضوع هنا بدى يتحول للجد
ونفتح سجل تجاري واسم محل ومادري ايش يعني السالفه تبيها جدية و صدق مو يومين وتغيرين الراي ماجازت السالفة .
اما سالفة الحضانه ..صراحة مشروع ناجح << ناس كثير محتاجين هذا المشروع ..
ابدية اول شي مع العايلة بس لازم تكونين حازمة في الموضوع ..انا سويت مشروع سخيف (من البساطة اللي فيه ) بس خذته من باب التسلية و تفتحت عيوني فيه .
1- اول شي يكون كل طفل ب 1200 << خلاص بدت تخطط البنت وخرو عنها
2- بعدين سالفة تجيب امه بسكوت وبطاطس هذي انسيها << تخرب ع الاطفال الثانيين ومحنا ناقصين هواش مع باقي الحريم وقطع ارحام.
3- استفيدي من حافز شوي وخصصي غرفة اشتري لعبتين او 3 مع بسكوت .
نصيحة ابدي ب طفلين جربي عليهم واذا شفتي السالفة مشت زيدي واحد.
الراتب 600 لعيالهم و600 في الجيب .
نخاف نرفع السعر و يرفضون فابدي 1200 وزيدي لما 2000 كل مره اضافة خاية جديده.
الله يعينس ع غثاهم << سبق ومسكت 6 اطفال وانا في المتوسط كنت مختوم علي رياض اطفال بس مدري وش قلبني ودخلت قسم الحاسب.

وش رايكم نسوي مشروع نستخدم برامج الاوفيس .
تصميم وورد << عاد هذا البرنامج مهبل فيني مادري وش حادني اصمم به شكلي بسمع مشوره اخوي وابيع المستندات تصلح لطلاب الجامعات والمدارس تصديد تقارير او بطاقات حقات مدارس او راق عمل حفلات اعياد وهكذا. او بحوث تخرج للجامعيات .
عروض بوربوينت حقات اذاعة قرب العيد تبين تسوين مسابقات بتطلع وااو ..
برنامج اكسل هذا عليه طلب من كل شخص يفتح محل لازم قاعده بيانات .
برنامج اكسس هذا متاهة عظيمة .
وباقي البرامج مصمم الباقات ومصمم المواقع وامشو ....
اذا عجبتكم الفكره كان بها ماعجبتكم عادي نغير..
بس ترى كل مشاريعي بالحاسب..

[وحدك أبيك]

أنا أقول دامكم كلكم هنا خلو التجمع بنفس هالموضوع أفضل للكل

لأنه اللي عندها بيبي ولا عندها وآتس أو العكس أو ماعندها اكاونت بالفيس بوك

وكذا بنتشتت كلنا

ومنها نكون مطلعين على مواضيع هالقسم بما انه يخص كل خريجه

[بنت الصقور]

المشاركة الأصلية كتبت بواسطة bubbles

وش رايكم نسوي مشروع نستخدم برامج الاوفيس .
تصميم وورد << عاد هذا البرنامج مهبل فيني مادري وش حادني اصمم به شكلي بسمع مشوره اخوي وابيع المستندات تصلح لطلاب الجامعات والمدارس تصديد تقارير او بطاقات حقات مدارس او راق عمل حفلات اعياد وهكذا. او بحوث تخرج للجامعيات .
عروض بوربوينت حقات اذاعة قرب العيد تبين تسوين مسابقات بتطلع وااو ..
برنامج اكسل هذا عليه طلب من كل شخص يفتح محل لازم قاعده بيانات .
برنامج اكسس هذا متاهة عظيمة .
وباقي البرامج مصمم الباقات ومصمم المواقع وامشو ....
اذا عجبتكم الفكره كان بها ماعجبتكم عادي نغير..
بس ترى كل مشاريعي بالحاسب..

حلو فكره معقولة

[SHaQaWy]

حلو ... بس ياليت لو ندور لنا قروب نجتمع فيه وندردش كلنا جماعيا يا في البيبي او الواتسب او اي برنامج ممكن يتوفر عند الكل ....(( فيه كثير غير هالاثنين))

ونفكر بمشروع واحد واقعي ... نشترك فيه كلنا

[أبو محمد]

يُغلق ..